ការប្រកួតប្រជែង​នយោបាយ​នៅក្នុង​សង្គម​ប្រជាធិបតេយ្យ​សេរី​ពហុបក្ស

107

នៅក្នុង​សង្គម​ប្រជាធិបតេយ្យ​សេរី​ពហុបក្ស តែងតែមាន​ការប្រកួត​ប្រជែង​គ្នា​រវាង​គណបក្សនយោបាយ ដែលមាន​អត្ថិភាព​នៅក្នុង​សង្គម ដើម្បី​ដណ្តើមយក​អំណាច ពី​ប្រជាពលរដ្ឋ​តាមរយៈ​ការសម្តែង​ឆន្ទៈ ក្នុងការ​បោះឆ្នោត​ដែលមាន​កំណត់​ក្នុង​រដ្ឋធម្មនុញ្ញ​។ ការប្រកួតប្រជែង​គឺ​ប្រព្រឹត្តទៅ​តាមរយៈ​កម្មវិធី នយោបាយ​របស់​គណបក្ស​និ​មួយៗ ក្នុងការ​ដឹកនាំ គ្រប់គ្រង​ប្រទេស នៅពេល​គណបក្ស​ណាមួយ​ឈ្នះឆ្នោត ។​

​ដូច្នេះ​ការប្រកួតប្រជែង​គ្នា ខាង​នយោបាយ មិនមែន​មានន័យថា​ទាស់​គ្នា ប្ញ​ប្រឆាំង​គ្នា​ចាត់ទុក​គ្នា ជា​ខ្មាំង សត្រូវ​នោះទេ ។ គោល​ការ​ណ៏​ប្រកួតប្រជែង​តាម​លក្ខណៈ​ប្រជាធិបតេយ្យ គឺ​ល្អ​ត្រឹមត្រូវ​ណាស់ ។ ក៏ប៉ុន្តែ​កន្លងទៅ ការ​ដែលមាន​បញ្ហា​នោះ អាស្រ័យ​មកពី​អ្នកនយោបាយ អនុវត្ត​មិនបាន​ត្រឹមត្រូវ តាម​គោល​ការ​ណ៏​លទ្ធិប្រជាធិបតេយ្យ​តែប៉ុណ្ណោះ ដោយ​ប្រព្រឹត្ត​ខុសឆ្គង​ជា​អត្តនោម័ត​ខ្លួនឯង រំលោភច្បាប់ រំលោភ​គោល​ការ​ណ៏​លទ្ធិប្រជាធិបតេយ្យ ដើម្បី​មហិច្ឆតា​អំណាច ហើយ​ថា​ខ្លួនឯង​ជា​អ្នក ប្រជាធិបតេយ្យ​បន្លំ​ភ្នែក​មហាជន ប្រជាជន​ទៅវិញ ។​

​ដូច្នេះ ដើម្បី​ធានា​និរន្តរភាព នៃ​ដំណើរការ​លទ្ធិប្រជាធិបតេយ្យ ទាមទារ​អ្នកនយោបាយ គណបក្សនយោបាយ ត្រូវតែ​គោរព​និង​អនុវត្ត​ឲ្យ​បាន​ត្រឹមត្រូវ​តាមច្បាប់​ស្តីពី​ការបោះឆ្នោត គោល​ការ​ណ៏​បទបញ្ជារ នីតិវិធី និង​ក្រម​សីល​ធ៌​ម​រប​ស់គ ជ ប កំណត់​។ គណបក្សនយោបាយ ត្រូវខិតខំ​កសាង​ស្នាដៃ​គុណសម្បត្តិ​របស់ខ្លួន សម្រាប់​បង្ហាញ​ប្រជាពលរដ្ឋ​ឲ្យ​មើលឃើញ និង​គាំទ្រ​ខ្លួន​ទៅជា​ការ​ស្រេច​ហើយ ។ ផ្ទុយទៅវិញ ត្រូវ​ជៀសវាង អនុវត្ត​វប្បធម៌​លាប​ពណ៌ ការនិយាយ​មួលបង្កាច់ បង្ខូច​កេ​រ្ត៏ ការឃោសនា​បំប៉ោង​បន្លំ​ប្រជាពលរដ្ឋ និង​ប្រព្រឹត្ត រំលោភច្បាប់ នោះ​នឹង​មិនមាន​បញ្ហា​ដល់​ខ្លួន​ឡើយ ។​

​បើ​ប្រតិបត្តិ​តាម​ប្រការ​ខាងលើនេះ នោះ​លទ្ធិប្រជាធិបតេយ្យ​នឹង​នៅតែ​ស្រស់បំព្រង ហើយ ការប្រកួត ប្រជែង​នយោបាយ នៅ​កម្ពុជា នឹង​នៅតែមាន​លក្ខណៈ​ល្អប្រសើរ​ជានិច្ច​និ​រ​ន្ត៍​តទៅ​ជាមិនខាន ស្របតាម​គោល ការ​ណ៏​បើកទូលាយ​ប្រជាធិបតេយ្យ និង​ពង្រឹង​នីតិរដ្ឋ ដោយ​ព្រម​គ្នា ៕ ដោយៈ​សុខ ឥសាន​