កីឡាករ​កា​រ៉ា​តេ​ដូ សូ​តូ​កង់ ២១​ក្លឹប មក​បង្ហាញ​ក្បាច់​វ៉ៃ ប្រចាំឆ្នាំ​២០១៨

953

ដោយ​: មូល​សម្បត្តិ / ភ្នំពេញ​: កីឡាករ​កា​រ៉ា​តេ​ដូ សូ​តូ​កង់​ជាង​៣០០​នាក់ ត្រូវជា​២១​ក្លឹប​ដែល​មកពី​សាលា​បច្ចេកទេស​កា​រ៉ា​តេ​ដូ សូ​តូ​កង់​កម្ពុជា ភាគច្រើន​ជា​កុមារ​អាយុ​ក្រោម​១៨​ឆ្នាំ បានមក​ហាត់​ហ្វឹកហ្វឺន​ប្រកួត​ជា​មិត្តភាព បញ្ចេញ​ក្បាច់​បច្ចេកទេស បង្កើន​សមត្ថភាព​ឲ្យ​ខ្លាំង​ថែមទៀត សម្រាប់​គុណភាព​ឆ្នាំ​២០១៨​។​

​លោក សុក ស៊ីផាន់ណា នាយក​សាលា​បច្ចេកទេស​កា​រ៉ា​តេ​ដូ សូ​តូ​កង់​កម្ពុជា​មានប្រសាសន៍​ក្នុង​ពិធី​បង្ហាញ​ក្បាច់​ថ្ងៃទី​២២​ខែកញ្ញា នៅ​សាលា​ភូមិន្ទ​ភ្នំពេញ​ថា កម្មវិធី​លើក​នេះ គឺ​ប្អូនៗ​កីឡាករ​ទាំងអស់ ត្រូវ​ប្រកួតប្រជែង​យក​មេដាយ ហើយ​ត្រូវ​គិតថា បង្ហាញ​ក្បាច់​អី​ល្អ​សំរាប់​ចុងឆ្នាំ ដើម្បី​បង្ហាញ​បច្ចេកទេស​វិញ​។ យើង​ត្រូវ​ជំរុញ​ខ្លួនឯង ខំប្រឹង​ជឿជាក់​លើ​ខ្លួនឯង ហើយ​សង្ឃឹមថា ៤​ឆ្នាំ​ទៀត​យើង​ដល់​វេន​ធ្វើ​ម្ចាស់ផ្ទះ​។ ដូច្នេះ​ក្មួយៗ​មាន​ពេល​៤​ឆ្នាំ​ទៀត ដើម្បី​ប្រឹង​យកឈ្នះ​។ បើ​មិន​ឈ្នះ​ក៏បាន​ឡើង​រិញ​ដែរ​។ ឥឡូវ​យើង​សំឡឹង​ឃើញ​កីឡាករ​ខ្មែរ​យើង​បានទទួល​មេដាយមាស ប្រាក់ សំរិទ្ធ​ជា​បណ្តើរៗ​។ នេះ​ជា​ឱកាស​មកដល់​របស់​យើង​គ្រប់ៗ​ហើយ​។​

​គ្រូៗ​ប្រដាល់​ដែល​បាន​ចូលរួម ប្រាប់​ឲ្យ​ដឹងថា សាលា​បច្ចេកទេស​កា​រ៉ា​តេ​ដូ សូ​តូ​កង់​នេះ បាន​បង្កើតឡើង​តាំងពី​ឆ្នាំ​១៩៨៩​មកម្ល៉េះ មាន​សិស្ស​ជាច្រើន​ចេញពី​សាលា​នេះ ក្លាយទៅជា​គ្រូ​ប្រដាល់​ឡើង​ខ្សែក្រវាត់​ខ្មៅ​អស់ហើយ​។ សិស្ស​រៀន​កា​រ៉ា​តេ​មាន​ចាប់ពី​ខ្សែរ​ក្រវ៉ាត់​ស លឿង ទឹកក្រូច បៃតង ខៀវ ត្នោត​រហូតដល់​ខ្សែក្រវ៉ាត់​ខ្មៅ និង​ខ្សែក្រវ៉ាត់​ដាន់​៕ ល​