ការបរិភោគ​សត្វល្អិត​មាន​ប្រយោជន៍​សម្រាប់​ផ្លូវ​ពោះវៀន​

1429
ចែករម្លែក
  • 2
    Shares

​ចំពោះ​មនុស្ស​ជាច្រើន ដោយ​គ្រាន់តែ​គិតដល់​ការបរិភោគ​ពពួកសត្វ​ល្អិត​ប៉ុណ្ណោះ ក៏​អាចធ្វើ​ឲ្យ​ពួកគេ​ខ្ពើមរអើម​ចង់​ក្អួត​, ប៉ុន្តែ ជាក់ស្តែង​សត្វល្អិត​ផ្តល់​គុណប្រយោជន៍​ជាច្រើន​ចំពោះ​សុខភាព ។​

​តាម​ការពិសោធន៍​ថ្មី​មួយ​របស់​សកល​វិទ្យាល័យ វី​ស​ខុន​ស៊ីន ម៉ា​ឌី​សុន នៅ​សហរដ្ឋអាមេរិក បាន​ឲ្យ​ដឹងថា ការបរិភោគ​ចង្រិត​អាចមាន​ឥទ្ធិពល​សកម្ម​ដល់​សុខភាព​ផ្លូវ​ពោះវៀន និង​បន្ថយ​រលាក​ក្នុង​សរីរាង្គ ។​

​បណ្ឌិត វា​ឡឺ​រី ស្តុល ( Valerie Stull) នៅ​វិទ្យាស្ថាន​ស្រាវជ្រាវ​បរិស្ថាន​ចំណុះ​សកល​វិទ្យាល័យ នេះ និង​ជា​អ្នកដឹកនាំ​ការស្រាវជ្រាវ​បាន​ឲ្យ​ដឹងថា «​បច្ចុប្បន្ន គេ​កំពុង​យកចិត្តទុកដាក់​ដល់​ព​ពួក​សត្វល្អិត​បរិភោគ​បាន ។ និន្នាការ​នេះ​នៅ​អឺរ៉ុប និង​អាមេរិក ត្រូវបាន​យល់​ដូចជា​ការស្វែងរក​ប្រភព​ប្រូតេអ៊ីន​មួយ​រឹងមាំ​, ស្និទ្ធស្នាល​ជាមួយ​បរិស្ថាន ប្រៀប​នឹង​សត្វ​ចិញ្ចឹម​ជា​ប្រពៃណី​» ។​

​ការស្រាវជ្រាវ​ត្រូវបាន​ដំណើរការ​លើ​មនុស្សពេញវ័យ​មាន​សុខភាព​ល្អ ២០ នាក់ មាន​អាយុ​ពី ១៨ ទៅ ៤៨ ឆ្នាំ ក្នុង​រយៈពេល ៦ សប្តាហ៍ ដើម្បី​វាយតម្លៃ​ឥទ្ធិពល​របស់​ការបរិភោគ​ម្សៅ​ចង្រឹត ។​

​លទ្ធផល ទោះបី​ពួក​អ្នកចូលរួម​ពុំមាន​ការប្រែប្រួល​ច្រើន​អំពី​ផ្លូវ​រំលាយ​អាហារ តែមាន​ការ​កើន​នូវ​ប្រភេទ​បាក់តេរី​ធម្មជាតិ មាន​ប្រយោជន៍​មួយ​ប្រភេទ សម្រាប់​ផ្លូវ​ពោះវៀន ។ ក្រៅពីនេះ គេ​បាន​រកឃើញ​ការថយចុះ​បរិមាណ TNF-alpha, ប្រូតេអ៊ីន​បង្ក​រលាក​ក្នុង​ឈាម​មួយ​ពាក់ព័ន្ធ​ដល់​ជំងឺ​ធ្លាក់​ទឹកចិត្ត និង​មហារីក ៕ ប្រែ​សម្រួល​: រតនៈ​