ចូ​សេ ម៉ូ​រី​ញ៉ូ តាមឃ្លាំមើល​ស្ថានភាព​របស់​ក្លឹប Spurs

183
ចែករម្លែក

​លោក ចូ​សេ ម៉ូ​រី​ញ៉ូ (Jose Mourinho) កំពុង​ផ្តោត​ការយកចិត្តទុកដាក់​លើ​ស្ថានភាព​របស់​ក្លឹប Tottenham បើទោះបី​ជាមាន​ទំនុកចិត្ត​ថា លោក​អាច​នឹង​វិលត្រឡប់​ទៅ​ក្លឹប Real Madrid វិញ​ក៏ដោយ​។​
​ ​
​លោក ម៉ូ​រី​ញ៉ូ ដែល​ខកខាន​មិនបាន​ដឹកនាំ​ក្រុមបាល់ទាត់ ចាប់តាំងពី​ក្លឹប​ម៉េ​ន​ឆេ​ស្ទ័​រ យូ​ណាយ​ធី​ត បណ្តេញចេញ​កាលពី​ខែធ្នូ​ឆ្នាំ​២០១៨​មក​នោះ ត្រូវបាន​គេ​ភ្ជាប់​ទៅនឹង​កិច្ចព្រមព្រៀង​ផ្ទេរ​ទៅ កាន់ការ​ងា​រប​ង្វឹ​កឡើ​ង​វិញ​ជាមួយ​ក្លឹប Spurs ទី​ដែល​អនាគត​របស់លោក ម៉ូ​រី​ស៊ី​យ៉ូ ប៉ូ​ចេ​តទី​ណូ (Mauricio Pochettino) កំពុងស្ថិត​ក្នុង​ភាពមិនច្បាស់លាស់​។​
​ ​
តាម​សេចក្តីរាយការណ៍​របស់​កាសែត Th Sun បាន​ឲ្យ​ដឹងថា ជម្រើស​របស់​ក្លឹប Spurs មាន កម្រិត ប្រសិនបើ​លោក ប៉ូ​ចេ​តទី​ណូ ចែកផ្លូវ​គ្នា​ចេញពី​ក្លឹប​នេះ​មែនហើយ​វា​អាច​បង្កើន​ឱកាស របស់លោក ម៉ូ​រី​ញ៉ូ ក្នុងការ​ទទួលបាន​តំណែង​អ្នកចាត់ការ​នៅ​ក្លឹប​នេះ​។​
​ ​
ក្រុម Spurs ធ្លាក់​មក​លេខ​រៀង​ទី​១៤​នៅលើ​តារាង​ក្របខណ្ឌ​ព្រី​មី​ញ៉េ​លី​ក ហើយ​ទើបនឹង​ឈ្នះ មួយ​ប្រកួត​ក្នុងចំណោម​៤​ប្រកួត​ចុងក្រោយ​នៅ​គ្រប់​ក្របខណ្ឌ​ប្រកួត​។ មានការ​អះអាង​ផងដែរ​ថា លោក ម៉ូ​រី​ញ៉ូ អាច​នឹង​វិលត្រឡប់​ទៅ​ដឹកនាំ​ក្រុម Real Madrid ផងដែរ​ទី​ដែល​លោក​ធ្លាប់​ដឹកនាំ កាលពី​រដូវ​កាល​ឆ្នាំ​២០១០ ដល់​ឆ្នាំ​២០១៣ ខណ​:​ដែល​លោក ហ្ស៊ី​ណេ​ឌី​ន ហ្ស៊ី​ដាន (Zinedine Zidane) មានការ​លំបាក អំឡុង​អាណត្តិ​ទី​២​របស់លោក ហើយ​លោក ម៉ូ​រី​ញ៉ូ បើក​ចិត្ត​រង់ចាំ ទទួលយក​ការវិលត្រឡប់​ទៅ​ពហុកីឡាដ្ឋាន Bernadeu វិញ​៕ ប្រែ​សម្រួល​: ពិសិដ្ឋ​

លោក ចូ​សេ ម៉ូ​រី​ញ៉ូ (Jose Mourinho)