ឆ្មា​ដែល​គេ​ដាក់ឈ្មោះ​តាម​តារា​កំប្លែង សាក់​ឡូ កំពុង​បង្ក​ភាព​ជ្រួលជ្រើម​ពេញ​បណ្ដាញ អ៊ីនធឺណិត​

242
ចែករម្លែក

ឆ្មា​មួយ​ក្បាល​ដែលមាន​ពុកមាត់​ចម្លែក​ខុសគេ ត្រូវបាន​គេ​ដាក់ឈ្មោះ​តាម​តារា​កំប្លែង​អង់គ្លេស ឆា​លី ឆែប​ភ្លី​ន (Charlie Chaplin) ដែល​ខ្មែរ ស្គាល់​ជាទូទៅ​ថា សាក់​ឡូ ហើយ​ពេលនេះ​វា កំពុងតែ​បង្ក​ភាព​ជ្រួលជ្រើម​ពេញ​បណ្ដាញ​អ៊ីនធឺណិត​។​
​ ​
ស្ត្រី​ឈ្មោះ ស្ទែ​ស៊ី ម្ញូ​ស៊ី​ក (Stacy Music) ជា​លេខា​មកពី​រដ្ឋ​អា​ឡា​បា​ម៉ា (Alabama) សហរដ្ឋ អាម៉េរិក បាន​រើស​ឆ្មា​ញី​នេះ​មក​ចិញ្ចឹម បន្ទាប់ពី​ប្រទះឃើញ​វា​នៅក្នុង​សួនច្បារ​ផ្ទះ​អ្នកជិតខាង ហើយ​សម្រេចចិត្ត​ដាក់ឈ្មោះ​វា​តាម សាក់​ឡូ តារា​ក្នុង​ទសវត្សរ៍​ឆ្នាំ​១៩២០ ដែល​ល្បីល្បាញ ខ្លាំង​ដោយសារ​សម្ដែង​ក្នុង​ខ្សែភាពយន្ត​ជាច្រើន​ដូចជា​រឿង The Kid រឿង The Gold Rush និង​រឿង A King in New York ជាដើម​។​
​ ​
នៅពេល​ឆ្មា​អាយុ ៨ ឆ្នាំនេះ​កាន់តែ​ធំ​ពុកមាត់​របស់​វា​បាន​លេចចេញ​កាន់តែច្បាស់​ចម្លែក​ខុសគេ គួរឱ្យ​ចាប់អារម្មណ៍ ហើយ​អ្នកគាំទ្រ សាក់​ឡូ រាប់ម៉ឺន​នាក់​បាន​ប្រដូច​ថា វា​ដូច​តារាចម្រៀង អង់គ្លេស ហ្វ្រេ​ដ​ឌី មឺ​ឃើ​រី (Freddie Mercury) ច្រើនជាង​៕ ប្រែ​សម្រួលៈ​ខុម​