ក្លិប បា​សេ​ឡូ​ណា ឈ្នះ​ការ​ប្រជែង​ពី​ក្លិប​ធំៗ​នៅ​អឺរ៉ុប ក្នុង​ការផ្ទេរ​ខ្សែប្រយុទ្ធ​ឆ្នើម លូ​កា ចូ​វី​ច​

396
ចែករម្លែក

​ក្លិប បា​សេ​ឡូ​ណា​(Barcelona) បាន​យកឈ្នះ​ការប្រកួតប្រជែង​ពី​ក្លិប​ធំៗ​ផ្សេងទៀត ដើម្បី​សម្រេច​កិច្ចព្រមព្រៀង​ជាមួយ​ក្លិប Eintracht Frankfurt ក្នុង​ការផ្ទេរ​ខ្សែប្រយុទ្ធ លូ​កា ចូ​វី​ច (Luka Jovic) របស់​ស៊ែ​ប​។​
​ ​
​កីឡាករ​វ័យ​២១​ឆ្នាំ​រូបនេះ ដែល​រកបាន​១៩​គ្រាប់​សម្រាប់​ក្លិប​នៅ​ក្របខណ្ឌ Bundesliga នៅ​រដូវ​កាល​នេះ អំឡុងពេល​ខ្ចី​ជើង​ពី​ក្លិប បេន​ហ្វី​កា​(Benfica) នឹង​ផ្ទេរ​មកកាន់​ពហុ​កីឡដ្ឋាន Nou Camp នៅ​រដូវក្តៅ​នេះ​។​
​ ​
​ក្លិប Barcelona ប្រឈម​នឹង​ការប្រកួតប្រជែង​ពី​ក្លឹប​ធំៗ​មួយចំនួន​នៅ​តំបន់​អឺរ៉ុប​រួមទាំង​គូប្រជែង Real Madrid ដើម្បី​ផ្ទេរ​ខ្សែប្រយុទ្ធ​ឆ្នើម​រូបនេះ​។​

​ក្លិប Barcelona បាន​ព្រមព្រៀង​ជាមួយ ចូ​វី​ច និង​តំណាង​របស់​កីឡាករ​រូបនេះ​រួចហើយ​។ ចំណែក​ក្លិប Eintracht បាន​ខ្ចី​ជើង​កីឡាករ ចូ​វី​ច ពី​ក្លិប Benfica ហើយ​ការចរចា​ផ្ទេរ​នឹងត្រូវ​ធ្វើ ជាមួយ​ក្លឹប​អាល្លឺម៉ង់​នេះ ដោយសារ​ពួកគេ​មាន​ជម្រើស​ចុះ​កិច្ចព្រមព្រៀង​ផ្ទេរ​ជា​អចិន្ត្រៃយ៍​។ ចូ​វី​ច រកបាន​១៤​គ្រាប់​នៅ​ក្របខណ្ឌ Bundesliga និង​រកបាន​៥​គ្រាប់​ផ្សេងទៀត​នៅ​ក្របខណ្ឌ UEFA Europa League ៕ ប្រែ​សម្រួល​: ពិសិដ្ឋ​

​ខ្សែប្រយុទ្ធ លូ​កា ចូ​វី​ច (Luka Jovic)