កម្មវិធី​ប្រកួត​បាល់ទាត់​វើ​ល​ខាប់​ថ្ងៃ អង្គា​រ៍ ទី ១៩ ខែមិថុនា ឆ្នាំ​២០១៨

864
ចែករម្លែក

(19:00) Colombia vs Japan
(22:00) Poland vs Senegal
(01:00) Russia Vs Egypt

​វិភាគ​គូ​ល្អ​
Colombia vs Japan
​ ​

​ក្រុម​ទាំងពីរ​គឺជា​ក្រុម​ដែលមាន​បទពិសោធ​គ្រប់គ្រាន់​ក្នុង​ព្រឹត្តិការណ៍​វើ​ល​ខាប់​បន្ទាប់ពី​បង្ហាញមុខ ជាង ១៥​ប្រកួត​ក្នុង​វើ​ល​ខាប់ ហើយ​បើទោះបីជា​ក្រុម​កូ​ឡុំ​ប៊ី​មិនបាន​ប្រកួត​លក្ខណៈ​មិត្តភាព​ច្រើន មែន ប៉ុន្តែ​ពួកគេ​ឈាន​ជើង​ចូលរួម​ការប្រកួត​នេះ ប្រកបដោយ​ទំនុកចិត្ត​គ្រប់គ្រាន់​ដោយ​ដឹងថា ពួកគេ​ធ្លាប់ មាន​ប្រវត្តិ​ល្អ​សម្រាប់​ជំនួប​ជាមួយ​ក្រុម​ជប៉ុន​ហើយ​ពួកគេ​ធ្លាប់​រក្សាបាន​ឃ្លី​ន​ស៊ីត​ពីរ លើក​ជាមួយ​ក្រុម​អាស៊ី​មួយ​នេះ​។​
​ ​ក្រុម​កូ​ឡុំ​ប៊ី​ឈាន​ជើង​ចូលរួម​ការប្រកួត​នេះ​ដោយ​មិនដែល​ចាញ់​ក្នុង​បួន​ប្រកួត​ចុងក្រោយ​ដោយ​យក ឈ្នះ​ពីរ ស្មើ​ពីរ​និង​ចាញ់​មួយ បន្ទាប់មក​រកបាន​៨​គ្រាប់​និង​របូត​៤​គ្រាប់​។ ក្រុម​កូ​ឡុំ​ប៊ី​រកបាន​១១ គ្រាប់​ក្នុង​១៧​ប្រកួត​ចុងក្រោយ​របស់ខ្លួន​និង​ធ្លាប់​ឈ្នះ​៦​លើក​ក្នុងចំណោម​ការប្រកួត​១០​លើក​នៅ​វើ​ល​ខាប់​។​
​ ​
​ចំណែក​ក្រុម​ជប៉ុន​វិញ​មាន​ស្ថិតិ​ចាញ់​៣ ស្មើ​១​និង​ឈ្នះ​១​ក្នុង​៥​ប្រកួត​ចុងក្រោយ​របស់ខ្លួន​។ ពួកគេ​រក បាន​៦​គ្រាប់​និង​របូត​៩​គ្រាប់​។ ពួកគេ​ឈាន​ជើង​ចូលរួម​ការប្រកួត​នេះ​ក្នុងស្ថានភាព​ត្រដាបត្រដួស បន្តិច ដោយ​អាច​ឈ្នះ​បី​ក្នុង​១១​ប្រកួត​ចុងក្រោយ​និង​រក្សាបាន​ឃ្លី​ន​ស៊ីត​ពីរលើក ក្នុងចំណោម​១៥ ប្រកួត​ចុងក្រោយ​។ ទោះបីជា​យ៉ាងណា ពួកគេ​ចង់​រក្សា​ទម្រង់​លេង​ចាស់​ដែល​ខ្លួន​ធ្លាប់​រកបាន គ្រាប់​បាល់​នៅ​១១​ប្រកួត​ក្នុងចំណោម​១៧​ប្រកួត​។​
​ ​
​នេះ​គឺជា​វត្តមាន​លើក​ទី​១៨​ហើយ​របស់​ជប៉ុន​ក្នុង​ព្រឹត្តិការណ៍​វើ​ល​ខាប់ ប៉ុន្តែ​ពួកគេ​មិនបាន​លេង ឈ្នះ​ទេ​ក្នុង​បួន​ប្រកួត​ចុងក្រោយ​។ ក្នុង​១៧​ប្រកួត​ចុងក្រោយ​នៅ​វើ​ល​ខាប់​ពួកគេ​អាច​ទទួល​ជ័យ ជម្នះ​ត្រឹម​៤​ប្រកួត​ប៉ុណ្ណោះ​។ ប្រវត្តិ​ជួបគ្នា​បី​លើក​រវាង​ក្រុម​ទាំងពីរ​កន្លងមក​កូ​ឡុំ​ប៊ី​ឈ្នះ​២​ប្រកួត និង​ស្មើ​១​លើក​។​
​ ​
​ក្រុម​កូ​ឡុំ​ប៊ី​គឺជា​ក្រុម​ដ៏​គ្រោះថ្នាក់​សម្រាប់​ក្រុម​ជប៉ុន បើ​ពិនិត្យមើល​ប្រវត្តិ​របស់​ក្រុម​ទាំងពីរ ហើយ​មុន​ជំនួប​នេះ​ក្រុម​ជប៉ុន​ធ្វើ​មិនសូវ​បានល្អ​ផងដែរ​ដោយ​របូត​គ្រាប់​បាល់​ច្រើន និង​ត្រៀមខ្លួន មិនបាន​ល្អ​ទេ​សម្រាប់​ការប្រកួត​ដ៏​ធំ​នេះ​។​
​ ​
​ក្រុម​ទាំងពីរ​នឹងមាន​ការ​ទាត់​បញ្ចូល​ទី​គ្នា ប៉ុន្តែ​ក្រុម​កូ​ឡុំ​ប៊ី​មានសង្ឃឹម​ឈ្នះ​ច្រើនជាង​៕

​ទស្សន​: Columbia 2-1 Japan

Poland vs Senegal

​ក្រុម​ប៉ូឡូញ​ចាប់ផ្តើម​យុទ្ធនាការ​វើ​ល​ខាប់​ឆ្នាំ​២០១៨ ដោយ​ចាប់ផ្តើម​ការប្រកួត​ជាមួយ​ក្រុម សេ​ណេ​ហ្គា​ល់​។ ក្រុម​ទាំងពីរ​ឈរ​នៅ​លេខ​រៀង​ទី​២​និង​ទី​៣​ក្នុងឋានៈ​ជា​ក្រុម​មានប្រៀប​ឈ្នះ ការប្រកួត​ជម្រុះ​ក្នុង​ពូ​ល​នេះ ស្របពេល​ក្រុម​កូ​ឡុំ​ប៊ី​ជា​ក្រុម​មាន​ទំនុកចិត្ត​ច្រើនជាងគេ​។​
​ ​
​ក្រុម​ណាមួយ​ដែល​ឈ្នះ​ការប្រកួត​នេះ​អាច​មានឱកាស​ឆ្លងទៅ​វគ្គ​១៦​ក្រុម​ចុងក្រោយ​ទី​ដែល​ពួកគេ អាច​ប្រឈម​មុខជា​មួយក្រុម​អង់គ្លេស​ឬ​បែលហ្ស៊ិក​។ បច្ចុប្បន្ន​ក្រុម​ប៉ូឡូញ​ឈរ​នៅ​លេខ​រៀង​ទី​៨ លើ​ចំណាត់ថ្នាក់​របស់ FIFA ហើយ​ពួកគេ​ឆ្លងកាត់​វគ្គ​ជម្រុះ​ក្នុង​តំបន់​ដោយ​នាំមុខ​ដាច់ ៥​ពិន្ទុ​ក្នុង ពូ​ល​។​
​ ​
​ក្រុម​ប៉ូឡូញ​ជួប​គូប្រជែង​មិនសូវ​ខ្លាំង​ទេ អំឡុងពេល​ប្រកួត​ជម្រុះ​ក្នុង​តំបន់ ដោយ​ត្រូវ​ជួប​ជាមួយ ក្រុម​ម៉ុង​តេ​ណេ​ហ្គ្រោ​និង​ដា​ណឺ​ម៉ាក​។ ពួកគេ​ប្រកួត​ឈ្នះ​គ្រប់​ការប្រកួត​ក្នុង​ទឹកដី​ហើយ​ពួកគេ ចាញ់​តែមួយ​លើក​គត់​គឺ​ចាញ់​ក្រុម​ដា​ណឺ​ម៉ាក ៤-០ នៅក្រៅ​ទឹកដី​។​
​ ​
​ពួកគេ​របូត​១៤​គ្រាប់ ដែលជា​ស្ថិតិ​អន់​បំផុត​ទី​៤​ទាក់ទិន​នឹង​ប្រព័ន្ធ​ការពារ​។ ដោយសារតែ​ទម្រង់ លេង មិន​ស៊ីសង្វាក់​គ្នា ពួកគេ​ទទួលលទ្ធផល​ឈ្នះ​២ ស្មើ​២​និង​ចាញ់​២​។ ពួកគេ​មិនដែល​ចាញ់​ទេ​ក្នុង បី​ប្រកួត​ចុងក្រោយ ហើយ​ថ្មី​បំផុត​នេះ ពួកគេ​បាន​យកឈ្នះ​ក្រុម Lithuania 4-0 ។​
​ ​
​ក្តីសង្ឃឹម​ភាគច្រើន​ត្រូវបាន​ទម្លាក់​ទៅលើ​ខ្សែប្រយុទ្ធ រ៉ូបឺត ឡេ​វ៉ាន​ដូ​វ​ស្គី (Robert Lewandowski) ដែល​រកបាន​១៦​គ្រាប់​ក្នុង​វគ្គ​ជម្រុះ​ក្នុង​ពូ​ល​ខណៈ​ពួកគេ​ព្យាយាម​ឆ្លងទៅ​វគ្គ​១៦​ក្រុម​ចុងក្រោយ នៃ​យុទ្ធនាការ​វើ​ល​ខាប់​លើកដំបូង​ចាប់តាំងពី​ឆ្នាំ​១៩៨៦​។​
​ ​
​ចំណែក​ក្រុម​សេ​ណេ​ហ្គា​ល់​វិញ នេះ​គឺជា​លើក​ទី​២​ដែល​ពួកគេ​បង្ហាញមុខ​ក្នុង​ព្រឹត្តិការណ៍​វើ​ល​ខាប់​។ ការបង្ហាញ​មុខ​កន្លង​មក ពួកគេ​បាន​ឆ្លង​ដល់​វគ្គ​៨​ក្រុម​ចុងក្រោយ​ដោយ​យកឈ្នះ​ក្រុម​បារាំង ប៉ុន្តែ​ពួកគេ​បន្ត​ចាញ់​ក្រុម​តួ​ក​គី​។​
​ ​
​នោះ​គឺជា​បរាជ័យ​មួយ​លើក​គត់​ក្នុង​វើ​ល​ខាប់​២០០២ ហើយ​ជា​បរាជ័យ​នៅ​ម៉ោង​បន្ថែម ដូច្នេះ​ពួកគេ​មាន​មោទនភាព​មែនទែន​ដែល​បានបង្ហាញ​មុខ​នៅ​៥​ប្រកួត​ក្នុង​ព្រឹត្តិការណ៍​វើ​ល​ខាប់ និង​មិនដែល​ចាញ់​ក្នុង​ត្រឹម​នាទី​៩០​ទេ​។​
​ ​ក្រុម​សេ​ណេ​ហ្គា​ល់​ក៏​ធ្វើ​បានល្អ​ក្នុងការ​ប្រកួត​ជម្រុះ​នៅ​តំបន់​ដោយ​នាំ​មុខដាច់​គេ​៥​ពិន្ទុ​ហើយ​មិនដែល​ចាញ់​ទេ​។ កាលពី​ឆ្នាំមុន ពួកគេ​អាច​ឆ្លង​ដល់​វគ្គ​៨​ក្រុម​ចុងក្រោយ​នៃ​ព្រឹត្តិការណ៍​ប្រកួត African Cup of Nations ប៉ុន្តែ​ឆ្នាំ​២០១៨ មិនមែនជា​ឆ្នាំ​ដ៏​ល្អ​បំផុត​សម្រាប់​ពួកគេ​នោះទេ​។​
​ ​
​ក្រុម​សេ​ណេ​ហ្គា​ល់​ស្មើ​បី​និង​ចាញ់​មួយ​ប្រកួត​មុនពេល​ឈ្នះ​ការប្រកួត​កម្តៅ​សាច់ដុំ​ចុងក្រោយ លើ​ក្រុម South Korea ២-០ ប៉ុន្តែ​ពួកគេ​យកឈ្នះ​ដោយសារ​គ្រាប់​បាល់​ប៉េ​ណា​ល់​ទី និង​ការធ្វើ​ចូល ទី​ខ្លួនឯង​របស់​គូប្រកួត​។ ក្រុម​នេះ​មាន​កីឡាករ​ល្បីឈ្មោះ សា​ឌី​អូ ម៉ា​ណេ (Sadio Mane) ដែល​រកបាន​១៤​គ្រាប់​ក្នុង​៥៣​ប្រកួត​។​
​ ​
​ទោះបីជា​យ៉ាងណា ក្រុម​ប៉ូឡូញ​គឺជា​ក្រុម​ដែលមាន​ទម្រង់​លេង​ល្អ​ជាង​ប៉ុន្តែ​ក្រុម​នេះ​មិន​ធ្លាប់​ឡើងដល់ វគ្គ​ចាញ់​ធ្លាក់​ក្នុង​ព្រឹត្តិការណ៍​វើ​ល​ខាប់​ទេ ចាប់តាំងពី​ឆ្នាំ​១៩៨៦ ប៉ុន្តែ​មានឱកាស​ឆ្លង​ផុត​វគ្គ​ជម្រុះ ក្នុង​ពូ​ល​នៅ​រុស្ស៊ី​។​
​ ​
​ក្រុម​ប៉ូឡូញ​មាន​ស្ថិតិ​ល្អ​ក្នុង​វគ្គ​ប្រកួត​ជម្រុះ​ក្នុង​តំបន់​ហើយ​លេង​មិនដែល​ចាញ់​ក្នុង​បី​ប្រកួត ចុងក្រោយ​ក្នុង​ព្រឹ​តិ្ត​ការណ៍​វើ​ល​ខាប់​។ ពួកគេ​មានសង្ឃឹម​ច្រើន​សម្រាប់​ជំនួប​ជាមួយ​ក្រុម សេ​ណេ​ហ្គា​ល់​ដែល​បទពិសោធ​មាន​កម្រិត​៕

ទស្សន​: Poland 3-1 Senegal

Russia vs Egypt

​ក្រុម​ម្ចាស់ផ្ទះ​រុស្ស៊ី​តែងតែ​ស្ថិតក្រោម​សម្ពាធ​ក្នុង​ព្រឹត្តិការណ៍​វើ​ល​ខាប់​នេះ ប៉ុន្តែ​ក្រុម​រុស្ស៊ី​បានបង្ហាញ សញ្ញា​ខ្លះ​ក្នុងការ​ប្រកួត​បើកឆាក​របស់ខ្លួន​។​ពួ​គេ​អាចធ្វើ​បាន​ដូចជា​ក្រុម​ផ្សេង​ដែរ​ហើយ​រកបាន គ្រាប់​បាល់ ដើម្បី​លុបបំបាត់​ការព្រួយបារម្ភ​របស់ខ្លួន​។
​បើទោះបីជា​ពួកគេ​លេង​ជាមួយ​ក្រុម​ខកចិត្ត​អា​រ៉ា​ប៊ី សា​អូឌីត​ក៏ដោយ​ក៏​គុណភាព​ក្នុងការ​រកបាន​គ្រាប់ បាល់​បានបង្ហាញ​ឲ្យ​ពិភពលោក​បានឃើញ​ពីអ្វី​ដែល​ពួកគេ​កំពុង​ធ្វើ​។ អ្វីដែល​គួរ​ឲ្យ​ចាប់អារម្មណ៍​នោះ គឺ​កីឡាករ​បម្រុង​របស់​ពួកគេ​ធ្វើ​បានល្អ​ក្នុងការ​ប្រកួត​នេះ​។ នៅពេលនេះ ពួកគេ​កាន់តែ​រង​សម្ពាធ បន្ថែមទៀត ពីព្រោះ​ក្រុម​អ្នកគាំទ្រ​ដឹង​ពីអ្វី​ដែល​ក្រុម​ជម្រើសជាតិ​របស់ខ្លួន​អាចធ្វើ​បាន​។ ក្រុម​អ្នក គាំទ្រ​ចង់​ឲ្យ​ក្រុម​ជម្រើសជាតិ​របស់ខ្លួន​ប​ន្ត​ដំណើរ​ទៅមុខ​និង​ឈ្នះ​ក្នុង​ការប្រកួត​ជម្រុះ​ក្នុង​ពូ​ល ប៉ុន្តែ​ពួកគេ​ក៏​ដឹងថា វា​គឺជា​ការប្រកួត​ដ៏​តឹងតែង​បំផុត​សម្រាប់​ជំនួប​ជាមួយ​ក្រុម​អេ​ស្ប៉ា​ញ ឬ​ក្រុម​ព័រ​ទុយ​ហ្គា​ល់​ដែល​រងចាំ​ពួកគេ​នៅ​វគ្គ​១៦​ក្រុម​ចុងក្រោយ មិន​ថា ពួកគេ​ឈរ​នៅ​លេខ​១ ឬ​លេខ​២​ក្នុង​ពូ​ល​នោះទេ​។​

​ប្រសិនបើ​ពួកគេ​អាច​យកឈ្នះ​ក្រុម​អេ​ហ្ស៊ី​ប​នោះ​ពួកគេ​នឹង​ឡើងដល់​វគ្គ​១៦​ក្រុម​ចុងក្រោយ​ហើយ នោះ គឺជា​គោលដៅ​របស់​ពួកគេ ប៉ុន្តែ​ពួកគេ​ត្រូវតែ​បង្ហាញ​ទម្រង់​លេង​ដ៏​ល្អ​ម្តងទៀត​។ ក្រុម​អេ​ហ្ស៊ី​ប ត្រូវតែ​ធ្វើ​អ្វីមួយ​ឲ្យ​បានល្អ​ក្នុងការ​ប្រកួត​នេះ ប្រសិនបើ​ពួកគេ​ចង់​រក្សា​ក្តីសង្ឃឹម​ឆ្លងទៅ​វគ្គ​បន្ត​។ ពួកគេ​បង្ហាញ​ទម្រង់​លេង​ល្អ អំឡុងពេល​ប្រកួត​ជាមួយ​ក្រុម​អ៊ុយ​រូ​ហ្គា​យ​ក្នុង​ប្រកួត​បើកឆាក ប៉ុន្តែ​ខកចិត្ត​នៅពេល​គូប្រកួត​របស់ខ្លួន​រក​បាន​១​គ្រាប់​នៅ​នាទីចុងក្រោយ​។​

​ប្រាកដ​ណាស់ សំណួរ​ចម្បង​គឺ​ទាក់ទិន​នឹង​កីឡាករ ម៉ូ​ហា​ម៉េ​ដ សាឡា (Mohamed Salah) ដែល​មិនបាន​បង្ហាញមុខ​នៅលើ​ទីលាន​ក្នុងការ​ប្រកួត​បើកឆាក​។ សាឡា អាច​នឹង​ជាសះស្បើយ ល្មម​សម្រាប់​ការប្រកួត​ជាមួយ​ក្រុម​រុស្ស៊ី ប្រសិនបើ​មាន​ពេល​ពីរ​បី​ថ្ងៃ​ទៀត​។ ក្រុម​អេ​ហ្ស៊ី​ប​មិនសូវ មាន​សកម្មភាព​ច្រើន​ក្នុង​តំបន់​ប្រយុទ្ធ​ទេ ហើយ​ជឿថា សាឡា នឹងត្រូវ​ប្រថុយ​គ្រោះថ្នាក់​នៅពេល ចាប់ផ្តើម​ប្រឈមមុខ​ជាមួយ​ក្រុម​រុស្ស៊ី​។ ក្រុម​រុស្ស៊ី​ធ្វើបាន​ល្អជា​មួយក្រុម​អា​រ៉ា​ប៊ី សា​អូឌីត គឺ​ល្អ​ជាង​ការរំពឹងទុក ហើយ​ពួកគេ​អាច​នឹង​ឆ្លងទៅ​វគ្គ​១៦​ក្រុម​ចុងក្រោយ​ប្រសិនបើ​អាច​យកឈ្នះ ក្រុម​អេ​ហ្ស៊ី​ប​៕

ទស្សន​: Russia 2-1 Egypt