គូស្នេហ៍ K-pop ប្រសូត​បាន​មួយគូ​ទៀតហើយ ខណៈ​នាង​ស៊ូ​ហ្ស៊ី​មាន​ស្នេហា​ជាមួយ​តារា​សម្តែង​ក្នុង​រឿង Goblin លោក​លី ដុង​វុ​គ​

1580
ចែករម្លែក

​ទើបតែ​ប៉ុន្មាន​ថ្ងៃ​ប៉ុណ្ណោះ បន្ទាប់ពី​នាង​ផាក ស៊ីន​ហេ និង លោក ឆ​យ តែ​ជុន ប្រកា​សមាន​ទំនាក់ទំនង​ស្នេហា​នឹង​គ្នា ឥឡូវ​មានការ​ប្រកាស​មួយទៀត​ហើយ គឺ តារា​សម្តែង នាង បិ ស៊ូ​ហ្ស៊ី និង តារា​សម្តែង លី ដុង​វុ​គ កំពុងមាន​ទំនាក់ទំនង​ស្នេហា​ដែរ​។

​តាម​សេចក្តីរាយការណ៍ គេ​ប្រទះឃើញ​អ្នក​ទាំង​២​កំពុង​ណាត់​ជួបគ្នា​នៅ​សង្កាត់​ចឹ​ង​ដាំ ជា​កន្លែង​ដូចគ្នា​តែមួយ ដែល​នាង​ផាក​ស៊ីន​ហេ និង លោក​តែ​ជុន ណាត់ជួប​គ្នា​។

​តាម​ដឹង តារា​ទាំង​២​ដួង​បាន​ណាត់គ្នា​នៅ​កន្លែង​ជួបជុំ​ជា​លក្ខណៈ​ឯកជន​មួយ ហើយ​បាន​បង្កើត​ទំនាក់ទំនង​ស្នេហា​ក្នុងនាម​ជាតា​រា​សម្តែង​ជើងចាស់​និង​ជើង​ថ្មី​រហូតដល់​មាន​ទំនាក់ទំនង​ពិសេស​ផ្សេងទៀត​ជាច្រើន​។

​អ្វីដែល​គួរឱ្យ​ចាប់អារម្មណ៍​គឺថា នាង​ស៊ូ​ហ្ស៊ី​ធ្លាប់​និយាយ​ចំឈ្មោះ​តារា​សម្តែង​ក្នុង​រឿង Goblin រូបនេះ​ថា ជា​ប្រភេទ “​បុរស​នាង​ពេញចិត្ត​” ក្នុង​កម្មវិធី Strong Heart ដែលមាន​លោក​ដុង​វុ​គ​ផ្ទាល់​ធ្វើជា​ពិធីករ​។

​ផលិតកម្ម King Kong ក្រោម​ចំណុះ​របស់ Starship និង​ផលិតកម្ម JYP Entertainmen របស់​តារា​ទាំង​២ បានបញ្ជាក់​អំពី​ទំនាក់ទំនង​ស្នេហា​នេះ ប៉ុន្តែ​អះអាងថា អ្នក​ទាំង​២​កំពុងស្ថិត​ក្នុងដំណាក់កាល​ដំបូង​ក្នុង​ការបង្កើន​ការយល់​ចិត្ត​គ្នា​ប៉ុណ្ណោះ​។

​តារា​ប្រុស​អាយុ ៣៦ ឆ្នាំ លី ដុង​វុ​គ មាន​អាយុ​បង​នាង​ស៊ូ​ហ្ស៊ី​ដល់​ទៅ ១៣ ឆ្នាំ​៕ ដោយ៖ កញ្ញាដាលីស

នាង​ស៊ូ​ហ្ស៊ី និង លោក​ដុង​វុ​គ កំពុងមាន​ស្នេហា​នឹង​គ្នា