កម្មវិធី​ប្រកួត​បាល់ទាត់​អន្តរជាតិ​ថ្ងៃ សៅរ៍ ទី ២១ ខែមេសា ឆ្នាំ​២០១៨

652

•​ ​ក្របខណ្ឌ English Premier League រដូវ​កាល​២០១៧/១៨

(18:30) West Brom vs Liverpool
(21:00) Watford vs Crystal Palace
​ ​ ​ ​ ​
​គូ​ល្អ​ប្រចាំ​សប្តាហ៍​
West Brom vs Liverpool

​វា​ប្រាកដជា​ការប្រកួតប្រជែង​ដ៏​ស្វិតស្វាញ​ជុំវិញ​ថា តើ​ក្រុម​ណាមួយ​តក់ស្លុត​បំផុត​កាលពី ចុង​សប្តាហ៍​មុន​។ មើលទៅ​ប្រហែលជា​អ្នកគាំទ្រ​របស់​ក្រុម​ម៉េ​ន​ឆេ​ស្ទ័​រ យូ​ណាយ​ធី​ត ដែល​ស្ទើរតែ​មិន​ជឿថា ក្រុម​របស់​ពួកគេ​ចាញ់​ក្រុម​ត្រដាបត្រដួស West Brom ឬក៏​អ្នកគាំទ្រ របស់​ក្រុម West Brom ដែលមាន​ការភ្ញាក់ផ្អើល ដែល​បានឃើញ​ក្រុម​របស់​ពួកគេ​ឈ្នះ​។​
​ជ័យជម្នះ​របស់​ក្រុម West Brom នៅលើ​ទឹកដី Old Trafford បានបញ្ចប់​ស្ថិតិ​១០ ប្រកួត​មិនដែល​ឈ្នះ​របស់​ពួកគេ ប៉ុន្តែ​ពួកគេ​បន្ត​នៅ​បាត​តារាង​នៅឡើយ ដោយមាន​៩​ពិន្ទុ​ក្រោម តំបន់​សុវត្ថិភាព​។​
​ ​
​បរាជ័យ​នៅទីនេះ ហើយ​យ៉ាងហោចណាស់ ក្រុម Swansea City រកបាន​១​ពិន្ទុ​វិញ នោះ​ក្រុម West Brom ប្រាកដជា​ខ្ទាត​ចេញពី​ក្របខណ្ឌ​ព្រី​មី​ញ៉េ​លី​ក​ហើយ​។ ពួកគេ​ទទួលបាន​១​ពិន្ទុ ឆ្លងកាត់​៥​ប្រកួត​ចុងក្រោយ​ក្នុង​ទឹកដី ហើយ​ធ្វើបាន​ឃ្លី​ន​ស៊ីត​ត្រឹមតែ​២​លើក​ប៉ុណ្ណោះ​ក្នុង​៩ ប្រកួត​ចុងក្រោយ ប៉ុន្តែ​វា​ពិតជា​ពិបាក​ក្នុងការ​រារាំង​ក្រុម Liverpool មិន​ឲ្យ​ទាត់​ចូល​ទី​។​

​ក្រុម Liverpool ឈរ​នៅ​លេខ​រៀង​ទី​៣ នៅ​ក្របខណ្ឌ​ព្រី​មី​ញ៉េ​លី​ក គឺមាន​១០​ពិន្ទុ​នាំមុខ ក្រុម​ឆេ​ល​ស៊ី​ដែល​ឈរ​នៅ​លេខ​រៀង​ទី​៥​។ ក្រុម Liverpool ចាញ់​ក្រុម​ម៉េ​ន​ឆេ​ស្ទ័​រ​យូ​ណាយ​ធី​ត ដែល​បច្ចុប្បន្ន​ឈរ​នៅ​លេខ​រៀង​ទី​២​ចំនួន​៤​ពិន្ទុ ហើយ​ហាក់ដូចជា​ទទួលបាន​កៅអី​សម្រាប់ ក្របខណ្ឌ​ឆេ​ម​ពាន​លី​ក​រដូវ​កាល​ក្រោយ​។ ការប្រកួត​នេះ​កើត​មានតែ​ប៉ុន្មាន​ថ្ងៃ​មុនពេល ពួកគេ​ត្រូវ​ប្រកួត​ជាមួយ​ក្រុម Roma នៅ​វគ្គ​ពាក់កណ្តាល​ផ្តាច់ព្រ័ត្រ​ក្របខណ្ឌ​ឆេ​ម​ពាន​លី​ក ដូច្នេះ​លោក យើ​ហ្គេ​ន ក្លប់ ប្រហែលជា​ដាក់​ឲ្យ​កីឡាករ​ឆ្នើមៗ​មួយចំនួន​សម្រាក​។​
​ ​
​ក្រុម Liverpool ទើប​ចាញ់​១​ប្រកួត​ប៉​ណ្ណោះ​ក្នុង​១០​ប្រកួត​ចុងក្រោយ​ក្នុង​លី​ក​។ ក្រុម​នេះ​មាន កម្លាំង​ប្រយុទ្ធ​និង​ការពារ​ល្អ​គ្រាន់បើ ហើយ​សង្ឃឹមថា នឹង​អាច​រកបាន​៣​ពិន្ទុ​ក្នុងការ​ប្រកួត​នេះ​៕

​ទស្សន​: West Brom 1-3 Liverpool
•​ ក្របខណ្ឌ German Budesliga រដូវ​កាល ២០១៧/១៨
(20:30) Frankfurt vs Hertha Berlin
(20:30) Hamburg vs Freiburg
(20:30) Hannover vs Bayern Munchen
(20:30) RB Leipzig vs Hoffenheim
(20:30) Stuttgart vs Werder Bremen
(23:30) Dortmund vs Leverkusen

​គូរ​ល្អ​ប្រចាំ​សប្តាហ៍​
Dortmund vs Leverkusen
​វា​មិនមែនជា​សប្តាហ៍​ដ៏​ល្អ​សម្រាប់​ក្រុម Dortmund ទេ បន្ទាប់ពី​ពួកគេ​ប្រកួត​ចាញ់​ក្រុម Schalke ២-០ កាលពី​ចុង​សប្តាហ៍​មុន ប៉ុន្តែ​ដោយសារតែ​ពួកគេ​អវត្តមាន​ខ្សែប្រយុទ្ធ មី​ឈី បាត​ស៊ួ​យី (Michy Batshuayi) ដែល​ខកខាន​ការប្រកួត​ដោយសារ​មាន​បញ្ហា​កជើង​។​
​ប៉ុន្តែ​គ្រូបង្វឹក ភី​ធើ ស្តូ​ហ្គ័​រ (Peter Stoger) នៅមាន​ជម្រើស​ខ្សែប្រយុទ្ធ​ច្រើន​ទៀត​ដែល អាច​ជំនួស កីឡាករ​ប៊ែ​ល​ហ្ស៊ិ​ក​រូបនេះ​នៅ​ថ្ងៃ​សៅរ៍​។ កីឡាករ Maximilian Philipp ដែល​រកបាន​៧​គ្រាប់​ក្នុងការ​បង្ហាញមុខ​១៧​លើក​នោះ គឺជា បេក្ខភាព​ដ៏​ស័ក្តិសម​បំផុត ដើម្បី​ជំនួស​តំណែង​នេះ​។ បើទោះបីជា​ចាញ់​ក្រុម Bayern Munich ៦-២ នៅ​វគ្គ​ពាក់កណ្តាល ផ្តាច់ព្រ័ត្រ​ដណ្តើមពាន DFB Cup កាលពី​ថ្ងៃ​អង្គារ​ក៏ដោយ ក៏​ក្រុម Liverkusen នៅមាន​អារម្មណ៍​វិជ្ជមាន​នៅឡើយ បន្ទាប់ពី​ពួកគេ​យកឈ្នះ​ក្រុម Frankfurt និង​ក្រុម RB Leipzig កាលពី​ពីរ​សប្តាហ៍​កន្លងទៅ​។​
​ ​
​លទ្ធផល​នេះ​ធ្វើ​ឲ្យ​ពួកគេ​ឡើងមក​ឈរ​នៅ​លេខ​រៀង​ទី​៣​នៅលើ​តារាង គឺ​លើ​ក្រុម​ម្ចាស់ផ្ទះ Dortmund ដោយសារ​មាន​ចំនួន​គ្រាប់​បាល់​លើស​។ អ្វីដែល​កាន់តែ​សប្បាយចិត្ត​នោះ គឺ​ខ្សែប្រយុទ្ធ លូ​កាស អា​ឡា​រី​យ៉ូ (Lucas Alario) បាន​ត្រឡប់មក​ចូល​លេង​វិញ​បន្ទាប់ពី ជាប់​បម្រាម​។​

​បើ​ពិនិត្យ​ជារួម ក្រុម​ទាំងពីរ​មាន​សមត្ថភាព​ប្រហាក់ប្រហែលគ្នា​។ ពួកគេ​មាន​ខ្សែប្រយុទ្ធ និង​ប្រព័ន្ធ​ការពារ​រឹងមាំ​គួរសម​ដូចគ្នា​។ សង្ឃឹមថា ក្រុម​ដែល​អាច​រកបាន​គ្រាប់​បាល់​មុន នឹងមាន​សង្ឃឹម​ឈ្នះ​ច្រើន​៕

​ទស្សន​: Dortmund 2-2 Leverkusen
•​ ​ក្របខណ្ឌ French Ligue 1 រដូវ​កាល ២០១៧/១៨
(22:00) Marseille vs Lille
(01:00) Amiens vs Strasbourg
(01:00) Guingamp vs Monaco
(01:00) Metz vs Caen
(01:00) Toulouse vs Angers

​គូរ​ល្អ​ប្រចាំ​សប្តាហ៍​
Guingamp vs Monaco

​ក្រុម Guingamp ឈាន​ជើង​ចូលរួម​ការប្រកួត​នេះ​ជាមួយ​ទម្រង់​លេង​ដ៏​ល្អ ហើយ​ពួកគេ​អាច យកឈ្នះ​ក្រុម Bordeaux និង​ក្រុម Troyes ។ កាលពី​សប្តាហ៍​មុន ពួកគេ​ប្រកួត​ស្មើ ជាមួយ​ក្រុម Lille ២-២ ។​
​ ​
​ក្រុម Guingamp ចាញ់​តែមួយ​ប្រកួត​ប៉ុណ្ណោះ​ក្នុង​៥​ប្រកួត​ចុងក្រោយ​។ ពួកគេ​មានឱកាស តិចតួច​ណាស់​ក្នុងការ​ទទួលបាន​ចំណាត់ថ្នាក់​ទី​៥​និង​កៅអី​ទៅលេង​នៅ​ក្របខណ្ឌ Europa League ប៉ុន្តែ​ពួកគេ​ត្រូវ​ក្រោក​ឡើង​តតាំង​ជាមួយ​ពីរ​បី​ក្រុម​ដែលជា​ក្រុម​ខ្លាំង​។​

​ចំណែក​ក្រុម Monaco វិញ ត្រូវការ​លុបបំបាត់​ស្នាមរបួស​ចាស់ ហើយ​បន្តដំណើរ​ទៅមុន បន្ទាប់ពី​ត្រូវបាន​បំបាក់​យ៉ាងធ្ងន់ធ្ងរ​ដោយ​ក្រុម PSG ក្នុង​លទ្ធផល​៧-១ ។ លទ្ធផល​នេះ បាន​បញ្ជាក់ថា ក្រុម PSG គឺជា​ជើងឯក​។​
​ ​
​ក្រុម Monaco អាច​ឈរ​ជា​ជើងឯក​រង ហើយ​ជាប់​លេង​នៅ​ក្របខណ្ឌ​ឆេ​ម​ពាន​លី​កដោយ ស្វ័យប្រវត្តិ ប៉ុន្តែ​គម្លាត​ពិន្ទុ​ពី​ក្រុម​ពីរ​ផ្សេងទៀត​នោះ​គឺ​ត្រឹម​៤​ពិន្ទុ ដូច្នេះ​ពួកគេ​ត្រូវការ​ឈ្នះ ក្នុងការ​ប្រកួត​នេះ បើ​មិន​ដូច្នេះ​ទេ ក្រុម Lyon និង​ក្រុម Marseille អាច​តាម​ទាន់​៕

​ទស្សន​: Gingamp 1-3 Monaco
•​ ​ក្របខណ្ឌ Italian Serie A រដូវ​កាល ២០១៧/១៨
(20:00) Spal vs Roma
(23:00) Sassuolo vs Fiorentina
(01:45) AC Milan vs Benevento
•​ ​ក្របខណ្ឌ Spanish La Liga រដូវ​កាល ២០១៧/១៨
(18:00) Eibar vs Getafe
(21:15) Celta Vigo vs Valencia