ក្រុមហ៊ុន​អាកាសចរណ៍​វៀតណាម VietJet ការពារ​យុទ្ធនាការ​ឃោ​នា “​អ្នកបម្រើ​លើ​យន្តហោះ​ដ៏​សិច​ស៊ី​”

459

​ប្រក្រតិទិន​ឆ្នាំ ២០១៨ របស់​ក្រុមហ៊ុន​អាកាសចរណ៍​វៀតណាម VietJet ដែល​បានធ្វើការ​ឃោ​នា​លើ​អ៊ី​ន​ធឺ​ណេ​ត បានធ្វើឱ្យ​មានការ​ភ្ញាក់ផ្អើល​នៅ​អាស៊ីអាគ្នេយ៍ ហើយ​ត្រូវបាន​រិះគន់​ចំពោះ​ការបង្ហាញ​រូបភាព​នៃ​អ្នកបម្រើ​លើ​យន្ត​ហោះ​ដ៏​សិច​ស៊ី​ស្រើបស្រាល​ពេក ។

​ទោះជា​យ៉ាងណាក៏ដោយ ក្រុមហ៊ុន​អាកាសចរណ៍​នេះ​មិន​ចង់​បោះបង់ចោល​របៀប​ឃោសនា​បែបនេះ​ទេ​។​
​ក្រុមហ៊ុន​អាកាសចរណ៍ VietJet បាន​ការពារ​ប្រក្រតិទិន​ឆ្នាំ ២០១៨ របស់ខ្លួន ដែលមាន​លក្ខណៈពិសេស​ជាមួយនឹង​ស្រី្ត​ស្លៀកពាក់​ឈុត​ខ្លី​ប៊ី​គី​នី ដោយ​ស្ថិតនៅ​ជុំវិញ​យន្តហោះ​របស់​ក្រុមហ៊ុន​។​

​វា​ត្រូវបាន​ចេញផ្សាយ​ចំពេល​មានការ​ជជែក​វែកញែក​ច្រើនឡើង​ជុំវិញ​ការ​យារ​យី​ផ្លូវភេទ​ទៅលើ​ទាំង អ្នកដំណើរ​និង​បុគ្គលិក លើ​យន្តហោះ​។​

​ពួក​អ្នក​រិះគន់​បាន​និយាយថា ការធ្វើ​ទីផ្សារ​របស់​ក្រុមហ៊ុន VietJet ដោយ​រួមទាំង​ប្រក្រតិទិន​និង​ម៉ូត​ឈុត​ខ្លី​ប៊ី​គី​នី ដែល​បង្ហាញ​នៅលើ​យន្តហោះ​នោះ គឺជា​ការបង្ហាញ​ភាព​សិច​ស៊ី​នៃ​សមាជិក​ក្រុម​អាកាសយានិក​។​

​ក្រុមហ៊ុន VietJet បាន​បង្ហោះ​វីដេអូ​អំពី​យុទ្ធនាការ​ឃោ​នា “​អ្នកបម្រើ​លើ​យន្តហោះ​ដ៏​សិច​ស៊ី​” ដ៏​ចម្រូង​សម្រាស់​នេះ នៅលើ YouTube កាលពី​ចុងខែ​មុន​។

​កាលពី​ថ្ងៃ​ព្រ​ស្ប​តិ៍ ទី​២៨​ធ្នូ ក្រុមហ៊ុន​VietJet បាន​និយាយថា ខ្លួន​នៅតែ​គាំទ្រ​យុទ្ធនាការ​ឃោ​នា​បែបនេះ​។​

​លោកស្រី ង្វៀន ធី ភួង ថាវ (Nguyen Thi Phuong Thao) មហាសេដ្ឋី​ទីមួយ​របស់​វៀតណាម ដែល​បាន​បង្កើត​ក្រុម​ហ៊ុ ន​VietJet នេះ បាន​និយាយថា ប្រក្រតិទិន​នេះ អាច​បង្ហាញ​បាន​ថា​មនុស្ស​គ្រប់គ្នា​មាន​សេរីភាព ដោយ​អាច​សៀក​ពាក់​អ្វី ដែល​ពួកគេ​ចង់​៕ ដោយ៖ សុខា

​ប្រក្រតិទិន​ឆ្នាំ​២០១៨​របស់​ក្រុមហ៊ុន​អាកាសចរណ៍​វៀតណាម​VietJet