ជប៉ុន​បង្កើត​ទីបញ្ជាកា​រ​ឆ្លើយ​តបវិបត្តិ បន្ទាប់ពី​មាន​ឧបទ្ទវហេតុ​ជាមួយ​នាវា​ចិន​

416
ចែករម្លែក
  • 73
    Shares

​រដ្ឋាភិបាល​ជប៉ុន​បាន​បង្កើត​ទីបញ្ជាការ​ឆ្លើយ​តប​វិបត្តិ​មួយ​នៅ​ថ្ងៃ​ចន្ទ​ទី​១១​ខែ​កុម្ភៈ​បន្ទាប់ពី​នាវា​ល្បាត​ចិន​បាន​ចូល​ដែនទឹក​ដែល​ជប៉ុន​អះអាងថា​ជា​របស់​ខ្លួន​នៅ​ជិត​ប្រជុំ​​កោះ​ដែល​មាន​ជម្លោះ នៅ​សមុទ្រ​ចិន​ខាងកើត​។ នេះ​បើ​យោងតាម​សេចក្តីរាយការណ៍​របស់​ទូរទស្សន៍​NHK ។​

​ទូរទស្សន៍​NHK​បាន​និយាយថា នាវា​ចិន​៤​គ្រឿង​បាន​បើក​ទៅ​ជិត​ដែនទឹក​របស់​ជប៉ុន​ហើយ​មួយ​ក្នុងចំណោម​នាវា​ទាំងនោះ បាន​បើក​ឆ្លង​ចូល​ក្នុង​តំបន់​ដែនទឹក​ជប៉ុន​​នៅ​ជិត​ប្រជុំ​កោះ​សេន​កាគុ​(​ចិន​ហោះ ទាវ​យុ​) ដែល​មាន​ជម្លោះ​នោះ​។​

​ទីបញ្ជាការ​ឆ្លើយ​បត​វិបត្តិ​នេះ នឹង​ប្រមូល​ព័ទ៌មាន​អំពី​ឧបទ្ទវហេតុ​នេះ និង​តាមដាន​ស្ថានការណ៍​នេះ ។ នេះ​បើ​យោង​តាម​ទូរទស្សន៍​NHK​។​

​រដ្ឋាភិបាល​ក្រុង​តូ​ក្យូ​និង​រដ្ឋាភិបាល​ប៉េកាំង មាន​ជម្លោះទឹកដី​ជា​យូរ​មក​ហើយ​អំពី​ប្រជុំ​កោះ​សេន​កាគុ ឬ ទាវ​យុ​ដែល​ស្ថិតនៅ​ជាប់​ផ្លូវ​ដឹកជញ្ជូន​ដ៏​សំខាន់​និង​ជា​តំបន់​មាន​ធនធាន​ធ​មម្ម​ជាតិ​ប្រេង​និង​ឧស្ម័ន​។

​ជប៉ុន​អះអាងថា​ខ្លួន​មាន​សិទ្ធិ​គ្រប់គ្រង​បា​ប្រជុំ​កោះ​នេះ​ចាប់តាំងពី​ឆ្នាំ​១៨៩៥​ខណៈពេល​ដែល​រដ្ឋាភិបាល​ក្រុង​ប៉េកាំ​ង​បាន​ទាមទារ​មកវិញ​ដោយ​និយាយ​ថា​ផែនទី​ជប៉ុន​ដែល​បាន​ធ្វើ​នៅ​ឆ្នាំ​១៧៨៣ និង​១៧៨៥ ដែល​តាម​ផែនទី​នោះ បង្ហាញ​ថា​ប្រជុំ​កោះ​នោះ​ជា​របស់​ចិន​៕

រូបថត​ដែល​បញ្ចេញ​ដោយ​កងទ័ពជើងទឹក​ជ​ប៉ុន​បង្ហាញ​នាវា​ចិន​មួយ​បើ​កនៅ​ជិត​ប្រជុំ​កោះមាន​ជម្លោះ​នៅ​សមុទ្រ​ចិន​ខាងកើត​កាលពី​ឆ្នាំ​២០១៦