ក្រុមចោរប្លន់​ប្រដាប់​ដោយ​អាវុធ ប្រើ​បុ័ងតោ​កាប់​ប្លន់ នៅ​មណ្ឌលគិរី​

907

(​មណ្ឌលគិរី​) ៖ ជនរងគ្រោះ​ម្នាក់​បាន​រង​នូវ​ការកាប់ ជាច្រើន​កាំបិត​បុ័ងតោ គ្រា​ដែល​ព្យាយាម​ប្រតាយប្រតប់​ជាមួយ​ក្រុមចោរ ដែល​ចូល​ប្លន់​ក្នុងផ្ទះ​ខ្លួន​។ ហេតុ​ការ​ប្លន់​ដ៏​សាហាវ​នោះ បាន​កើតឡើង​ក្នុង​ក្រុម​ពូរ​ឡា ស្ថិតក្នុង​ភូមិ​ពូ​ហ្យា​ម ឃុំ​មនោ​រម្យ ស្រុក​អូររាំង ខេត្តមណ្ឌលគិរី​នៅវេលា​អា​ធ្រា​តុ​ឈានចូល​ថ្ងៃទី​១៣​ខែវិច្ឆិកា​ឆ្នាំ​២០១៧​។​

​ក្រោយ​កើតហេតុ​នគរបាល និង​សមត្ថកិច្ច​នានា ក្នុងស្រុក​អូររាំង​ព្រមទាំង​ខេត្តមណ្ឌលគិរី កំពុង​ដុតដៃដុតជើង ស៊ើបអង្កេត​ក្នុងករណីនេះ​។

​តាម​ការ​ឱ្យដឹងពី​នគ​បាល​បាន​ប្រាប់ថា ពិតជា​មាន​ករណី​ប្លន់​នៅ​ចំណុច​ខាងលើ​មែន ដោយ​ក្រុមចោរ​ប្រដាប់​ដោយ​អាវុធ​AK47 បាន​ភ្ជង់​និង​ប្រើ​កាំបិត​បុ័ងតោ កាប់​ទៅលើ​ជនរងគ្រោះ​ជាច្រើន​កាំបិត និង​បាន​ប្រមូលយក​ទ្រព្យសម្បត្តិ មាន​លុយ​ខ្មែរ​៣៥​ម៉ឺន​រៀល លុយ​ដុល្លា​៣០០​ដុល្លារ​។

​សមត្ថកិច្ច​បន្តថា ក្រោយពេល​ប្រមូលបាន​ទ្រព្យសម្បត្តិ​ហើយ​នោះ ជនរងគ្រោះ​បាន​ព្យាយាម​ប្រតាយប្រតប់​ជាមួយ​ក្រុមចោរ និង​បាន​ដណ្តើមយក​កាំភ្លើង​មួយ​ដើម​គ្មាន​គ្រាប់​ទុកឱ្យ​សមត្ថកិច្ច​ផងដែរ​។​

​ជនរងគ្រោះ​ក្នុង​អំពើ​ប្លន់​ជា​ស្ត្រី​មានឈ្មោះ​ធិ​ន ម៉ី អាយុ​២៩​ឆ្នាំ មាន​ទីលំនៅ​ចំនុច​ខាងលើ​។ ជនរងគ្រោះ​អះអាងថា ស្គាល់​ក្រុមចោរ​នោះ​ថា មាន​ម្នាក់​ជា​មនុ​ស្សគរ មានឈ្មោះ ព្យុ​ល តុលា ហៅ​គរ និង​បាន​រត់គេចខ្លួន​ក្រោយ​របូត​កាំភ្លើង​ពី​ដៃ​។​

​អធិការ​ស្រុក​អូររាំង លោក ប៊ូ ប៊ុន​ឈា​ត ប្រាប់​ដែរ​ថា កំពុង​ស្ទាក់ចាប់​ក្រុមចោរ តាម​ចំណុចៗ​ក្នុង​មូលដ្ឋាន​៕L ដោយ​៖​ សាត​ចាន់​បុត្រ​