កម្មវិធី​ទម្លាប់​ល្អ​ទាំង​៧​និង​កម្មវិធី​អភិវឌ្ឍន៍​ភាពជា​អ្នកដឹកនាំ​ជួយ​ឱ្យ​សិស្សសាលា​វ៉េ​ស​ឡាញ​ជាប់​អហា​រូបករណ៍​ទៅ​សិក្សា​នៅ​ជប៉ុន​

670
ចែករម្លែក

​ដោយៈ​សុផល​/​ភ្នំពេញ​៖​យុវ​សិស្សសាលា​វ៉េ​ស​ឡាញ​ម្នាក់​បានជា​ប់​អាហារូបករណ៍​ទៅ​សិក្សា​នៅ​ប្រទេស​ជប៉ុន​រយៈពេល​៧​ខែ ដែល​នឹង​ចេញដំណើរ​នៅ​ខែសីហា​ឆ្នាំ​២០១៩​ខាងមុខនេះ​។​កញ្ញា សូ វី​នាថ អាយុ​១៦​ឆ្នាំ រៀន​ថ្នាក់​ទី​១១ សាលា​វ៉េ​សឡា​ញ​សាខា​ច្បារអំពៅ បាន​ជាប់​អាហារូបករណ៍​កម្មវិធី​« កា​កេ​ហា​ស៊ី​៖KakehashiProject»​។​

គម្រោងកា​កេ​ហា​ស៊ី​គឺជា​អាហារូបករណ៍​មួយ​របស់​រដ្ឋាភិបាល​ជ​ប៉ុន​សម្រាប់​សិស្ស​វិទ្យាល័យ​តាម​បណ្តា​ប្រទេស​នៅ​តំបន់​អាស៊ី​ដើម្បី​ទៅ​សិក្សា​នៅ​វិទ្យាល័យ​នានា​របស់​ប្រទេស​ជប៉ុន​រយៈពេល​ពី​៦ ដល់​១០​ខែ​។​គម្រោងកា​កេ​ហា​ស៊ី​លើក​នេះ​ជា​ជំនា​ន់ទី​២​។​

​នៅក្នុង​បទសម្ភាសន៍​ជាមួយ​កាសែត​រស្មី​កម្ពុជា យុវតី សូ វី​នាថ បានឱ្យដឹងថា​៖​កម្មវិធី​ទម្លាប់​ល្អ​ទាំង​៧(7Habits)​លី​ឌើ​អ៊ី​ន​មី​(LeaderinMe)​និង​កម្មវិធី​អប់រំ​ផ្លូវចិត្ត​របស់​សាលា​វ៉េ​ស​ឡាញ​ជា​ផ្នែក​មួយ​បាន​ជួយ​ឱ្យ​គាត់​បាន​ជាប់​អាហារូបករណ៍​ទៅ​សិក្សា​នៅ​ជប៉ុន​រយៈពេល​៧​ខែ​។​

​សូមជម្រាបថា​៖​ទម្លាប់​ល្អ​ទាំង​៧​បាន​ត្រូវគេ​ចាត់ទុកថា​ជា​វិធីសាស្ត្រ​មួយ​ឆ្ពោះទៅរក​ភាពជោគជ័យ​នៅក្នុង​អាជីវកម្ម​ការសិក្សា​និង​អាជីព​ការងារ​។​ទម្លាប់​ល្អ​ទាំង​៧​នេះ​មាន​៖1-​បង្កើន​ភាពម្ចាស់ការ​លើ​ការងារ​របស់ខ្លួន​2-​ជំនាញ​រៀបចំ​ផែនការ​ការងារ​ច្បាស់លាស់​3-​ជំនាញ​គ្រប់គ្រង​និង​ចាត់ចែង​អាទិភាព​ការងារ​សំខាន់​មុន​4-​ជំនាញ​គិត​បែប​ឈ្នះៗ​ដើម្បី​ស្វែងរក​ផលប្រយោជន៍​រួម​។​

5-​បង្កើន​ប្រសិទ្ធិភាព​ខ្ពស់​ក្នុងការ​ទំនាក់ទំនង​6-​បង្កើន​ការសហការ​គ្នា​ដែលមាន​ភាព​ច្នៃប្រឌិត​ដើម្បី​ឧ​ត្ត​ម​ប្រយោជន៍​រួម​និង​ទី​7-​ជំនាញ​ដើម្បី​សម្រេច​ជោគជ័យ​ផ្ទាល់ខ្លួន​ប្រចាំថ្ងៃ​។​ចំណែក កម្មវិធី​Leader in Me ជា​កម្មវិធី​អភិវឌ្ឍ​ជំនាញ​ភាព​ដឹកនាំ​និង​បំ​ណិ​ន​ជីវិត​ដល់​កុមារ​និង​យុវជន​។​រីឯ​កម្មវិធី​«​អប់រំ​ផ្លូវចិត្ត​» បង្ហាញ​ពី​វិធីសាស្ត្រ​បំបាត់​ស្ត្រេ​ស​ជួយ​ឱ្យ​សិស្ស​ចេះ​ដោះស្រាយ​បញ្ហា​គ្រប់គ្រង​អារម្មណ៍​មាន​សុខភាព​ផ្លូវ​ចិត្តល្អ ស្គាល់​ខ្លួនឯង និង​មាន​ស្ថិរភាព​ផ្នែក​អារម្មណ៍​។​

​សូវី​នាថ​ដែលជា​អ្នកនិពន្ធ​សៀវភៅ​វ័យក្មេង​ផងដែរ​នោះបាន​ឱ្យដឹងថា​៖​ក្រៅពី​ចំណេះដឹង​ទទួលបាន​ពី​កម្មវិធី​ទម្លាប់​ល្អ​ទាំង​៧,​លី​ឌើ​អ៊ី​ន​មី​និង​កម្មវិធី​អប់រំ​ផ្លូវចិត្ត​នោះ​នាង​បាន​ខិតខំ​ប្រឹងប្រែង​សិក្សា​យ៉ាងខ្លាំង​កម្មវិធី​ចំណេះដឹង​ទូទៅ​ភាសា​អង់គ្លេស​និង​ជំនាញ​ផ្សេងៗ​ទៀត​។​ជាពិសេស​បានទទួល​ប​ទ​ពិសោធន៍​ពី​ឪពុក​របស់​នាង​ដែល​ធ្លាប់​បម្រើ​ការងារ​នៅ​ប្រទេស​ជប៉ុន​។​

​សិស្ស​ឆ្នើម​របស់​វ៉េ​ស​ឡាញ​រូបនេះ បាន​បន្ត​ឱ្យដឹងទៀតថា​ក្នុងការ​ប្រឡង​យក​អាហារូបករណ៍​នេះ មាន​៣​ដំណាក់កាល​គឺ​ទី​១ ដាក់ពាក្យ​តាម​អន​ឡាញ បន្ទាប់មក​សម្ភាសន៍ ក្រោយ​សម្ភាស​ជាប់ គណៈកម្មការ​សិក្សា​បន្ថែ​ម​ទៀត​លើ​អាកប្បកិរិយា​និង​ពិន្ទុ​នៅ​សាលា​របស់​យើង​។​កម្មវិធី​នេះ​មាន​អ្នកដាក់ពាក្យ​ច្រើនតែ​មានតែ​សិស្ស​១០​នាក់​ប៉ុណ្ណោះ​បាន​ត្រូវ​ជ្រើ​រើស​។​ក្រៅពី​នាង​នៅមាន​សិស្ស​វិទ្យាល័យ​ខ្មែរ​មកពី​សាលា​ផ្សេងៗ​ចំនួន​៩​នាក់​ទៀត​។​

​ទាក់ទង​នឹង​កម្មវិធី​អាហារូបករណ៍​កា​កេ​ហា​ស៊ី​នេះ​សូវី​នាថ​បានឱ្យដឹងថា​៖​នេះ​ជា​កម្មវិធី​អាហារូបករណ៍​មួយ​សម្រាប់​សិស្ស​វិទ្យាល័យ ដែល​ផ្តោតទៅលើ​ការផ្លាស់ប្តូរ ចែករម្លែក​វប្បធម៌ ការរស់នៅ និង​រឹតចំណង​សាមគ្គីភាព រវាង​សិស្ស​មកពី​ពិភពលោក ជាមួយ​សិស្ស​និង​ប្រជាជន​ជប៉ុន​។​
​វី​នាថ​បាន​គូសបញ្ជាក់ថា​«​អ្វីដែល​ខ្ញុំ​រំពឹង​ពី​កម្មវិធី​នេះ​គឺ​ចំណេះដឹង​អំពី​ប្រព័ន្ធ​អប់រំ​ជប៉ុន​ដែល​ល្បីឈ្មោះ​ខ្លាំង​និង​គុណភាព​ខ្ពស់​លំដាប់​ពិភពលោក និង​ចំណេះដឹង​ខាង​ហិរញ្ញវត្ថុ វប្បធម៌ របៀប​រស់នៅ និង​ការប្រាស្រ័យ​ទាក់ទង » ។​

​បើតាម​លោកស្រី​តា​ណា​បេ​កា​អូ​រិ​លេខា​ទី​១​នៃ​ស្ថានទូត​ជប៉ុន​ប្រចាំ​កម្ពុជា​បានឱ្យដឹងថា​៖«​គម្រោងកា​កេ​ហា​ស៊ី​ជា​កម្មវិធី​បណ្តុះ​មិត្តភាព​ក្នុងចំណោម​បណ្តា​ប្រទេស​នៅ​អាស៊ី​។​គម្រោងកា​កេ​ហា​ស៊ី គឺជា​អាហារូបករណ៍​មួយ​របស់​រដ្ឋាភិបាល​ជ​ប៉ុន​សម្រាប់​សិស្ស​វិទ្យាល័យ​តាម​បណ្តា​ប្រទេស​នៅ​តំបន់​អាស៊ី ដើម្បី​ទៅ​សិក្សា​នៅ​វិទ្យាល័យ​នានា​របស់​ប្រទេស​ជប៉ុន​រយៈពេល​ពី​៦ ដល់​១០​ខែ​»​។​

​លោកស្រី​បាន​បន្តថា​៖​សិស្ស​វិទ្យាល័យ​នៅ​កម្ពុជា​ចំនួន​៥​រូប​សម្រាប់​ជំនា​ន់ទី​១​បាន​ចូលរួម​គម្រោង​នេះ​ចាប់ពី​ខែសីហា​ឆ្នាំ​២០១៨​ដល់​ខែកុម្ភៈ​ឆ្នាំ​២០១៩​ហើយ​បាន​លើកតម្កើង​កិត្តិនាម​ក្នុងនាម​ជា​សិស្ស​កម្ពុជា​នៅ​ប្រទេស​ជប៉ុន​កាន់តែ​ល្អ​ថែមទៀត​។​លោកស្រី​សូម​ចូលរួម​អបអរសាទរ​សិស្ស​ជំនា​ន់ទី​១​ដែល​បានបញ្ចប់​ការសិក្សា​នៅ​ប្រទេស​ជប៉ុន​ដោយ​ជោគជ័យ​និង​សូម​ជូនពរ​សិស្ស​ជំនា​ន់ទី​២​ឲ្យ​បាន​ជោគជ័យ​ក្នុងការ​សិក្សា​។​

​លោកស្រី​តា​ណា​បេ​បានឱ្យដឹង​ទៀតថា​៖​គម្រោង​នេះ​នឹង​បន្ត​រហូតដល់​ឆ្នាំ​២០២២​។​ប្រសិនបើ​សិស្ស​កម្ពុជា​ចាប់អារម្មណ៍​សូម​តាមដាន​ទំព័រ​ហ្វេ​ស​ប៊ុ​ក​ស្ថានទូត​ជប៉ុន​។​ការប្រកាស​បើកទទួល​ពាក្យ​លើក ក្រោយ​នឹង​ចាប់ផ្តើម​កំឡុង​ខែមិថុនា ឬ​ខែកក្កដា ឆាប់ៗ​នេះ​៕S/

​ចំណងជើង​រូបថត​៖​យុវ​សិស្សសាលា​វ៉េ​ស​ឡាញ​ម្នាក់​ក្នុងចំណោម​សិស្ស​១០​នាក់​បាន​ជាប់​អាហារូបករណ៍​ទៅ​សិក្សា​នៅ​ប្រទេស​ជប៉ុន​រយៈពេល​៧​ខែ​ដែល​នឹង​ចេញដំណើរ​នៅ​ខែសីហា​ឆ្នាំ​២០១៩​ខាងមុខនេះ​