គ្រោះថ្នាក់​ចរាចរ​ថ្ងៃទី​១១​មករា មាន​មនុស្ស​ស្លាប់​៤​នាក់ និង​របួស​១១​នាក់​

497
ចែករម្លែក

ដោយ​: សាវ​រក្ស / ភ្នំពេញ​: គ្រោះថ្នាក់​ចរាចរណ៍​គិតពី​ម៉ោង​២​ថ្ងៃទី​១០​ដល់​ម៉ោង​២​ថ្ងៃទី​១១ ខែមករា ឆ្នាំ​២០១៩ បាន​បង្ក​ឲ្យ​មាន​មនុស្ស​ស្លាប់​៤​នាក់ និង​បាន​បង្ក​ឲ្យ​មាន​អ្នករងរបួស​ធ្ងន់​-​ស្រាល ចំនួន ១១​នាក់​(​ស្រី​៣​នាក់​) ។​

​ទិន្នន័យ​គ្រោះថ្នាក់​ចរាចរណ៍​ផ្លូវគោក​ទូទាំងប្រទេស​ថ្ងៃនេះ បាន​បញ្ជាក់ថា គ្រោះថ្នាក់​ដែល​បង្ក​ឲ្យ​មាន​មនុស្ស​ស្លាប់ និង​របួស​សរុប ចំនួន​១៥​នាក់ នៅ​ថ្ងៃទី​១១ ខែមករា គឺ​កើតឡើង ដោយសារ​ហេតុការណ៍​ប៉ះទង្គិច ចំនួន ១០​លើក​។​

​សូមជម្រាបថា ក្នុង​រយៈពេល​១១​ថ្ងៃ​នៃ​ខែមករា​នេះ គ្រោះថ្នាក់​ចរាចរណ៍​បានសម្លាប់​មនុស្ស​សរុប​៤៧​នាក់ បង្ក​របួសធ្ងន់​ស្រាល ចំនួន ២៣១​នាក់ ក្នុង​ហេតុការណ៍​កើតឡើង​១១៩​លើក​៕ ល​