ច្បាប់​ស្តីពី​វិសោធនកម្ម​មាត្រា ៤៥​ថ្មី (​ស្ទួន​) នៃ​ច្បាប់​ស្តីពី​គណបក្សនយោបាយ ត្រូវបាន​ព្រះមហាក្សត្រ ចេញ​ព្រះរាជក្រម​ប្រកាស​ដាក់​ឲ្យ​ប្រើប្រាស់​

512
ចែករម្លែក
  • 17
    Shares

ដោយ:វិបុល/​ភ្នំពេញ ៖ ច្បាប់​ស្តីពី​វិសោធនកម្ម​មាត្រា ៤៥​ថ្មី (​ស្ទួន​) នៃ​ច្បាប់​ស្តីពី​គណបក្សនយោបាយ ដែលជា​ការបើកផ្លូវ​ឲ្យ​អ្នកនយោបាយ​ជាប់​បំរាម អាចធ្វើ​សកម្មភាព​នយោបាយ​រប​ស់​ខ្លួន​ឡើងវិញ​នោះ ត្រូវបាន​ព្រះករុណា ព្រះបាទ​សម្ដេច ព្រះបរមនាថ ន​រោ​ត្ដម សីហមុនី ព្រះមហាក្សត្រ​នៃ​កម្ពុជា ចេញ​ព្រះរាជក្រម ប្រកាស​ដាក់​ឲ្យ​ប្រើប្រាស់​ជា​ផ្លូវការ​ហើយ​។

​សូមជម្រាបថា ច្បាប់​ស្តីពី​វិសោធនកម្ម​ច្បាប់​គណបក្សនយោបាយ គឺជា​ការបើកផ្លូវ​ឲ្យ​អ្នកនយោបាយ ដែល​តុលាការ​ហាមឃាត់​សិទ្ធិ ធ្វើ​នយោបាយ​មាន​សិទ្ធិ​ពេញលេញ ក្នុង​ការធ្វើ​នយោបាយ​ឡើងវិញ​។ ច្បាប់​វិសោធនកម្ម​ច្បាប់​គណបក្សនយោបាយ ត្រូវ បាន​ចុះហត្ថលេខា ដោយ​តំណាងរាស្ត្រ​ចំនួន​៨៧​រូប ដោយ​ធ្វើ​វិសោធនកម្ម ទៅលើ​មាត្រា​៤៥​ថ្មី (​ស្ទួន​) នៃ​ច្បាប់​ស្តីពី​គណបក្សនយោបាយ ដោយ​បន្ថែម​នូវ​វា​ក្ស​ខណ្ឌ​មួយ​ថ្មី​ក្នុង​មាត្រា​៤៥​ថ្មី (​ស្ទួន​មួយ​) ដូច​មាននៅ​ក្នុង​ព្រះរាជក្រម ​៖​