ក្រសួងសុខាភិបាលចេញសេចក្តីប្រកាសបញ្ឈប់ការចែកចាយផលិតផល គ្មានលេខប្រវេទន៍៥មុខ ដល់គណនីហ្វេសប៊ុក Lyheng Smile និង Heng Smile

183
ចែករម្លែក

ដោយ-បញ្ញាសាស្រ្ត
ភ្នំពេញ-
យោងតាមសេចក្តីជូនដំណឹង របស់ក្រសួងសុខាភិបាល បានចេញសេចក្តី ជូនដំណឹងកាលពីថ្ងៃទី២២ សីហា ២០១៩ ស្តីពីការហាមឃាត់គណនីយហ្វេសប៊ុក ឈ្មោះ Lyheng Smile , Heng Smile ដែលបានចែកចាយ និងផ្សព្វផ្សាយលក់ ផលិតផល គ្រឿងសំអាងតាមបណ្តាញសង្គមហ្វេសប៊ុក ដែលគ្មានលេខប្រវេទន៍ និងគ្មាន ច្បាប់ស្តីពីក្រសួងសុខាភិបាល។

ប្រភពបានបង្ហាញបន្តថា ក្រសួងសុខាភិបាលនៃព្រះរាជាណាចក្រកម្ពុជា សូម ជម្រាប ជូន ដល់សាធារណជនទាំងអស់ឱ្យបាន ជ្រាបថា៖ តាមការពិនិត្យឃើញ លើបណ្តាញសង្គមហ្វេសប៊ុក (Facebook) រៀងរាល់ថ្ងៃ មានគណនីឈ្មោះ LyhengSmile, Heng Smile កំពុងផ្សព្វផ្សាយលក់ផលិតផលគ្រឿង សម្អាងគ្មាន លេខប្រវេទន៍ចំនួន៥មុខ ១-Ly Heng Skin CareSilver, ២- Ly Heng Skin Care Gold, ៣-Cleansing Form, ៤-Scrum Collagen Plus, ៥-Day Cream គ្មានក្រុម ហ៊ុនត្រឹមត្រូវគ្មានលេខប្រវេទន៍ គ្មានការត្រួតពិនិត្យគុណភាព និងគ្មានការ អនុញ្ញាត ឱ្យផ្សព្វផ្សាយពីក្រសួងសុខាភិបាលឡើយ។

ដើម្បីជៀសវាងការខាតបង់ប្រាក់កាស និងប៉ះពាល់ដល់សុខភាព ឬឈានដល់បាត់ បង់ អាយុជីវិតរបស់ អ្នកប្រើប្រាស់ទៀតនោះ ក្រសួងសុខាភិបាលសូមជូនដំណឹង ដល់បង ប្អូនប្រជាពលរដ្ឋទាំងអស់កុំជឿការឃោសនាភូតកុហកបោកប្រាស់ខាងលើ និងបញ្ឈប់ការប្រើប្រាស់ផលិតផលគ្រឿងសម្អាងគ្មានលេខប្រវេទន៍ខាងលើដែលផ្សព្វផ្សាយតាមគណនីឈ្មោះ Lyheng Smile, Heng Smile ហើយក្រសួងសុខាភិបាល តម្រូវឱ្យម្ចាស់គណនីឈ្មោះLyheng Smile, Heng Smile ត្រូវឈប់ផ្សព្វផ្សាយលក់ ឬចែកចាយផលិតផលគ្រឿងសម្អាងគ្មានលេខប្រវេទន៍ខាងលើនេះព្រមទាំងប្រមូលមកកំទេចចោលជាបន្ទាន់។

ក្រសួងសុខាភិបាលនឹងមានវិធានការតឹងរ៉ឹងទៅតាមផ្លូវច្បាប់ចំពោះម្ចាស់គណនីឈ្មោះ Lyheng Smile,Heng Smile ដែលផ្សព្វផ្សាយលក់ ឬចែកចាយផលិតផលគ្រឿង សម្អាងគ្មានលេខប្រវេទន៍ទខាងលើនេះទៅតាមច្បាប់ស្តីពីការគ្រប់គ្រងឱសថ និងច្បាប់ ស្តីពីច្បាប់វិសោធនកម្ម ច្បាប់ស្តីពីការគ្រប់គ្រងឱសថជាធរមាន។

ក្នុងករណីបងប្អូនប្រជាពលរដ្ឋបានជួបប្រទះឃើញជនណាកំពុងលក់ ឬចែកចាយ ផលិតផលគ្រឿង សម្អាងគ្មាន លេខប្រវេទន៍ខាងលើនេះ សូមបងប្អូនប្រញាប់ ផ្តល់ ព័ត៌មាន ឬត្រូវការព័ត៌មានបន្ថែមពី នាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង សូមទំនាក់ទំនងតាមរយៈលេខទូរស័ព្ទ៖០១១ ៥៧៤ ៧៨៧,០១២ ៩៨៣ ៣៣៤, ០១២ ៨៩២ ០២២, ០១៧ ៦០៦ ៦៧០, ០១៧ ៨៦៦ ៧៦០។ សូម​ភ្ជាប់​គណនី​ឈ្មោះ​ Lyheng Smile,Heng Smile​ និង​ផលិត​ផល​គ្រឿង​សម្អាង​គ្មាន​លេខ​ប្រវេទន៍​ទាំង​៥មុខ៕

#