គ្រោះថ្នាក់​ចរាចរណ៍​ថ្ងៃទី​១៩​ខែមិថុនា​ស្លាប់​៥​នាក់​និង​របួស​១០​នាក់​

503
ចែករម្លែក

ដោយៈ​សាវ​រក្ស​/​ភ្នំពេញៈ​តាម​របាយការណ៍​ពី​នាយកដ្ឋាន​នគរ​បាលច​រា​ចរណ៍​និង​សណ្ដាប់ធ្នាប់​សាធារណៈ​នៃ​អគ្គស្នងការដ្ឋាន​នគរ​បាល​ជាតិ​បានឱ្យដឹងថា​គិតពី​ម៉ោង​២​ថ្ងៃទី​១៧​ដល់​ម៉ោង​២​ថ្ងៃទី​១៩​ខែមិថុនា​ឆ្នាំ​២០១៩​បាន​បង្កឱ្យមាន​មនុស្ស​ស្លាប់​៥​នាក់​និង​បាន​បង្កឱ្យមាន​អ្នករងរបួស​ធ្ងន់​-​ស្រាល​១០​នាក់​។

​មូល​ហេតុដែល​បណ្តាលឱ្យ​កើតមាន​ហេតុការណ៍​គ្រោះថ្នាក់​ចរាចរណ៍​គឺ​បណ្តាលមកពី​បើកបរ​លើស​ល្បឿន​កំណត់​,​មិន​គោរព​សិទ្ធ​បត់​មិន​ប្រកាន់​ស្តាំ​ជាដើម​។​នៅក្នុង​ករណី​គ្រោះថ្នាក់​ចរាចរណ៍​ខាងលើនេះ​បង្កឱ្យមាន​ការខូចខាត​យានយន្ត​សរុប​ជាច្រើន​គ្រឿង​ក្នុងនោះ​មាន​ម៉ូតូ​,​រថយន្ត​តូ​-​ធំ​និង​យាន​ផ្សេងៗ​ជាច្រើន​គ្រឿង​ទៀត ។

​ទិន្នន័យ​គ្រោះថ្នាក់ ចរាចរណ៍ ផ្លូវគោក ទូទាំងប្រទេស ថ្ងៃនេះ បាន​បញ្ជាក់ថា​គ្រោះថ្នាក់​ដែល​បង្កឱ្យមាន មនុស្ស ស្លាប់ និង​របួស​សរុប​ចំនួន​១៥​នាក់​នៅ​ថ្ងៃទី​១៩​ខែមិថុនា​នេះ​គឺ​កើតឡើង​ដោយសារ​ហេតុការណ៍ ប៉ះទង្គិច ចំនួន ១១ លើក ។

សូមជម្រាបថា ក្នុង រយៈពេល ១៩ ថ្ងៃ នៃ ខែមិថុនា នេះ គ្រោះថ្នាក់ ចរាចរណ៍ បានសម្លាប់​មនុស្ស​សរុប ១០១ នាក់ បង្ក របួសធ្ងន់ – ស្រាល ចំនួន ៣២៧ នាក់ ក្នុង ហេតុការណ៍ កើតឡើង ២១៦ លើក​៕S/​