ចិន​អំពាវនាវ​អោយ​រដ្ឋាភិបាល​ក្រុង​វ៉ាស៊ីនតោន​បោះបង់​ផែនការ​យកពន្ធ​

910
ចែករម្លែក

​ក្រសួងពាណិជ្ជកម្ម​ចិន​កាលពី​ថ្ងៃ​ព្រហស្បតិ៍​ទី​២៩​មីនា​បាន​អំពាវនាវ​អោយ​រដ្ឋាភិបាល​ក្រុង​វ៉ាស៊ីនតោន​ទម្លាក់ចោល​ផែនការ​យកពន្ធ​ដាក់​​និង​បាន​ព្រមាន​ថា​វា​អាច​បង្ក​ប្រតិកម្ម​ជា​ស៊េរី និង​អាច​បង្ក​ជា​សង្គ្រាម​ពាណិជ្ជកម្ម​ពិភពលោក ហើយ​ថា​រដ្ឋាភិបាល​ក្រុង​ប៉េកាំង​នឹង​«​ប្រយុទ្ធ​ដល់ទី​បញ្ចប់​»​។​

​អ្នកនាំពាក្យ​លោក ហ្កា​វ ហ្វេ​ង មិនបាន​ផ្តល់​សេចក្តីលម្អិត​ថា​តើ​រដ្ឋាភិបាល​ក្រុង​ប៉េកាំង​នឹង​ឆ្លើយតប​យ៉ាងណា​នោះទេ​ចំពោះ​ការដំឡើង​​ពន្ធ​របស់​ប្រធានាធិបតី​ដូ​ណា​ល់ ត្រាំ លើ​ទំនិញ​ចិន​តំលៃ​៦០​ពាន់​លាន​ដុល្លារ​ក្នុង​ជម្លោះ​មួយ​អំពី​គោលនយោបាយ​បច្ចេកវិទ្យា​។​តែ​លោក​​ហ្កា​វ បានធ្វើ​ការព្រមាន​សាជាថ្មី​ថា​ចិន​នឹង​«​ចាត់វិធានការ​សមស្រប​ទាំងអស់​»​ដើម្បី​កា​ពារ​ផលប្រយោជន៍​ពាណិជ្ជកម្ម​របស់ខ្លួន​។​

​អ្នកនាំពាក្យ​រូបនេះ​ក៏បាន​និយាយថា​«​ផែនការ​របស់​ត្រាំ​ជាការ​រំលោភច្បាប់​របស់​អង្គការ​ពាណិជ្ជកម្ម​ពិភពលោក និង​អាច​បង្ក​ប្រតិកម្ម​​ជា​ស៊េរី​លើ​ការនាំ​ចូល​ពី​សំណាក់​រដ្ឋាភិបាល​ផ្សេងៗ​និង​ប៉ះពាល់​ដល់​កំណើនសេដ្ឋកិច្ច​ពិភពលោក​។​យើង​សង្ឃឹមថា​អាមេរិក​អាច​ទប់​​បង្ហៀរ​សេះ​របស់ខ្លួន​មុនពេល​វា​ធ្លាក់​ជ្រោះ បើ​មិន​ដូច​យើង​នឹង​ប្រយុទ្ធ​ដល់ទី​បញ្ចប់​»​។​

​លោក​ហ្កា​វ បាន​អះអាង​ទៀតថា រដ្ឋាភិបាល​ក្រុង​ប៉េកាំង​ប្រកាន់ខ្ជាប់​ច្បាប់​របស់​អង្គការ​ពាណិជ្ជកម្ម​ពិភពលោក ទោះជា​មានការ​តវ៉ា​ពី​​រដ្ឋាភិបាល​ក្រុង​វ៉ាស៊ីនតោន សហភាព​អឺរ៉ុប​និង​បណ្តា​ក្រុម​ធុរកិច្ច​បរទេស​ថា ចិន​រារាំង​ការចូល​ក្នុង​ទីផ្សារ​និង​ខា​ឃាំង​មិនអោយ​បណ្តា​ក្រុម​​ហ៊ុន​ក្នុងស្រុក​ក្នុងការ​ប្រកួតប្រជែង​។​

​កាលពី​ថ្ងៃ​សុក្រ​សប្តាហ៍​មុន ចិន​បាន​ឆ្លើយតប​ចំពោះ​ការដំឡើង​ពន្ធ​របស់​អាមេរិក​លើ​ដែក​និង​អាលុយមីញ៉ូម ដោយ​បញ្ចេញ​មុខទំនិញ​​អាមេរិក​តំលៃ​៣​ពាន់​លាន​ដុល្លារ​រួមមាន​សាច់ជ្រូក​និង​ដែក​បំពង់​សម្រាប់​ការ​វាយ​ពន្ធ​សងសឹក​៕ដោយ៖វាសនា

ហ្កា​វ​បាន​អះអាង​ជាថ្មី​ថា​ចិន​បើកចំហ​សម្រាប់​ការចរចា រក​ដំណោះស្រាយ​មួយ​ចំពោះ​ជម្លោះ​នេះ​