ឃុំខ្លួន​ម្ចាស់​គ្រឿងចក្រ ក្រោយ​បញ្ឈប់​ការជីក​ដីភ្នំ​ខុស​ទីតាំងនៅ​ឃុំ​ភ្នំ​លៀប​

623
ចែករម្លែក

ដោយ​: ប​.​ជ័យ / បន្ទាយមានជ័យ​: ឃុំខ្លួន​ម្ចាស់​គ្រឿងចក្រ ក្រោយ​ប​ញ្ឍ​ប់​ការជីក​ដីភ្នំ​ខុស​ទីតាំងនៅ​ឃុំ​ភ្នំ​លៀប​។​

​សូម​រំលឹកថា នៅ​ព្រឹក ថ្ងៃទី​៨ ខែ​វិ​ចិ្ឆ​កា ឆ្នាំ​២០១៨ វរសេនីយ៍ត្រី ស៊ិន រ៉ាស៊ី មេបញ្ជាការ​មូលដ្ឋាន​ក​ង​រាជ​អាវុធហត្ថ​ស្រុក​ព្រះនេត្រព្រះ បាន​ដឹកនាំ​កម្លាំង​មូលដ្ឋាន​កងរាជអាវុធហត្ថ​ស្រុក​ព្រះនេត្រព្រះ ១​ក្រុម បាន​ចុះ​ធ្វើការ​ហាមឃាត់ និង​បញ្ឈប់​ការជីក​កកាយ​ដីភ្នំ​ដោយ​ខុសច្បាប់ នៅ​ចំណុច​ភ្នំ​ទ្រ​យោង ស្ថិតនៅ​ភូមិ​ទ្រ​យោង ឃុំ​ភ្នំ​លៀប ស្រុក​ព្រះនេត្រព្រះ ខេត្តបន្ទាយមានជ័យ​។​

​លោក​បាន​បន្តថា កម្លាំង​បាន​ឃាត់ខ្លួន​ជន​ពាក់ព័ន្ធ ចំនួន​១​នាក់​មានឈ្មោះ សឿ​ម សំបូរ ភេទ​ប្រុស អាយុ​៣៣​ឆ្នាំ រស់នៅ​ភូមិ​-​ឃុំ​ខាងលើ ជា​ឈ្មួញ​លួច​កាយ​ដីភ្នំ​ខុស​ទីតាំង​ដែល​មន្ទីរ​រ៉ែ និង​ថាមពល​ខេត្ត និង​អាជ្ញាធរ​បានអនុញ្ញាត​។​

​សមត្ថកិច្ច​បាន​ដកហូត​វត្ថុតាង​រួមមាន អេស្កាវ៉ាទ័រ ចំនួន ១​គ្រឿង​។ រីឯ​ម្ចាស់​អេស្កាវ៉ាទ័រ ដែល​បាន​បង្កហេតុ​ធ្វើ​ឲ្យ​អ្នកបើករថយន្ត​ដឹក​ដី​ម្នាក់​ស្លាប់ នៅ​ការដ្ឋាន​រយៈពេល​កន្លងមក​។​

​សូម​រំលឹកថា កាលពី​រសៀល​ថ្ងៃទី​៤ ខែ វិច្ឆិកា​ឆ្នាំ​២០១៨ កន្លងមក​នៅ​ភូមិ​ទ្រ​យោង ឃុំ​ភ្នំ​លៀប ស្រុក​ព្រះនេត្រព្រះ ខេត្តបន្ទាយមានជ័យ រថយន្ត​បែន​ដឹក​ដី​ម៉ាក​ហ៊ី​ណូ​១​គ្រឿង ពាក់​ស្លាក​លេខ​បាត់ដំបង ៣A ១១០៧ ដែល​បើកបរ​ដោយ​ជនរងគ្រោះ​ឈ្មោះ​ឃិ​ញ ស៊ី ភេទ​ប្រុស​អាយុ​២២​ឆ្នាំ បាន​រអិល​ធ្លាក់​ពី​ជម្រាល​ចង្កេះភ្នំ​លៀប​បង្ក​អោយ​ខូច​ខ្ទេច​រថយន្ត​និង​ស្លាប់​តៃកុង​នេះ​។​

​លោក​ឧ​ត្ត​ម​សេនីយ៍​ត្រី បោ​ន ប៊ិន មេបញ្ជាការ​កងរាជអាវុធហត្ថ​ខេត្ត បន្ទាយមានជ័យ​បាន​ឲ្យ​ដឹងថា​ដោយ​អនុវត្តតាម​បទបញ្ជា​របស់លោក​នាយ​ឧ​ត្ត​ម​សេនីយ៍ សៅ សុខា អគ្គ​មេបញ្ជាការរង នៃ​កងយោធពល​ខេមរភូមិន្ទ និង​មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស លោកនាយ​ឧ​ត្ត​ម​សេនីយ៍ សៅ សុខា បាន​ឲ្យ​កំលាំង​អាវុធហត្ថ​ទូទាំងប្រទេស​ត្រូវ​ចុះបង្ក្រាប បទល្មើស​ធនធានធម្មជាតិ​៕ ល​