កម្មករសំណង់​ទាញ​ដែក​ឡើងលើ​ប៉ះចំ​ខ្សែភ្លើង​ស្រាត ឆក់​រងរបួស​ធ្ងន់​

536
ចែករម្លែក

ដោយ:ប​.​ជ័យ/បន្ទាយមានជ័យ : បុរស​ម្នាក់​ជា​កម្មករ​សំណង់ ត្រូវ​ខ្សែភ្លើង​ឆក់​រងរបួស​ធ្ងន់ នៅវេលា​ម៉ោង​៩​និង​៣០​ព្រឹក​ថ្ងៃទី​១០ ​ខែកក្កដា ​ឆ្នាំ​២០១៩ នៅ​គ្លីនិក​មួយកន្លែង​ស្ថិត​ក្នុងភូមិ​សាមគ្គី​មានជ័យ​សង្កាត់​ប៉ោយប៉ែត ក្រុង​ប៉ោយប៉ែត​ខេត្តបន្ទាយមានជ័យ​។​

សមត្ថកិច្ច​មូលដ្ឋាន​បាន​ប្រាប់ថា ជនរងគ្រោះ​មានឈ្មោះ​លុន ឡាយ​ភេទ​ប្រុស​អាយុ​២៤​ឆ្នាំ​ស្នាក់នៅ​បណ្ដោះអាសន្ន​កន្លែងកើតហេតុ​មាន​ស្រុកកំណើត​នៅ​ភូមិ​ស្នាយ​ល្អ ឃុំ​ទឹកជោរ ស្រុក​ព្រះ​នេត្រ​ព្រៈ​ខេត្តបន្ទាយមានជ័យ​។​

ក្រោយ​កើតហេតុ​គេ​ឃើញ​រថយន្ត​សង្គ្រោះ​របស់​ក្រុមការងារ​មូលដ្ឋាន​អាវុធហត្ថ​ក្រុង​ប៉ោយប៉ែត​ ដឹក​មក​សង្គ្រោះ​នៅ​គ្លី​និ​ច​នគររាជ​រួច​ដឹក​ទៅ​មន្ទី​ពេទ្យ​បង្អែក​ក្រុង​ប៉ោយប៉ែត​(​ដី​ថ្មី​) ។ តែដោយសារ​សភាព​ជម្ងឺ​ធ្ងន់ធ្ងរ​ក៏​ដឹកបញ្ជូន​បន្តទៅ​មន្ទី​រពេទ្យ​ខេត្ត​មិត្តភាព​កម្ពុជា​-​ជប៉ុន​មង្គល​បូរី​ទៀត៕B/