ក្លិប វេស​ហេម នឹង​ពិចារណា​តែងតាំង​លោក រ៉ា​ហ្វា​អែល បេ​នី​តេស​ប្រសិនបើ​ពួកគេ​សម្រេចចិត្ត បណ្តេញ​លោក ម៉ា​ញូ​អែល ប៉េ​ល​ឡេ​ហ្គ្រី​នី​

169
ចែករម្លែក

​ក្លិប វេស ហេម​(West Ham )​នឹង​ពិចារណា​តែងតាំង​លោក រ៉ា​ហ្វា​អែល បេ​នី​តេស (Rafael Benitez) ប្រសិនបើ​ពួកគេ​សម្រេចចិត្ត​បណ្តេញ​លោក ម៉ា​ញូ​អែល ប៉េ​ល​ឡេ​ហ្គ្រី​នី (Manuel Pellegrini) ។​
​ ​
​អនាគត​របស់លោក ប៉េ​ល​ឡេ​ហ្គ្រី​នី ជាមួយ​ក្លិប West Ham នៅ​មិន​ច្បាស់លាស់ ស្របពេល បច្ចុប្បន្ន​ក្លិប​នេះ​ធ្លាក់​មក​លេខ​រៀង​ទី​១៦​នៅលើ​តារាង​ក្របខ័ណ្ឌ​ព្រី​មី​ញ៉េ​លី​ក​បន្ទាប់ពី​លេង​៦ ប្រកួត​មិនដែល​ឈ្នះ​។​
​ ​
លោក បេ​នី​តេស ជិត​ត្រូវ​បានប្រកាស​តែងតាំង​ជា​អ្នកចាត់ការ​ក្លិប West Ham កាលពី​ឆ្នាំ​២០១៥ ហើយ​លោក​នឹង​នាំមុខ​បេក្ខភាព​ដែល​ត្រូវ​ទទួល​តំណែង​ទំនេរ​ណាមួយ​។​
​ ​
​បច្ចុប្បន្ន លោក បេ​នី​តេស កំពុង​ដឹកនាំ​ក្រុម​ចិន Dalian Yifang ដែល​មកដល់ពេលនេះ លោក​ដឹក នាំយក​ឈ្នះ​៦​ប្រកួត​ក្នុងចំណោម​១៤​ប្រកួត​មកដល់ពេលនេះ​។​
​ ​
គ្រូបង្វឹក​វ័យ​៥៩​ឆ្នាំ​រូបនេះ​មាន​បទពិសោធ​ច្រើន​នៅ​ក្របខ័ណ្ឌ​ព្រី​មី​ញ៉េ​លី​ក ដោយ​លោក​ធ្លាប់ ដឹកនាំ​ក្លិប Newcastle Chelsea និង Liverpool ទទួលបាន​ការចាប់អារម្មណ៍​ច្រើន​ពី​ក្លិប West Ham ៕ ប្រែ​សម្រួល​: ពិសិដ្ឋ​

លោក រ៉ា​ហ្វា​អែល បេ​នី​តេស (Rafael Benitez)