កសាង​អាង​ហែល​ទឹក ដែលមាន​តម្លៃ ២ លាន​ដុល្លារ នៅ​បាត់ដំបង​

208
ចែករម្លែក

ដោយ​៖ រ៉ូ​ហ្សា /
​ភ្នំពេញ​៖
សហព័ន្ធ​ខ្មែរ​កីឡាហែលទឹក បានសម្រេច​ចិត្ត កសាង​អាង​ហែល​ទឹក​មួយ នៅ​ខេត្តបាត់ដំបង ដែល​នឹងត្រូវ​ចំណាយ​ថវិកា អស់​ចំនួន​ប្រមាណ ២ លាន​ដុល្លារ​អាម៉េរិក ។ អាង​ហែល​ទឹក​នេះ នឹងធ្វើ​នៅក្នុង​បរិវេណ​សាកលវិទ្យាល័យ បាត់ដំបង ដោយ​សាងសង់​លើ​ទំហំ​ផ្ទៃដី ១១២ ម៉ែត្រ​គុណ​៦៥​ម៉ែត្រ ដោយ​យក​គម្រូ តាម​មជ្ឈមណ្ឌល​ហែល​ទឹក​តេ​ជោ​សែន ខេត្តកំពង់ចាម ។​

សម្ដេច​ក្រឡាហោម ស ខេង បាន​អញ្ជើញ​ចូលរួម ក្នុងពិធី​បញ្ចុះសីមា​សាងសង់ អាង​ហែល​ទឹក នៅ​ខេត្តបាត់ដំបង​

​លោក ហែម គី​រី អគ្គលេខាធិការ សហព័ន្ធ​ខ្មែរ​កីឡាហែលទឹក បាន​ឲ្យ​ដឹងថា អាង​សម្រាប់​ប្រកួត មាន​ទំហំ ២៥ ម៉ែត្រ គុណ ៥០ ម៉ែត្រ និង​ជម្រៅ ២ ម៉ែត្រ ។ អាង​លោតទឹក ទំហំ ២០​ម៉ែត្រ គុណ ២៥​ម៉ែត្រ ជម្រៅ ៤,៥​ម៉ែត្រ ។ ប៉ម​លោតទឹក​កំពស់ ១០​ម៉ែត្រ ចែកជា​ថ្នាក់​លោត​កំពស់ ៣, ៥​ម៉ែត្រ​, ៧​ម៉ែត្រ និង​១០​ម៉ែត្រ ។ អាង​ទាំងបី និង​ប៉ម​លោតទឹក ត្រូវ​សាងសង់ នៅលើ​ខឿន​ទំហំ ៤០​ម៉ែត្រ គុណ ១១២​ម៉ែត្រ​ខ្ពស់ជាង​ដី​កំណើត​១,៥​ម៉ែត្រ ។​

​ពិធី​បញ្ចុះសីមា​សាងសង់ អាង​ហែល​ទឹក នៅ​ខេត្តបាត់ដំបង​

​អាងទឹក​ក្នុង​ដី សម្រាប់​រក្សា​តុល្យភាព​ទឹក​អាង ទាំងបី ទំហំ ១០​ម៉ែត្រ គុណ ១៥​ម៉ែត្រ ជម្រៅ​២,៥​ម៉ែត្រ ។ កន្លែង​អង្គុយ​ទស្សនា ទំហំ ៧​ម៉ែត្រ គុណ ៨៣​ម៉ែត្រ ចំណុះ​៤០០​នាក់ ក្នុងនោះ​សម្រាប់​គណៈអធិបតី ចំនួន ៥០​នាក់ ។ បន្ទប់​ម៉ាស៊ីន​ចម្រោះ ទំហំ ៧​ម៉ែត្រ គុណ ១៣​ម៉ែត្រ​បន្ទប់​ឃ្លាំង​ទំហំ ៧​ម៉ែត្រ គុណ ១០​ម៉ែត្រ បន្ទប់​ផ្លាស់​សំលៀកបំពាក់ ទំហំ ៤​ម៉ែត្រ គុណ ៧​ម៉ែត្រ ចំនួន ៣ បន្ទប់​។​បន្ទប់ទឹក​កីឡាករ ២​បន្ទប់ កីឡា​ការី​នី ២​បន្ទប់​។ បន្ទប់ទឹក​សាធារណៈ ២​កន្លែង បុរស​៦​បន្ទប់ នារី​៦​បន្ទប់ ជនពិការ​១​បន្ទប់​ទីធ្លា​ចំណតរថយន្ត និង​ទោចក្រយានយន្ត ៧០០ ម៉ែត្រ​ការេ​។

គម្រូ​ប្លង់​សាងសង់ អាង​ហែល​ទឹក នៅ​ខេត្តបាត់ដំបង​

​​អគារ​ពហុ​ប្រើប្រាស់​ទំហំ ៧​ម៉ែត្រ គុណ ៣៥​ម៉ែត្រ ពីរ​ជាន់ ចែកជា​បន្ទប់​ពិសេស​គណៈ អធិបតី ទំហំ ៧​ម៉ែត្រ គុណ ១០​ម៉ែត្រ​។ បន្ទប់​ពហុ​ប្រើប្រាស់ ទំហំ ៧​ម៉ែត្រ គុណ ១៥​ម៉ែត្រ​បន្ទប់​បញ្ជាការ​ប្រកួត​ទំហំ ៣​ម៉ែត្រ គុណ ៥​ម៉ែត្រ ។ បន្ទប់​ឃ្លាំង​ជាន់​ទី​១​ទំហំ ៤​ម៉ែត្រ​គុណ ៥​ម៉ែត្រ​បន្ទប់សង្គ្រោះបន្ទាន់​ទំហំ ៤​ម៉ែត្រ​គុណ ៥​ម៉ែត្រ ។ បន្ទប់​អាជ្ញាកណ្តាល ទំហំ​៤​ម៉ែត្រ​គុណ ៥​ម៉ែត្រ កន្លែង​សំរាក​រយៈពេល​ខ្លី ក្នុងពេល​ប្រកួត​ទំហំ ៤​ម៉ែត្រ គុណ ២៤ ម៉ែត្រ​។ បន្ទប់​ស្នាក់នៅ សម្រាប់​កីឡាករ ទាំង​ពីរភេទ ចំនួន ៩ ទំហំ ៣,៥​ម៉ែត្រ គុណ ១៦​ម៉ែត្រ បន្ទប់​បរិភោគ និង​ចង្ក្រាន ទំហំ ៥​ម៉ែត្រ គុណ ៨​ម៉ែត្រ និង​សាងសង់​រយៈពេល​
២៤​ខែ​។​

​សម្ដេច​ក្រឡាហោម ស ខេង ឧបនាយករដ្ឋមន្ត្រី និង​ជា​រដ្ឋមន្ត្រី​ក្រសួងមហាផ្ទៃ បាន​អញ្ជើញ​ចូលរួម ក្នុង​ពិធី​បញ្ចុះសីមា សាងសង់ នា​ថ្ងៃទី​១៤ សីហា នេះ ៕v