ចំនួន​អ្នកស្លាប់​ដោយ​ទឹកជំនន់​និង​បំណាក់​ដី​នៅ​ជប៉ុន​កើនឡើង​ដល់​១២២​នាក់​

841
ចែករម្លែក
  • 39
    Shares

អ្នកនាំពាក្យ​រដ្ឋាភិបាល​បាន​និយាយថា គិត​ត្រឹម​ថ្ងៃ​អង្គារ​ទី​១០​ខែកក្កដា​ចំនួន​អ្នកស្លាប់​ដោយ​ទឹកជំនន់​និង​បំណាក់​បាន​កើន​ឡើងដល់​១២២​នាក់​បន្ទាប់ពី​ភ្លៀង​ធ្លាក់​​ខ្លាំង​ជាច្រើន​ថ្ងៃ​នៅ​ប្រទេស​ជប៉ុន ភាគ​ខាងលិច​។​

​មនុស្ស​រាប់សិប​នាក់ ត្រូវបាន​រាយការណ៍​ថា​នៅ​បាត់​ខ្លួន​នៅឡើយ និង​ការផ្គត់ផ្គង់​អគ្គិសនី​ត្រូវបាន​កាត់ផ្តាច់​។​

​ចាប់តាំងពី​ថ្ងៃ​ព្រហស្បតិ៍​មក តំបន់​នៅ​ភាគ​ខាងលិច​នៃ​ប្រទេស​ជប៉ុន មាន​ភ្លៀង​ធ្លាក់​ចំនួន​៣​ដង​លើស​កំរិត​ទឹកភ្លៀង​ធ្លាក់​ធម្មតា​នៅក្នុង​ខែកក្កដា​។​ប្រជាជន​ចំនួន​២​លាន​​នាក់​ត្រូវបាន​បញ្ជា​ឱ្យ​ជម្លៀសចេញ នៅពេល​ទឹកទន្លេ​បាន​ឡើង​ពេញ​ហូរហៀរ​មាត់ជ្រាំង​។​

​ក្រុម​អ្នក​សង្គ្រោះ បានចាប់ផ្តើម​ស្វែងរក​ពួក​អ្នក​នៅរស់​ឬ​សាកសព​អ្នក​ដែល​បាន​ស្លាប់​ក្នុង​ល្បាប់​ភក់​កាលពី​ព្រឹក​ថ្ងៃ​ចន្ទ​។​

​មន្ត្រី​ម្នា​ក់នៅ​ទីក្រុង​Okayama បាន​និយាយប្រាប់​សារព័ត៌មាន​AFP​កម្រិត​ទឹកជំនន់​បាន​ស្រក​ចុះបណ្តើរៗ ហើយ​ក្រុម​អ្នក​សង្គ្រោះ​ក៏បាន​ចូល​ទៅដល់​តំបន់​ដែល​រង​​គ្រោះ​ខ្លាង​នេះ​។​

​ភ្លៀង​ខ្លាំង​ជាមួយនឹង​ខ្យល់ព្យុះ បានចាប់ផ្តើម​កាល​ពីស​ប្តា​ហ៍​មុន ។ នៅ​ទីក្រុង​Motoyama នៅ​កោះ​Shikoku ភ្លៀង​បាន​ធ្លា​ខ្លាំង​រវាង​ថ្ងៃ​សុក្រ​និង​ថ្ងៃ​សៅរ៍ ដោយ​​បណ្តាលឱ្យ អគារ​ជាច្រើន ដួលរលំ​បាក់​ដោយ​បំណាក់​ដី​។ មានការ​បំផ្លិចបំផ្លាញ​និង​ស្លាប់​មនុស្ស​ច្រើនជាងគេ​នៅ​ទីក្រុង​Hiroshima ដោយសារ​គ្រោះធម្មជាតិ​នេះ​៕ដោយ៖សុខា

​ក្រុម​អ្នក​សង្គ្រោះ​កំពុង​ធ្វើ​ប្រតិបត្តិ​ការស្វែងរក​អ្នក​បាត់​ខ្លួន​និង​ការសង្គ្រោះ​