វើ​ល​ខាប់៖ កម្មវិធី​ប្រកួត​បាល់ទាត់​ ថ្ងៃ​សៅរ៍ ទី​០៧ ខែកក្កដា ឆ្នាំ​២០១៨

1401
ចែករម្លែក

(21:00) Sweden vs England
(01:00) Russia vs Croatia

​វិភាគ​គូ​ល្អ​
​ស៊ុយអែត vs អង់គ្លេស​



​អ្នកគាំទ្រ​អង់គ្លេស​ជួប​នូវ​រាត្រី​ដ៏​តឹងតែង​ជាថ្មីទៀត​នៅពេល​ពួកគេ​ប្រឈមមុខ​ជាមួយ​ក្រុម​កូ​ឡុំ​ប៊ី​កាលពី​យប់​ថ្ងៃ​អង្គារ​។ វា​ហាក់ដូចជា​ថា គ្រាប់​បាល់​របស់ ហ៊ែ​រី ខេន (Harry Kane) ល្មម​នឹង​ជួយ ឲ្យ​ពួកគេ​ឈ្នះ​១-០ ប៉ុន្តែ​ក្រុម​កូ​ឡុំ​ប៊ី​តាម​ស្មើ​នៅ​តង់​ទី​២​ជិត​ចប់​ការប្រកួត​។​
​ ​
​ក្រុម​ទាំងពីរ​មិនអាច​រកបាន​គ្រាប់​បាល់​បន្ថែមទៀត​ទេ ហើយ​ពួកគេ​ឈាន​ជើង​ចូលដល់​ដំណាក់ កាល​ទាត់​បាល់​១១​ម៉ែត្រ​។ ក្រុម​អង់គ្លេស​ធ្លាប់​បរាជ័យ​បី​លើក​មកហើយ​នៅក្នុង​ការ​ទាត់ ប៉េ​ណា​ល់​ទី​នៅ​វើ​ល​ខាប់ ប៉ុន្តែ​ពេលនេះ​វា​ខុស​ពីមុន ហើយ​ពួកគេ​អាច​ឆ្លងទៅ​វគ្គ​៨​ក្រុម​ចុងក្រោយ ដោយ​យកឈ្នះ​ក្នុង​លទ្ធផល​៤-៣​។​
​ ​
​គ្មាន​ការបារម្ភ​ពីរ​បួស​នោះទេ បន្ទាប់ពី​ការប្រកួត​នោះ​លើកលែងតែ ជែ​មី វ៉ា​ឌី (Jamie Vardy) ប៉ុន្តែ វ៉ា​ឌី ក៏​មិន​ទំនងជា​ស្ថិតក្នុង​ជម្រើស​ដំបូង​ដែរ​។ ក្រុម​អង់គ្លេស​ចាប់ផ្តើម​ទទួលបាន បទពិសោធ​បណ្តើរៗ ស្របពេល ខេន កំពុង​ឡើង​ជើង​ខ្លាំង​។​
​ ​
​ប្រព័ន្ធ​ការពារ​របស់​អង់គ្លេស​ល្អ​គ្រាន់បើ ហើយ ម៉ាក​ក្វា​យ (Maguire) ស្ថិតក្នុង​ទម្រង់​ល្អ​ពេល ប្រកួត​ជាមួយ​ក្រុម​កូ​ឡុំ​ប៊ី​។​
​ ​
​ក្រុម​ស៊ុយអែត​បាន​យកឈ្នះ ១-០​លើ​ក្រុម​ស្វ៊ី​សទាំង​លំបាក​កាលពី​សប្តាហ៍​មុននេះ​។ ក្រុម​នេះ ធ្លាប់​ឡើងដល់​វគ្គ​ពាក់កណ្តាល​ផ្តាច់ព្រ័ត្រ​កាលពី​ឆ្នាំ​១៩៩៤​ប៉ុន្តែ​យើង​ត្រូវ​ពិនិត្យមើល​ប្រវត្តិ​របស់ ពួកគេ​តាំងពី​ឆ្នាំ​១៩៥៨​។​

​ក្រុម​ស៊ុយអែត​មិនសូវ​មានឱកាស​គ្រប់គ្រង​បាល់​ទេ អំឡុងពេល​ប្រកួត​ជាមួយ​ក្រុម​ស្វ៊ី​ស​។ ពួកគេ​គ្រប់គ្រង​បាល់​បានត្រឹមតែ​៣៣​ភាគរយ ប៉ុន្តែ​ពួកគេ​មិនសូវ​ខ្វល់​រឿងនេះ​ទេ ហើយ​ពួកគេ រង់ចាំតែ​ឱកាស​វាយបក​ប៉ុណ្ណោះ​។ ពួកគេ​ធ្វើបាន​សម្រេច​ដោយ​យកឈ្នះ​ក្រុម​ម៉ិ​ក​ស៊ិ​ក​៣-០​។
​ក្រុម​ស៊ុយអែត​អាច​រក្សាបាន​ឃ្លី​ន​ស៊ីត​៥​លើក​ក្នុង​៦​ប្រកួត​ចុងក្រោយ​ជាមួយ​ប្រព័ន្ធ​ការពារ​ល្អ ប៉ុន្តែ​ក្រុម​អង់គ្លេស​មាន​ល្បឿន​ល្អ ដែល​អាច​បង្កបញ្ហា​ដល់​ពួកគេ​។​
​ ​
​ក្រុម​ស្វ៊ី​សមាន​ឱកាស​ច្រើន​កាលពី​ថ្ងៃ​អង្គារ ប៉ុន្តែ​ធ្វើ​មិនបាន​សម្រេច​។ សង្ឃឹមថា ក្រុម​អង់គ្លេស នឹងមិន​បង្កើត​កំហុស​ដូចនេះ​ទេ ហើយ​អាច​នឹង​ឈ្នះ​ការប្រកួត​នេះ ដើម្បី​ឡើង​វគ្គ​ពាក់កណ្តាល ផ្តាច់ព្រ័ត្រ​ជា​លើកដំបូង​ចាប់តាំងពី​ឆ្នាំ​១៩៩០​មក​៕
​ទស្សន​: ស៊ុយអែត 1-2 អង់គ្លេស

​រុស្ស៊ី vs ក្រូ​អាស៊ី


​ ​
​ឈរ​នៅ​លេខ​រៀង​ទី​៧១​ក្នុង​ពិភពលោក ក្រុម​អ្នកគាំទ្រ​រុស្ស៊ី​មិនសូវ​ជាមាន​សុទិដ្ឋិនិយម​ថា ក្រុម​ម្ចាស់ផ្ទះ​អាច​នឹង​ឆ្លងទៅ​វគ្គ​បន្ត​នៅ​វើ​ល​ខាប់​ឆ្នាំ​២០១៨​នេះ​នោះទេ​។ ការឆ្លង​ផុតពី​វគ្គ​ជម្រុះ ក្នុង​ពូ​ល​គឺជា​រឿង​សប្បាយចិត្ត​ពេក​ណាស់​ទៅហើយ​សម្រាប់​អ្នកគាំទ្រ ប៉ុន្តែ​នៅពេលនេះ ពួកគេ​បាន​ឈានដល់​វគ្គ​៨​ក្រុម​ចុងក្រោយ​ដោយ​យកឈ្នះ​ក្រុម​អេ​ស្ប៉ា​ញ​តាមរយៈ​ការទា​ត់បាល់​១១​ម៉ែត្រ​កាលពី​ថ្ងៃ​សៅរ៍​សប្តាហ៍​មុន​។​
​ ​
​បើទោះបីជា​មានឱកាស​គ្រប់គ្រង​បាល់​តិចតួច ប៉ុន្តែ​ពួកគេ​អាច​ទប់​បាន​ស្មើ​១-១ បន្ទាប់ពី​លេង ពេញ​៩០​នាទី ។ ពួកគេ​បាន​ចំណាយពេល​ស្ទើ​តែ​ទាំងស្រុង​តាមមើល​កីឡាករ​អេ​ស្ប៉ា​ញ​ប​ញ្ចូ​ន​បាល់ ពី​ម្នាក់​ទៅ​ម្នាក់​។​
​ ​
​ក្រុម​រុស្ស៊ី​មិនដែល​ឡើងដល់​វគ្គ​ពាក់កណ្តាល​ផ្តាច់ព្រ័ត្រ​ទេ​ក្នុង​ព្រឹត្តិការណ៍​ពិភពលោក ហើយ​ធ្លាប់ ឆ្លង​ចូល​វគ្គ​បួន​ក្រុម​ចុងក្រោយ​ក្នុង European Championships ម្តង​។ ពួកគេ​មិនទាន់​ស្គាល់ ពាក្យ​ថា ចាញ់​នៅឡើយ​ទេ​ក្នុង​៥​ប្រកួត​ចុងក្រោយ ហើយ​វា​គឺជា​ការរីកចម្រើន​ច្រើន​បើ​ធៀប នឹង​បរាជ័យ​បី​លើក​កន្លងមក​និង​របូត​៧​គ្រាប់​។​
​ ​
​ក្រុម​រុស្ស៊ី​មិនមែនជា​ក្រុម​ដ៏​គួរ​ឲ្យ​ចាប់អារម្មណ៍​ទេ​ដូច​ពេលដែល​ពួកគេ​ប្រឈមមុខ​នឹង​ក្រុម អ៊ុយ​រូ​ហ្គា​យ​នៅ​វគ្គ​ជម្រុះ​ក្នុង​ពូ​ល​។ នៅពេល​ពួកគេ​ជួប​ក្រុម​ខ្លាំង ពួកគេ​ច្រើនតែ​ចាញ់ ប៉ុន្តែ​ក្រុម ក្រូ​អាស៊ី​មិនមែន​ដូច្នេះ​ទេ​។​
​ ​
​ក្រុម​ក្រូ​អាស៊ី​ចាប់ផ្តើម​ការប្រកួត​នេះ​ដោយ​យកឈ្នះ​២-០ លើ​ក្រុម​នី​ហ្សេ​រី​យ៉ា ហើយ​បន្ទាប់ មក​បន្ត​យកឈ្នះ​ក្រុម​អា​ហ្ស​ង់​ទីន​៣-០ ។ ពួកគេ​ផ្លាស់ប្តូរ​សមាសភាព​៩​រូប​ក្នុង​ការប្រកួត​ចុងក្រោយ ប៉ុន្តែ​នៅតែ​អាច​យកឈ្នះ​ក្រុម​អ៊ី​ស្លង់​២-១ ដើម្បី​បញ្ចប់​ការប្រកួត​ជាមួយ​ពិន្ទុ​ច្រើន​បំផុត​។​
​ ​
​ក្រុម​ក្រូ​អាស៊ី​បាន​ឡើង​មកជួប​ជាមួយ​ក្រុម​ដា​ណឺ​ម៉ា​កនៅ​វគ្គ​១៦​ក្រុម​ចុងក្រោយ ប៉ុន្តែ​ពួកគេ មិនអាច​រក្សា​គ្រាប់​បាល់​នាំមុខ​២-០ ក្នុង​៤​នាទី​។ វា​គឺជា​ការប្រកួត​ដ៏​គួរ​ឲ្យ​ខកចិត្ត​ហើយ​ប្រសិន បើ​ក្រុម​ក្រូ​អាស៊ី​លេង​អន់​ដូច​ពេល​លេង​ជាមួយ​ក្រុម​ដា​ណឺ​ម៉ាក​នោះ​ក្រុម​រុស្ស៊ី​អាច​នឹងមាន ឱកាស​ឡើងមក​ដល់​វគ្គ​បួន​ក្រុម​ចុងក្រោយ​។​

​នោះ​គឺជា​បញ្ហា​ក្នុងពេល​ប្រកួត ហើយ​ក្រុម​ក្រូ​អាស៊ី​ត្រូវតែ​កែប្រែ​ចំណុច​ខ្វះខាត​។ ចាំ​មើលថា តើ​ក្រុម​ក្រូ​អាស៊ី​នឹង​បង្ហាញ​ទម្រង់​លេង​គួរ​ឲ្យ​ចាប់អារម្មណ៍​ដូច​កាល​ចាប់ផ្តើម​ដំបូង​ឬ​ជា​ទម្រង់​លេង​ដ៏​ខកចិត្ត​ពេល​លេង​ជាមួយ​ក្រុម​ដា​ណឺ​ម៉ាក​៕ ប្រែ​សម្រួល​: ពិសិដ្ឋ​
​ទស្សន​: រុស្ស៊ី 1-2 ក្រូ​អាស៊ី