កម្មករ​ជិត​១០០​នាក់​នាំគ្នា​ទៅ​ក្រសួង​ការងារ​សមត្ថកិច្ច​ឃាត់​ឲ្យ​ត្រឡប់ក្រោយ​ដើម្បី​រក​ដំណោះស្រាយ​

776
ចែករម្លែក

​ដោយៈ​ចាន់តូ​/​ភ្នំពេញៈ​កម្មករ​កម្ម​កា​រ​នី​រោងចក្រ ប្រមាណ​ជិត​១០០​នាក់ ក្រោយពី​រោងចក្រ​ក្ស័យ​ធន់ ថៅកែ​គ្មាន​លុយ​បើក​ឲ្យ​កម្មករ អស់​រយៈពេល​៣​ថ្ងៃ​ទៅហើយ ពុំមាន​ដំណោះស្រាយ ទើប​កម្មករ​នាំគ្នា​ដង្ហែរ​យក​ញត្តិ​ទៅ​ដា​ក់នៅ​ក្រសួង​ការងារ​។ កាលពី​វេលា​ម៉ោង​៩​និង​២៥​នាទី​ព្រឹក ថ្ងៃទី​០២ ខែឧសភា ឆ្នាំ​២០១៨ ហើយ​ត្រូវបាន សមត្ថកិច្ច អាជ្ញាធរ ឃាត់​ត្រង់ចំណុច​មុខ​សាលាសង្កាត់​កា​កាប​១ តាមផ្លូវ​សហព័ន្ធ​រុស្សី ខណ្ឌ​ពោធិ​សែន​ជ័យ ហើយ​សុំ​ឲ្យ​កម្មករ​ទាំងនោះ​វិលត្រឡប់​ទៅ​រោងចក្រ​វិញ ដើម្បី​រក​ដំណោះស្រាយ​មួយ​ជំហាន​សិន ។​

​តាម​សម្តី​កម្មករ​បាន​ឲ្យ​ដឹងថា រោងចក្រ​ខាងលើ គ្មាន​ស្លាក​យ៉ី​ហោ​ទេ កាត់ដេរ​សម្លៀកបំពាក់ ដែលមាន​ទីតាំង​ស្ថិតនៅ តាមផ្លូវ​ជាតិ​លេខ​៣ ភូមិ​អង្គ​ត្រគៀត សង្កាត់​កន្ទោក ខណ្ឌ​ពោធិ​សែន​ជ័យ ។ កម្មករ​បន្តទៀតថា ធ្វើការ​ងារ​ឲ្យ​ក្រុមហ៊ុន​ខាងលើ ពេញ​មួយខែ​ទៅហើយ ថៅកែ​មិនទាន់​បើកប្រាក់​ឈ្នួល​ឲ្យ​នៅឡើយ សន្យា​ថ្ងៃនេះ ថ្ងៃនោះ រហូតមកដល់​ថ្ងៃទី​២៩ ខែមរ​សា ឆ្នាំ​២០១៨​នេះ ខាង​ក្រុមហ៊ុន បែ​ជា​លួច​ដឹក​ឥ​វ៉ាន់ ម៉ាស៊ីនដេរ ចេញ​បាត់អស់ ជា​បណ្តើរៗ ខណៈដែល ថៅកែ​មិនទាន់​ទូទាត់​ប្រាក់​ឈ្នួល​ឲ្យ​កម្មករ ។

លុះ​រហូតមកដល់​ព្រឹក​ថ្ងៃទី​០២ ខែឧសភា ឆ្នាំ​២០១៨​នេះ កម្មករ​ចំនួន​ជិត​១០០​នាក់ នាំគ្នា​យក​ញត្តិ​ដង្ហែរ​យកទៅ​ក្រសួង​ការងារ តែ​ត្រូវបាន​សមត្ថកិច្ច អាជ្ញាធរ ហាមឃាត់ ខណៈដែល ម៉ូតូ​ជិះ​ធ្វើដំណើរ ភាគច្រើន​គ្មាន​មួក​សុ​វត្តិភាព ឃាត់​ឲ្យ​វិលត្រឡប់​ទៅ​រោងចក្រ​វិញ ។​​តាម​សមត្ថកិច្ច អាជ្ញាធរ បាន​ឲ្យ​ដឹងថា ដើម្បី​រក្សា​នូវ សុ​វត្តិភាព សណ្តាប់ធ្នាប់ សមត្ថកិច្ច​ឃាត់​កម្មករ​ទាំងនោះ ដើម្បី​ឲ្យ​វិលត្រឡប់​ទៅ​រោងចក្រ​វិញ រងចាំ​អាជ្ញាធរ​ចុះទៅ​រោងចក្រ​ដល​ម្បី​ស្វែងរក​ដំណោះស្រាយ​មួយ​ជំហាន​សិន ៕S/

​កម្មករ​ជិត​១០០​នាក់​នាំគ្នា​ទៅ​ក្រសួង​ការងារ​សមត្ថកិច្ច​ឃាត់​ឲ្យ​ត្រឡប់ក្រោយ​ដើម្បី​រក​ដំណោះស្រាយ​