កម្មវិធី​ប្រកួត​បាល់ទាត់​អន្តរជាតិ​ថ្ងៃ សៅរ៍ ទី​២៣ ខែ វិច្ឆិកា ឆ្នាំ ២០១៩

227
ចែករម្លែក

​ក្របខណ្ឌ English Premier League រដូវ​កាល​២០១៩ / ២០២០
(19:30) West Ham vs Tottenham Hotspur
(22:00) Arsenal vs Southampton
(22:00) Bournemouth vs Wolverhampton
(22:00) Brighton vs Leicester
(22:00) Crystal Palace vs Liverpool
(22:00) Everton vs Norwich
(22:00) Watford vs Burnley
(00:30) Manchester City vs Chelsea
​គូ​ល្អ​ប្រចាំ​សប្តាហ៍​
Man City Vs Chelsea

វា​គឺជា​ជំនួប​ដ៏​សំខាន់​មួយ​ដែល​ក្រុម​ខ្លាំង​ម៉េ​ន​ឆេ​ស្ទ័​រ ស៊ី​ធី ត្រូវ​ទទួលភ្ញៀវ​ឆេ​ល​ស៊ី ដែល មានស្ថិតិ​ល្អ​គួរសម​។ ស៊ី​ធី​អាច​នឹងមាន​គម្លាត​ពី​ក្រុម​កំពូល​តារាង Liverpool ១២​ពិន្ទុ ប្រសិនបើ ចាញ់​នៅ​ថ្ងៃ​សៅរ៍​នេះ​។​
​ ​
ក្រុម​ស៊ី​ធី​ធ្លាក់​មកលេង​រៀង​ទី​៤​នៅលើ​តារាង​ពិន្ទុ ហើយ​ត្រូវ​ទទួល​ក្រុម​ឆេ​ល​ស៊ី​ដែល​នាំមុខ ពួកគេ​១​ពិន្ទុ​និង​នៅ​ឈរ​លេខ​រៀង​ទី​៣​។ ស៊ី​ធី​ចាញ់​៣​ប្រកួត​រួចហើយ​នៅរដូវ​កាល​នេះ ហើយ​មិនអាច​ចាញ់​បន្ថែមទៀត​ទេ ប្រសិនបើ​ពួកគេ​ចង់​ឈ្នះ​ពាន​បី​លើក​ជាប់​គ្នា​។​
​ ​
ការ​ចាញ់​ក្រុម Liverpool នៅ​មុនពេល​សម្រាក​សម្រាប់​ការប្រកួត​អន្តរជាតិ​បានធ្វើ​ឲ្យ​ពួក គេ​មាន​គម្លាត​៩​ពិន្ទុ​រួចហើយ​។ ស៊ី​ធី​សង្ឃឹមថា ក្រុម Liverpool នឹងមិន​ឈ្នះ​ក្រុម Crystal Palace នៅ​ថ្ងៃ​សៅរ៍​នេះ​ទេ ប៉ុន្តែ​ការងារ​ចម្បង​របស់​ពួកគេ គឺ​ត្រូវ​ឈ្នះ​ក្រុម​ឆេ​ល​ស៊ីក្នុង​ទឹកដី​។​
​ ​
ស៊ី​ធី​ទើប​ចាញ់​១​ប្រកួត​គត់​ក្នុង​ទឹកដី​នៅ​រដូវ​កាល​នេះ ដោយ​ចាញ់​ក្រុម Wolves ២-០​។ មួយ​ប្រកួត​ទៀត​ក្នុង​ទឹកដី ពួកគេ​ស្មើ​ក្រុម Tottenham ២-២​។
​ ​
​ក្រុម​ឆេ​ល​ស៊ី​ឈរ​នៅ​លេខ​រៀង​ទី​៣​នៅលើ​តារាង ហើយ​ទម្រង់​លេង​ក្នុង​៥​ប្រកួត​ចុង ក្រោយ ជួយ​ពួកគេ​ទទួលបាន​១៥​ពិន្ទុ​។ ឆេ​ល​ស៊ី​ឈ្នះ​៦​ប្រកួត​ចុងក្រោយ ដោយ​រកបាន​១៥​គ្រាប់ ប៉ុន្តែ​ជំនួប​ជាមួយ​ក្រុម​ម្ចាស់ផ្ទះ​ស៊ី​ធី​មិនមែនជា​រឿង​ងាយស្រួល​នោះទេ​។​
​ ​
ទម្រង់​លេង​ក្រៅ​ទឹកដី ពួកគេ​ចាញ់​ក្រុម​យូ​ណាយ​ធី​ត ៤-០ ប៉ុន្តែ​ចាប់តាំងពី​បរាជ័យ​នេះ​មក ពួកគេ​រកបាន​ជ័យជម្នះ​៥​លើក​ជាប់​គ្នា ដោយ​ទាត់​បញ្ចូល​ទី​បាន​១៨​គ្រាប់​។​
​ ​
​ទោះបីជា​យ៉ាងណា ពួកគេ​របូត​៨​គ្រាប់​នៅ​ចំពោះមុខ​ខ្សែប្រយុទ្ធ​របស់​ក្រុម​ស៊ី​ធី​កន្លងមក ហើយ​នេះ​គឺជា​ចំណុច​ដែល​ពួកគេ​ត្រូវ​កែប្រែ​។ ប្រាកដ​ណាស់​ក្រុម​ទាំងពីរ​នឹងមាន​ការ​ទាត់ បញ្ចូល​ទី​គ្នាច្រើន​។ ចាំ​មើលថា តើ​ក្រុម​ណាមួយ​មានសំណាង​រកបាន​៣​ពិន្ទុ​នៅ​រាត្រី ថ្ងៃ​សៅរ៍​នេះ​៕
​ទស្សន​: Man City ២-២ Chelsea
•​ ​ក្របខណ្ឌ​អេ​ស្ប៉ា​ញ La Liga រដូវ​កាល​២០១៩ / ២០២០
(19:00) Leganes vs Barcelona
(22:00) Betis vs Valencia
(00:30) Granada vs Atl. Madrid
(03:00) Real Madrid vs Real Sociedad
​គូ​ល្អ​ប្រចាំ​សប្តាហ៍​
Real Madrid vs Real Sociedad

​ក្រុម Real Madrid ចាប់ផ្តើម​ឡើង​ជើង​បន្តិច​វិញ​នាពេល​ថ្មីៗ​នេះហើយ​ពួកគេ​ទំនងជា​ចង់ បន្ត​ស្ថិតិ ដ៏​ល្អ​នេះ នៅពេល​ពួកគេ​ទទួលភ្ញៀវ Real Sociedad នៅ​ក្របខណ្ឌ La Liga នៅ​ចុង​សប្តាហ៍​នេះ​។​
​ ​
​ក្រុម Real Madrid ឈរ​នៅ​លេខ​រៀង​ទី​២​នៅលើ​តារាង​ពិន្ទុ ដោយមាន​២៥​ពិន្ទុ ហើយ​ត្រូវ ប្រឈម​នឹង​ក្រុម Real Sociedad ដែល​ឈរ​នៅ​លេខ​រៀង​ទី​៥​និង​មាន​២៣​ពិន្ទុ​។ ក្រុម Real Madrid ចាប់ផ្តើម​រដូវ​កាល​ទាំង​លំបាក ប៉ុន្តែ​ថ្មីៗ​នេះ​ចាប់ផ្តើម​រក្សា​ស្ថានការណ៍​បានល្អ​។​
​ ​
​ពួកគេ​ឈ្នះ​បួន​ប្រកួត​និង​ស្មើ​១​ក្នុង​៥​ប្រកួត​ចុងក្រោយ ហើយ​ទើប​ចាញ់​១​ប្រកួត​ប៉ុណ្ណោះ​ក្នុង ១១​ប្រកួត​ចុងក្រោយ​។ ពួកគេ​ឈរ​នៅ​លេខ​រៀង​ទី​២ បន្ទាប់ពី​ក្រុម Barcelona​ដោយសារ តែ​ចំនួន​គ្រាប់​បាល់​ប៉ុណ្ណោះ ហើយ​ភាពប្រសើរ​ទាំងនេះ​កើតមាន​ដោយសារតែ​ការពង្រឹង ប្រព័ន្ធ​ការពារ​។​៥​ប្រកួត​ចុងក្រោយ ក្រុម Real Madrid មិនទាន់​របូត​គ្រាប់​បាល់​នៅឡើយ​ទេ ស្របពេល​ពួកគេ​រក្សាបាន​ឃ្លី​ន​ស៊ីត​៧​លើក​ក្នុង​១០​ប្រកួត​ចុងក្រោយ​។ ក្រុម​នេះ​ឈាន​ជើង ចូលរួម​ការប្រកួត​នេះ ដោយ​រក្សាបាន​ឃ្លី​ន​ស៊ីត​បី​ប្រកួត​ជាប់​គ្នា​ស្របពេល​ពួកគេ​រកបាន​១៧ គ្រាប់ ក្នុង​៥​ប្រកួត​ចុងក្រោយ ហើយ​របូត​ត្រឹម​៤​ប្រកួត​។​
​ ​
​ពួកគេ​មាន​ប្រព័ន្ធ​ការពារ​ល្អ​បំផុត​ទី​២​ក្នុង​លី​ក ដោយ​របូត​ត្រឹម​៩​គ្រាប់​ហើយ​ពួកគេ​មាន​ប្រព័ន្ធ ប្រយុទ្ធ​ល្អ​បំផុត​លំដាប់​ទី​៣​ផងដែរ ដោយ​រកបាន​២៥​គ្រាប់​។ ទោះបីជា​យ៉ាងណា​ពួកគេ ចាញ់​ក្នុង​ពីរ​ប្រកួត​ចុងក្រោយ​ជាមួយ​ក្រុម Real Sociedad ។​
​ ​
​ចំណែក​ក្រុម Real Sociedad ឈាន​ជើង​ចូលរួម​ការប្រកួត​នេះ​ដោយ​ឈ្នះ​បី​ប្រកួត​ក្នុង ចំណោម​៥​ប្រកួត​ចុងក្រោយ​។ ពួកគេ​ចាញ់​១​និង​ស្មើ​១​ក្នុង​ពីរ​ប្រកួត​ចុងក្រោយ​នេះ​។​
​ ​
​ទម្រង់​លេង​នៅក្រៅ​ទឹកដី​នៅ​ក្របខណ្ឌ La Liga ក្រុម Real Sociedad រកបាន​ជ័យជម្នះ​៣ ប្រកួត​និង​ចាញ់​២​ប្រកួត​ក្នុង​៥​ប្រកួត​ចុងក្រោយ ស្របពេល​ពួកគេ​រក្សាបាន​ឃ្លី​ន​ស៊ីត​ពីរ ប្រកួត​ក្នុង​៧​ប្រកួត​។​
​ ​
​ពួកគេ​រកបាន​ជ័យជម្នះ​៤​ប្រកួត​ក្នុង​៧​ប្រកួត​ចុងក្រោយ​ក្នុង​លី​ក ហើយ​រកបាន​២​គ្រាប់ ឬ​ច្រើនជាង​នេះ​ក្នុង​៣​ប្រកួត​ចំណោម​៥​ប្រកួត​ចុងក្រោយ​នៅ​ក្របខណ្ឌ La Liga​សម្រាប់​ការ ប្រកួត​ក្រៅ​ទឹកដី​។ ពួកគេ​ចាញ់​៧​ក្នុងចំណោម​១០​ប្រកួត​ចុងក្រោយ​ជាមួយ​ក្រុម Real Madrid ។

​ប្រាកដ​ណាស់ ក្រុម Real Madrid នឹងមាន​ប្រៀប​ជាង​បន្តិច ដោយសារ​ជា​ម្ចាស់ផ្ទះ​។ ប៉ុន្តែ ចាំ​មើលថា តើ​ក្រុម​ណាមួយ​មានសំណាង​រកបាន​៣​ពិន្ទុ​៕
​ទស្សន​: Real Madrid 3-1 Real Sociedad
•​ ​ក្របខណ្ឌ​អ៊ីតាលី Serie A រដូវ​កាល​២០១៩ / ២០២០
(21:00) Atalanta vs Juventus
(00:00) AC Milan vs Napoli
(02:45) Torino vs Inter Milan
​គូ​ល្អ​ប្រចាំ​សប្តាហ៍​
AC Milan vs Napoli

ក្រុម AC Milan ដឹងថា ខ្លួន​ឈរ​នៅ​លេខ​រៀង​ទី​១៤​នៅលើ​តារាង​ក្របខណ្ឌ Serie A បន្ទាប់ ពី​ប្រកួត​ចាញ់​ទាំង​ប្រផិតប្រផើយ​នៅ​ពហុកីឡាដ្ឋាន Allianz Stadium ។ ដោយ​យកឈ្នះ​៤ ប្រកួត ស្មើ​១​និង​ចាញ់​៧ ក្រុម AC Milan ស្មើ​ពិន្ទុ​ជាមួយ​ក្រុម Sassuolo ហើយ​មាន​៤​ពិន្ទុ​នាំ មុខ​ក្រុម​ស្ថិតនៅ​តំបន់​កាត់ចេញ​។​
​ ​
​ក្រុម AC Milan រកបាន​៤​ពិន្ទុ​ឆ្លងកាត់​៥​ប្រកួត​ចុងក្រោយ​ក្នុង​លី​ក ហើយ​ពួកគេ​ត្រៀម​នឹងធ្វើ​ឲ្យ បានល្អ ដើម្បី​ប៉ះប៉ូវ​បរាជ័យ​ពីរ​ប្រកួត​ជាប់​គ្នា នៅពេល​ពួកគេ​ទទួលភ្ញៀវ Napoli​។​
​ ​
​ចំណែក​ក្រុម Napoli វិញ​ក៏មាន​បញ្ហា​ច្រើន​ដែរ ទាំង​នៅលើ​ទីលាន​និង​ក្រៅ​ទីលាន​ហើយ​វា រឹតតែ​អាក្រក់​ទៅទៀត បន្ទាប់ពី​ប្រកួត​ចាញ់​ក្រុម Red Bull Salkzburg ១-១ នៅពេល​កីឡាករ មិន​គោរព​តាម​ការណែនាំ​របស់​ម្ចាស់​ក្លឹប ហើយ​ត្រឡប់ទៅផ្ទះ​បើទោះបីជា​ត្រូវ​បង្ហាញមុខ ក្នុងការ​ហ្វឹកហាត់​ក៏ដោយ​។​
​ ​
​ក្រុម​អ្នកគាំទ្រ​ងាក​មក​ប្រឆាំងនឹង​ក្រុម​របស់ខ្លួន ហើយ​ខ្សែបម្រើ អា​ឡែ​ន ត្រូវគេ​ប្លន់ ចំណែក​ខ្សែការពារ គូលី​បាលី បាន​ជួល​អង្គរក្ស​មក​ការពារ​ជាដើម មានន័យថា​ក្រុម​នេះ ពោរពេញ​ដោយ​រឿង​សោកសៅ​។​
​ ​
​បើទោះបីជា​ក្រុម AC Milan គឺជា​ក្រុម​ដែលមាន​ស្ថិតិ​ល្អ​ជាង​ក៏ដោយ​ក៏​ពួកគេ​មិនអាច​មើល ស្រាល​ក្រុម Napoli បានដែរ​។ ជ័យជម្នះ​ក្នុង​ប្រកួត​នេះ​នឹង​អាច​ដោះស្រាយ​បញ្ហា​បាន​ខ្លះ ប៉ុន្តែ​គេច​មិន​ផុតពី​ការបាត់បង់​កីឡាករ​សំខាន់ៗ​នៅពេល​រដូវ​កាល​ទិញដូរ​កីឡាករ​ចូលមក​ដល់​នៅ​ខែមករា​នេះ​ទេ​។​
​ ​
​ក្រុម​ទាំងពីរ​មាន​សមត្ថភាព​ប្រហាក់ប្រហែលគ្នា ទាំង​ប្រព័ន្ធ​ប្រយុទ្ធ​និង​ការពារ​។ ក្រុម​ដែល មានឱកាស​នាំមុខ​មុន អាច​នឹងមាន​សង្ឃឹម​ឈ្នះ​ច្រើន​។ ចាំ​មើលថា តើ​ក្រុម​ណាមួយ​ធ្វើបាន ល្អ​នៅ​រាត្រី​ថ្ងៃ​សៅរ៍​នេះ​៕
​ទស្សន​: AC Milan 2-0 Napoli
•​ ​ក្របខណ្ឌ​បារាំង Ligue 1 រដូវ​កាល ២០១៩/២០២០
(23:30) Lyon vs Nice
(02:00) Amiens vs Strasbourg
(02:00) Angers vs Nimes
(02:00) Brestois vs Nantes
(02:00) Dijon vs Rennes
(02:00) Metz vs Reims
•​ ​ក្របខណ្ឌ​អា​ល្លឹ​ម៉​ង់ Bundesliga រដូវ​កាល​២០១៩ / ២០២០
(21:30) Fortuna Dusseldorf vs B. Munchen
(21:30) Frankfurt vs Wolfsburg
(21:30) Leverkusen vs Freiburg
(21:30) Union Berlin vs Borussia Monchengladbach
(21:30) Werder Bremen vs Schalke 04
(00:30) RB Leipzig vs Koln