កម្ពុជា ឡាវ ប្រ៊ុយណេ និង​ទី​ម័​រ​ខាងកើត​មេដាយ​មិន​កើន​

141
​និម្មិត​សញ្ញា​ស៊ី​ហ្គេម​ទី​២៩

(​ភ្នំពេញ​): គិត​ត្រឹម​យប់​ថ្ងៃទី​២៣​សីហា ចំនួន​មេដាយ​របស់​កម្ពុជា ក្នុង​ព្រឹត្តិការណ៍​ស៊ី​ហ្គេម​មិនទាន់​កើនឡើង​ទៀត​នៅឡើយ​ទេ ដែល​ក្នុងនោះ ក៏មាន​ប្រទេស​ឡាវ ប្រ៊ុ​យ​ណា និង​ទី​ម័​រ​ខាងកើត ក៏​មិនទាន់​កើនឡើង​ដែរ​។​

​យោងតាម​គេហទំព័រ​របស់​ស៊ី​ហ្គេម ដែល​កំពុងតែ​ធ្វើឡើង​នៅ​ទីក្រុង​គូ​ឡា​ឡាំ​ពួរ ប្រទេស​ម៉ាឡេស៊ី​នោះ ឲ្យ​ដឹងថា​ម៉ាឡេស៊ី​ដែលជា​ម្ចាស់ផ្ទះ​ពេលនេះ មេដាយ​កើនឡើង​ដល់​១១៩​គ្រឿង​ហើយ ដែល​ក្នុងនោះ​មាស​មាស ៥០​ប្រាក់​៣៧​និង​សំរិទ្ធ​៣២ គឺ​ឈរ​នៅ​លំដាប់​លើ​គេ​។​

​ប្រទេស​សឹង្ហ​បូរី​ឈរ​នៅ​លំដាប់​ទី​២ ដែលមាន​មេដាយ​សរុប​ចំនួន​៧៤​គ្រឿង ដែល​ក្នុងនោះ មេដាយមាស​ចំនួន​២៧ ប្រាក់​២៣ និង សំរិទ្ធ​២៤​។ វៀតណាម​ឈរ​នៅ​លំដាប់​ទី​៣ ដែលមាន​មេដាយ​សរុប​ចំនួន​៧០​គ្រឿង គឺ​មេដាយមាស​២៧ ប្រាក់​១៩ និង​សំរិទ្ធ​២៤​។​

​ប្រទេស​ថៃ​ឈរ​នៅ​លំដាប់​ទី​៤ គឺមាន​មេដាយ​សរុប​ចំនួន​៨១​គ្រឿង ដែល​ក្នុងនោះ មេដាយមាស​១៧​គ្រឿង ប្រាក់​៣០ និង​សំរិទ្ធ​៣៤​គ្រឿង​។ ឥណ្ឌូនេស៊ី ឈរ​នៅ​លំដាប់​ទី​៥ ដែលមាន​មេដាយ​សរុប​ចំនួន​៦៤​គ្រឿង ក្នុងនោះ មេដាយមាស​១៥​គ្រឿង ប្រាក់​១៧​គ្រឿង និង​សំរិទ្ធ ៣២​គ្រឿង​។​

​ហ្វីលីពីន ឈរ​នៅ​លំដាប់​ទី​៦ ដែលមាន​មេដាយ​សរុប​ចំនួន​៤៥​គ្រឿង គឺ​មេដាយមាស​១០ ប្រាក់​១៥ និង​សំរិទ្ធ ២០​គ្រឿង​។ មី​យ៉ាន់​ម៉ា ឈរ​នៅ​លំដាប់​ទី​៧ ដែលមាន​មេដាយ​សរុប​ចំនួន​១៧​គ្រឿង ដែល​ក្នុងនោះ មេដាយមាស​ចំនួន ៤​គ្រឿង ប្រាក់ ៥​គ្រឿង និង​សំរិទ្ធ​៨​គ្រឿង​។​

​ប្រ៊ុយណេ ឈរ​នៅ​លំដាប់​ទី​៨ ដែលមាន​មេដាយ​សរុប​ចំនួន​៦​គ្រឿង គឺ​ប្រាក់ ១​គ្រឿង សំរិទ្ធ ៥​គ្រឿង គឺ​នៅ​រក្សា​ដដែល​។ ឡាវ ឈរ​នៅ​លំដាប់​ទី​៩ ដែល​មេដាយ​មិន​កើន​ដែរនោះ គឺមាន​២​គ្រឿងប្រាក់ ១​សំរិទ្ធ ១​។ កម្ពុជា នៅ​រក្សា​មេដាយសំរិទ្ធ ៥​ដដែល ក្នុងខណៈដែល​ទី​ម័​រ​ខាងកើត​មិនទាន់បាន​អ្វី​សោះ​។​

​បើតាម​មេដឹកនាំ​កីឡា​កម្ពុជា​ឲ្យ​ដឹង​ពី​ទីក្រុង​គូ​ឡា​ឡាំ​ពួរ​មក​នោះ​ថា ប្រភេទ​កីឡា​មួយចំនួនទៀត​កម្ពុជា កំពុង​តែមាន​មេដាយសំរិទ្ធ​ក្នុង​ខ្លួន ហើយ​គ្រាន់តែ​ការប្រកួត​នោះ​មិនទាន់​បញ្ចប់​៕L ដោយ​: រ៉ូ​ហ្សា​