អាជ្ញាធរ​រាជធានី​ភ្នំពេញ និង​ក្រុមហ៊ុន ING បើក​លំហរ​ផ្លូវ ៦០​ម៉ែត្រ ត​ភ្ជាប់​មក​ផ្លូវ​២៧១ ឲ្យ​ធំ​ទូលាយ ដើម្បី​សម្រួល​ចរាចរ​ជូន​ពលរដ្ឋ​នៅ​ចុងឆ្នាំ​២០១៩

383
ចែករម្លែក
ចុងឆ្នាំ​នេះ​គ្រោង​បើក​លំហ​មហាវិថី​សម្ដេច​តេ​ជោ​ហ៊ុនសែន​ត​ភ្ជាប់​មក​ផ្លូវ​២៧១​ឱ្យ​ធំ​ទូលាយ​

ដោយៈ​រ៉ា​ម៉ន​/​ភ្នំពេញៈ អាជ្ញាធរ​រាជធានី​ភ្នំពេញ សហការ​ជាមួយ ក្រុមហ៊ុន ING Holdings Co., Ltd គ្រោង​នឹង​បើក​លំហរ​មហាវិថី​សម្ដេច​តេ​ជោ ហ៊ុន សែន (​ផ្លូវ​៦០​ម៉ែត្រ​) ត​ភ្ជាប់​មក​ផ្លូវ​២៧១ ដើម្បី​សម្រួល​ចរាចរ​ជូន​ប្រជាពលរដ្ឋ​នៅ​ចុងឆ្នាំ​២០១៩​នេះ ខណៈដែល​មហា​វិធី​នេះ​មាន​លក្ខណៈ​រួម​តូចចង្អៀត នៅ​ចំណុច​ត​ភ្ជាប់​នឹង​ផ្លូវ​២៧១ ក្នុងភូមិ​៧ សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ​។​

​ការបើក​លំហ​មហាវិថី​សម្ដេច​តេ​ជោ​ហ៊ុនសែន​ហៅ​ផ្លូវ​៦០ ម៉ែត្រ​ត​ភ្ជាប់​ជាមួយនឹង​ផ្លូវ​២៧១​នេះ ត្រូវបាន​ពន្យល់ថា ដើម្បី​សម្រួល​ចរាចរ​របស់​ប្រជាពលរដ្ឋ​ខណៈដែល​បច្ចុប្បន្ន​នៅ​ចំណុច​ផ្លូវ​ខាងលើនេះ​មាន​លក្ខណៈ​តូចចង្អៀត​ដោយសារ​តែមាន​ផលប៉ះពាល់​ជាមួយ​លំនៅ​លំនៅ​រដ្ឋា​ន​ប្រជាពលរដ្ឋ​មួយចំនួន​។​ប៉ុន្តែ​ទោះបី​យ៉ាងណាក្តី​ក្រោយពី​មានការ​ដោះស្រាយ​ផលប៉ះពាល់​នា​ប៉ុន្មាន​ឆ្នាំ​ចុង​ក្រោយនេះ​ក្រុមហ៊ុន​និង​អាជ្ញាធរ​រាជធានី​ភ្នំពេញ​អាច​នឹង​បើក​ការដ្ឋាន​ស្ថាបនា​ផ្លូវ​ខាងលើ​នៅ​ចុងឆ្នាំ​២០១៩​នេះ​។​ការដ្ឋាន​នេះ​អាច​បញ្ចប់​ក្នុង​រយៈពេល​បី​ខែ​។​ពោលគឺ​នៅ​ដើមឆ្នាំ​២០២០​នឹង​ដាក់ឱ្យ​ប្រជាពលរដ្ឋ​បានធ្វើ​ចរាចរ​។​

ដំណើរការនៃការដ្ឋានមុនឈានទៅបើកជាផ្លូវការ


ប្រជាពលរដ្ឋ​ដែល​ទទួលបាន​ការដោះស្រាយ​នៃ​ផលប៉ះពាល់​ខាងលើ​បាន​សម្ដែង​នូវ​ការរីករាយ​ក្នុង​ចិត្ត​ដោយសារតែ​ការដោះស្រាយ​នោះ​ពួកគាត់​អាច​ទទួលយកបាន​ហើយ​បាន​នៅ​ទីតាំង​ដើម​ដដែល​អាច​ប្រកប​របរ​អាជីវកម្មរ​ក​ស៊ី​បាន​ដូច​ធម្មតា​ជាមួយនឹង​ការកសាង​ផ្ទះថ្ម​ថ្មី​សន្លាង​នៅក្បែរ​និង​ដី​របស់​ពួកគាត់​ស្នាក់នៅ​។​
បើតាម​ការបញ្ជាក់​ពី​អាជ្ញាធរ​មូលដ្ឋាន​បាន​ឲ្យ​ដឹងថា​ការដ្ឋាន​នេះ​អាច​នឹង​បើក​ការដ្ឋាន​នៅ​ចុងឆ្នាំ​នេះ​។​ក្រោយ​បញ្ចប់​ប្រជាពលរដ្ឋ​បានធ្វើ​ចរាចរ​បាន​លើផ្លូវ​ធំ​ធំ​ទូលាយ​ជាង​មុន​ពី​ផ្លូវ​២៧១ ទៅ​ផ្លូវជាតិ​លេខ​២​។​

គួរ​បញ្ជាក់ថា មហាវិថី​ថ្មី​មួយ​នេះ មិន​ត្រឹមតែ​ជួយ​សម្រួល​ដល់​ការរស់នៅ​ប្រកប​អាជីវកម្ម និង​ការធ្វើដំណើរ​ដឹកជញ្ជូន​ទំនិញ កសិផល និង​សេវាកម្ម​ផ្សេងៗ ក្នុងភូមិ​សាស្ត្រ​ស​ង្គា​ត់​ចាក់អង្រែលើ​ប៉ុណ្ណោះ​ទេ ប៉ុន្តែ​ជា​យុទ្ធសាស្ត្រ នៃ​ការតភ្ជាប់​ពី​តំបន់​មួយ​ទៅ​តំបន់​មួយ និង​ជាការ​ដោះស្រាយ​បញ្ហា​ប្រឈម​ចំពោះមុខ គឺ​ការកកស្ទះ​ចរាចរ​ក្នុង​រាជធានី​ភ្នំពេញ​និង​ជា​បច្ច័យ​ដ៏​ល្អ​ក្នុងការ​កាត់បន្ថយ​ការចំណាយ​និង​ជំរ​ញ​ឱ្យ​សេដ្ឋកិច្ច​ទីផ្សារ​ប្រកបដោយ​ប្រសិទ្ធភាព​និង​ប្រសិទ្ធ​ផល​៕​សរន​

ដំណើរការនៃការដ្ឋានមុនឈានទៅបើកជាផ្លូវការ
ដំណើរការនៃការដ្ឋានមុនឈានទៅបើកជាផ្លូវការ
ដំណើរការនៃការដ្ឋានមុនឈានទៅបើកជាផ្លូវការ
ដំណើរការនៃការដ្ឋានមុនឈានទៅបើកជាផ្លូវការ
ដំណើរការនៃការដ្ឋានមុនឈានទៅបើកជាផ្លូវការ
ដំណើរការនៃការដ្ឋានមុនឈានទៅបើកជាផ្លូវការ