ក្រុមហ៊ុន LG បង្ហាញ​ម៉ាស៊ីនត្រជាក់​បំពាក់​បច្ចេក​វិជ្ជា AI ចេះ​និយាយ​

776
ចែករម្លែក

​ក្រុមហ៊ុន LG Electronics Inc. បានបង្ហាញ​ម៉ាស៊ីនត្រជាក់​ប្រភេទ​ប្រណីត​ឈ្មោះ Whisen ThinQ ស៊េរី​ឆ្នាំ ២០១៩ ដែល​សិក្សា​អំពី​បរិយាកាស​ជុំវិញ​ដើម្បី​ផ្តល់នូវ​សីតុណ្ហភាព​ល្អ​បំផុត​និង​ជូនដំណឹង​ដល់​អ្នកប្រើប្រាស់​របស់ខ្លួន​អំពី​គុណភាព​ខ្យល់​នៅក្នុង​ប្រទេស​កូរ៉េ​កាលពី​ថ្ងៃ​ព្រហស្បតិ៍​ទី​១៧​មករា​។​

​យោងតាម​ក្រុមហ៊ុន​កាលពី​ថ្ងៃ​ពុធ​សប្តាហ៍​មុន​បានឱ្យដឹងថា ម៉ាស៊ីនត្រជាក់ LG Whisen ThinQ 2019 គឺជា​កំណែ​ថ្មី​នៃ​បច្ចេកវិជ្ជា AI ដែល​អាច​និយាយប្រាប់​អ្នក​ប្រើ​ថា​តើ​គុណភាព​ខ្យល់​នៅ​ខាងក្រៅ​ល្អ​ដើម្បី​បើក​បង្អួច​ឬ​អត់ និង​ផ្តល់​ការណែនាំ​អំពី​ការប្តូរ​តម្រង​របស់​ម៉ាស៊ីនត្រជាក់​។​

​ម៉ាស៊ីនត្រជាក់ LG Whisen ThinQ អាច​បញ្ជា​បាន​ដោយ​ប្រើ​សំឡេង​បាន​ផងដែរ​។ ឧទាហរណ៍​ជាក់ស្តែង អ្នក​ប្រើ​អាច​បញ្ជា​ម៉ាស៊ីនត្រជាក់​ឱ្យ​បន្ថយ​សីតុណ្ហភាព​ដោយ​មិនចាំបាច់​ដើររក​តេ​ឡេ​។ ក្រុមហ៊ុន​នេះ​បានឱ្យដឹងថា​ខ្លួន​បាន​បន្ថែម​មុខងារ​បញ្ជា​ដោយ​សំឡេង​សម្រាប់​ម៉ាស៊ីនត្រជាក់​ភ្ជាប់​លើ​ជញ្ជាំង​ហើយ​។ កាលពីមុន បច្ចេកវិជ្ជា​នេះ​អាច​រកបាន​នៅក្នុង​ម៉ាស៊ីនត្រជាក់​បញ្ឈរ​លើ​ឥដ្ឋ​តែប៉ុណ្ណោះ​៕ ដោយ៖ កញ្ញាដាលីស

ម៉ាស៊ីនត្រជាក់ LG Whisen ThinQ 2019