ចាប់​ចិន​២​នាក់​ពីបទ​បង្ខាំង​មនុស្ស​ជំរឹត​ទារប្រាក់​និង​រំដោះ​ជនរងគ្រោះ​៤​នាក់​

214
ចែករម្លែក

ដោយ​៖​វណ្ណៈ​/​ព្រះសីហនុ​៖​កងរាជអាវុធហត្ថ​ខេត្ត​សហការ​ជាមួយ​កងទ័ព​តំបន់សឹករង​ខេត្ត​និង​មានការ​សម្របសម្រួល​ផ្លូវច្បាប់​ដោយ​លោក​លឹម​ប៊ុនហេង​ព្រះរាជ​អ​ជ្ញា​រង​អម​សាលាដំបូង​ខេត្ត​ព្រះសីហនុ​។​កាលពី​នៅ​ព្រឹក​ថ្ងៃ​១៣​វិច្ឆិកា​២០១៩​កម្លាំង​បាន​ចុះ​អន្តរាគមន៍​បង្ក្រាប​ជន​ជាតិចិន​មួយក្រុម​ដែល​ចាប់​ជន​ជាតិចិន​ដូចគ្នា​បង្ខាំង​ទុក​និង​ធ្វើ​ទារុណកម្ម​ជំរឹត​ទារប្រាក់​។​សកម្មភាព នៅផ្ទះ​មួយកន្លែង ក្នុង​ក្រុម​២២ ភូមិ​១ សង្កាត់​១ ក្រុងព្រះសីហនុ ម្តុំ​មុខ​ពន្ធ​ធនាគារ​ខេត្ត ផ្លូវ​ចូល​ក្បាលឆាយ ក្រុងព្រះសីហនុ​។

​លោក​ឧ​ត្ត​ម​សេនីយ៍​ត្រី​ហេង​ប៊ុន​ទី​បានឱ្យដឹងថា​ប្រតិបត្តិការ​នេះ​សមត្ថកិច្ច​ឃាត់ខ្លួន​ជន​ស​ង្ស​យ័​ចំនួន​២​នាក់​គឺ ១-​ឈ្មោះ wang XueRan ភេទ​ប្រុស ជនជាតិ​ចិន​២-​ឈ្មោះ Wang Lang ភេទ​ប្រុស ជនជាតិ​ចិន​​។​ក្នុងនោះ​ជួយ​រំ​ដោះយក​ជនរងគ្រោះ​ចំនួន​៤​នាក់​ភេទ​ប្រុស​ដូចគ្នា បញ្ជូន​យកទៅ​សង្គ្រោះ​នៅ​មន្ទីរពេទ្យ ។​ក្នុងចំណោម​ជនរងគ្រោះ​សុទ្ធ​តែមាន​ស្នាមរបួស ដោយសារ​ការធ្វើ​ទារុណកម្ម​ពី​ក្រុម​ជន​ស​ង្ស​យ័​។

​ក្រៅពីនេះ​សមត្ថកិច្ច​ដកហូត​បាន​វត្ថុតាង​ពាក់ព័ន្ធ​មួយចំនួនទៀត​ដូចជា​ខ្នោះដៃ​ជាដើម​។​បច្ចុប្បន្ន​កម្លាំង​ជំនាញ​កំពុង​សាកសួរ​សាវតា​បន្ថែម ដើម្បី​អនុវត្តន៍ តាម នីតិវិធី​ផ្លូវច្បាប់​៕S/​