ចេះ​ទ្រាំ​បាន​! អត់​កាត់ និង​អត់​កក់សក់​រាប់សិប​ឆ្នាំ​តាម​បណ្ដាំ​ព្រះ​ជា​ម្ចាស់​

360
ចែករម្លែក

បុរស​ម្នាក់​នៅ​ប្រទេស​ឥណ្ឌា ដែល​មិនបាន​កាត់សក់ និង​កក់សក់​អស់​រយៈពេល ៤០ ឆ្នាំ ពេលនេះ​វា​បាន​វិ​វ​ឌ្ឍ​ទៅជា​សក់កណ្ដាញ់​យ៉ាង​វែង​ដែលមាន​ប្រវែង​រហូតដល់​ទៅ ១,៨៣ ម៉ែត្រ ហើយ​គាត់​ថែមទាំង​បាន​អះអាងថា សក់កណ្ដាញ់​នោះ​ជា “​ការប្រទាន​ពរ​ពី​ព្រះ ជា​ម្ចាស់​”​។
​ ​
បុរស​ឈ្មោះ សា​កាល ដេ​វ ទុ​ត​ទូ (Sakal Dev Tuddu) វ័យ ៦៣ ឆ្នាំ​មកពី​ស្រុក​មុន​ហ្គើ (Munger) រដ្ឋ​ប៊ី​ហា (Bihar) ខាងលើនេះ​និយាយថា មាន​យប់​មួយ​កាលពី ៤០ ឆ្នាំមុន គាត់​បាន​សុបិន​ឃើញ​ព្រះ​ជា​ម្ចាស់​មក​ប្រាប់​គាត់​ឱ្យ​ឈប់​កាត់សក់ និង​ឈប់​កក់សក់ ហើយ​គាត់​ក៏​ធ្វើតាម​ចាប់តាំងពី​ពេលនោះ​មក​។
​ ​
លើសពីនេះ គាត់​ក៏បាន​ផ្តាច់​ស្រា និង​ផ្តាច់​បារី​ផងដែរ​ដើម្បី​ជាការ​គោរព​ដល់​ព្រះ ជា​ម្ចាស់​។ បច្ចុប្បន្ន គាត់​ជា​គ្រូ​ព្យាបាល​ឱសថ​បុរាណ​ដ៏​ល្បីល្បាញ​នៅក្នុង​មូលដ្ឋាន ជាពិសេស​ជួយ​ព្យាបាល​ប្ដី​ប្រពន្ធ​គ្មាន​កូន​ឱ្យមាន​កូនចៅ​នឹង​គេ​៕ ប្រែ​សម្រួលៈ​ខុម​