ក្រុមហ៊ុន​ផលិត​រថយន្ត​ជាតិ​ម៉ាឡេស៊ី​ចាប់ផ្តើម​ដាក់លក់​រថយន្ត​ប្រភេទ SUV លើកដំបូង​

677
ចែករម្លែក
  • 99
    Shares

​ក្រុមហ៊ុន​ផលិត​រថយន្ត​ជាតិ​ម៉ាឡេស៊ី Proton និង​ក្រុមហ៊ុន Geely របស់​ចិន​បានបង្ហាញ​ផលិតផល​ពាណិជ្ជកម្ម​រួមគ្នា​លើកដំបូង​របស់ខ្លួន​កាលពី​ថ្ងៃ​ពុធ​ទី​១២​ធ្នូ​ជាមួយនឹង​ការ​ដាក់លក់​រថយន្ត​ប្រភេទ SUV ម៉ាក X70​។​

​រថយន្ត X70 គឺជា​រថយន្ត​ប្រភេទ SUV ដែល​គេ​ទន្ទឹងរង់ចាំ​បំផុត​នៅក្នុង​ប្រវត្តិសាស្ត្រ​រថយន្ត​របស់​ប្រទេស​ម៉ាឡេស៊ី​ជាមួយនឹង​ការ​កក់​ទុក​មុន​ជាង ១០.០០០ គ្រឿង​ធ្វើឡើង​មុនពេល​ដាក់លក់​ជា​ផ្លូវការ​ទៅទៀត​។​

​រថយន្ត​នេះ​គឺជា​ផលិតផល​រួមគ្នា​ដំបូង​គេ​ចាប់តាំងពី​ក្រុមហ៊ុន Geely បាន​ទិញ​ភាគហ៊ុន ៤៩,៩ ភាគរយ​នៃ​ក្រុមហ៊ុន Proton ពី​ក្រុមហ៊ុន​ពហុ​ផលិត DRB-HICOM ដែលជា​ក្រុមហ៊ុន​ឈានមុខ​គេ​របស់​ម៉ាឡេស៊ី ដែលមាន​ភាគហ៊ុន ១០០ ភាគរយ​លើ​ក្រុមហ៊ុន Proton កាលពី​ឆ្នាំមុន​។​

រថយន្ត​ជាតិ​ម៉ាឡេស៊ី X70 ចាប់ផ្តើម​ដាក់លក់​ហើយ
រថយន្ត​ជាតិ​ម៉ាឡេស៊ី X70 ចាប់ផ្តើម​ដាក់លក់​ហើយ

​នាយករដ្ឋមន្ត្រី​ម៉ាឡេស៊ី​លោក មហា​ធៀ មហាម៉ាត់ ដែលជា​ភ្ញៀវកិត្តិយស​ក្នុង​ពិធី​សម្ពោធ​ដាក់លក់​នោះ បាន​និយាយថា រថយន្ត​នេះ​តំណាងឱ្យ​ការ​លោត​ផ្លោះ​នៃ​បច្ចេកវិជ្ជា​សម្រាប់​ក្រុមហ៊ុន​ផលិត​រថយន្ត​ជាតិ​។​

​លោក​មហា​ធៀ​បាន​និយាយថា “​បច្ចេកវិជ្ជា​នេះ​គឺ​អស្ចារ្យ​ណាស់​។ អ្វីៗ​ទាំងអស់​ដែល​ខ្ញុំ​មិន​ធ្លាប់​គិតថា​អាចធ្វើ​ទៅរួច​កាលពីមុន ឥឡូវនេះ​គឺជា​រឿង​ធម្មតា​។ នៅពេល​យើង​ណែនាំ​រថយន្ត Proton លើកដំបូង​ហើយ​ប្រៀបធៀប​ជាមួយ​អ្វីដែល​យើង​មាន​ឥឡូវនេះ វា​ហាក់ដូចជា​រទេះគោ​មួយ​យ៉ាង​អ៊ីចឹង​ធៀប​ទៅនឹង​រថយន្ត​ចុងក្រោយ​បំផុត​នេះ​”៕ ដោយ៖ កញ្ញាដាលីស