កុមារ​បំបែក​ឯតទគ្គ​កម្ម​ពិភពលោក​សម្រាប់​ការប្រមូលផ្តុំ​គ្នា​ធ្វើជា​តួអង្គ​រឿង​ហារី ផត​ធ័​រ ច្រើន​បំផុត​

731

នៅមុន​ខួប​លើក​ទី​២០ នៃ​ការចេញផ្សាយ​សៀវភៅ​ដំបូង​មាន​ចំណងជើង​ថា “​ហ្វី​ឡូ​សូ​ហ្វ័​រ ស្តូ​ន​” (Philosopher’s Stone) ដែល​ត្រូវបាន​គេ​យក​ធ្វើជា​បា​រ៉ូ​ល​ថត​ជា​ខ្សែភាពយន្ត​រឿង “​ហារី ផត​ធ័​រ​” (Harry Potter) ជា​បន្តបន្ទាប់ កុមារ​ជិត ៧០០ នាក់​ដែល​ស្លៀក​រ៉ូ​ប​អ្នកមាន​វេទមន្ត​ពិសេស និង​វែ​នតា​មូលៗ​បាន​ប្រមូល​ផ្តុំគ្នា​នៅ​សាលារៀន “​ស្ម៊ី​ស៊ី​ល ហល​” (Smithills Hall) ក្នុង​ទីក្រុង​បូល​ថុ​ន (Bolton) ប្រទេស​អង់គ្លេស កាលពី​ថ្ងៃ​សុក្រ ទី​២៣ ខែមិថុនា ដើម្បី​អបអរសាទរ​ពិធី​នេះ​។
​ ​
​កូនសិស្ស​ចំនួន ៦៧៦ នាក់​នេះ​បាន​បំបែក​ឯតទគ្គ​កម្ម​ហ្គី​ណេ​ស សម្រាប់​ពិធី​ដែលមាន​អ្នក​ស្លៀកពាក់ ដូច​តួអង្គ​រឿង Harry Potter ច្រើន​បំផុត​នៅក្នុង​ពិភពលោក​។
​ ​
​លក្ខខណ្ឌ​តម្រូវឱ្យ​អ្នកចូលរួម​ម្នាក់ៗ​ដាក់​សញ្ញា​ស្នាក​ស្នាម​លើ​ផ្ទៃមុខ ពាក់​ក្រវាត់ក វែ​នតា​មូលៗ និង​កាន់​រំពាត់​ទិព្វ​នៅក្នុង​ដៃ​។ កូនសិស្ស​ទាំងអស់​ត្រូវ​ក្រោកឈរ​ទាំងអស់គ្នា​រយៈពេល ៥ នាទី មុនពេល​ពួកគេ​ចាប់ផ្តើម​អ​បរសាទរ​ឯតទគ្គ​កម្ម​ពិភពលោក​ថ្មី​នេះ​ជា​ផ្លូវការ​៕ ​ប្រែ​សម្រួលៈ​ខុម​