កម្លាំង​កងរាជអាវុធហត្ថ​ឃាត់ខ្លួន​ជនសង្ស័យ​៣​នាក់ ជួញដូរ​គ្រឿងញៀន និង​រក្សា​អាវុធ​កែច្នៃ​ដោយ​ខុសច្បាប់​

251

ជនសង្ស័យ​៣​នាក់ ជួញដូរ​គ្រឿងញៀន និង​រក្សា​អាវុធ​កែច្នៃ​ដោយ​ខុសច្បាប់ (​រូប​: ភ្នំ​ស្វាយ​)

(​បន្ទាយមានជ័យ​) : កម្លាំង​កងរាជអាវុធហត្ថ​ឃាត់ខ្លួន​ជនសង្ស័យ​៣​នាក់ ជួញដូរ​គ្រឿងញៀន និង​រក្សា​អាវុធ​កែច្នៃ​ដោយ​ខុសច្បាប់​។ ការឃាត់​នៅវេលា​ម៉ោង​១២​និង​៣០​នាទី​ថ្ងៃត្រង់ ថ្ងៃទី​៣០ ខែសីហា ឆ្នាំ​២០១៧ នៅ​ចំណុច​ផ្លូវ​រថភ្លើង ភូមិ​អូរជ្រៅ សង្កាត់​/​ក្រុង​ប៉ោយប៉ែត​។​

​លោក​វរៈសេនីយ៍ បោ​ន ប៊ិន មេបញ្ជាការ​កងរាជអាវុធហត្ថ​ខេត្តបន្ទាយមានជ័យ ឲ្យ​ដឹងថា ជនសង្ស័យ​៣​នាក់ មាន​១.​ឈ្មោះ សួស ស៊ីណា ហៅ​ញ៉ា​ញ់ ភេទ​ប្រុស អាយុ​៣១​ឆ្នាំ​។ ២.​ឈ្មោះ សេង អេ​ន​ឌូ ភេទ​ប្រុស អាយុ​១៧​ឆ្នាំ ៣.​ឈ្មោះ ម៉ិច វៀត ភេទ​ប្រុស​អាយុ​១២​ឆ្នាំ​។ ជន​ទាំង​៣​នាក់ គ្មាន​មុខ​របប​ពិតប្រាកដ ហើយ​ស្នាក់នៅ​ភូមិ​អូរជ្រៅ សង្កាត់​.​ក្រុង​ប៉ោយប៉ែត​។​

សូម​រំលឹកថា ករណីនេះ​ត្រូវ​លោក​វរៈសេនីយ៍ ជា ដា មេបញ្ជាការ​កងរាជអាវុធហត្ថ​ក្រុង​ប៉ោយប៉ែត បាន​ដឹកនាំ​កម្លាំង​ចុះ​ស្រាវជ្រាវ​ឃាត់ខ្លួន​ជនសង្ស័យ​៣​នាក់​នេះ និង​រឹបអូស​វត្ថុតាង​គ្រឿងញៀន ប្រភេទ​មេ​តំ​ហ្វេ​តា​មីន ហៅ​ខេ​ទឹកកក​ចំនួន​៨២​ថង់​តូច និង​យ៉ាម៉ា​ចំនួន​១​គ្រាប់​កន្លះ អាវុធ​កែច្នៃ​ប្រភេទ​កា​៥៤១​ដើម មាន​០៤​គ្រាប់​, កាំបិត​សាំ​ម៉ូ​រ៉ៃ​១​ដុំ ឆក់​ពណ៌​ខ្មៅ​១​ម៉ូតូ​១​គ្រឿង ទូរស័ព្ទដៃ​៣​គ្រឿង​។​

​ផ្នែក​ជំនាញ នៃ អ​.​ហ​. ខេត្ត បាន​កសាង​សំណុំរឿង​បញ្ជូន​ជនសង្ស័យ​៣​នាក់ ពីបទ​ជួញដូរ​គ្រឿងញៀន និង​រក្សាទុក​អាវុធ​កែច្នៃ​ខុសច្បាប់​ទៅ​ឲ្យ​តុលាការ ចេញ​ដីកាឃុំខ្លួន​បណ្តោះអាសន្ន នៅ​ថ្ងៃទី​៣១​សីហា​៕L ដោយ : ភ្នំ​ស្វាយ​