ជិះ​ម៉ូតូ​បុក​គោ​បណ្តាលឱ្យ​បោក​ក្បាល​ស្លាប់​នៅ​ស្រុក​ឱ​រ៉ា​ល់​

838
ចែករម្លែក
  • 56
    Shares

​ដោយ​: សុខ​សុ​ភ័​ណ្ឌ / កំពង់ស្ពឺ​: គ្រោះថ្នាក់​ចរាចរ​ម៉ូតូ​បុក​គោ បណ្តាល​ស្លាប់​បុរស​ម្នាក់​នៅនឹងកន្លែង ចំណុច​ភូមិ​តាំង​របង​ឃុំ​ហោង​សំណំ​ស្រុក​ឱ​រ៉ា​ល់ ខេត្តកំពង់ស្ពឺ​។ ហេតុការណ៍​នេះ កើតឡើង​នៅតាម​បណ្តោយ​ផ្លូវជាតិ​លេខ​៤៤ ចន្លោះ​គីឡូម៉ែត្រ​លេខ​៣៣​និង​៣៤ កាលពី​យប់​ថ្ងៃទី​២០​ខែវិច្ឆិកា​ឆ្នាំ​២០១៨​។​

​មន្ត្រីនគរបាល​ស្រុក​ឱ​រ៉ា​ល់ បានឱ្យដឹងថា នៅមុន​ពេល​កើត​គេ​ឃើញ​បុរស​ម្នាក់​ឈ្មោះ ឡោ រ៉ែ​ន អាយុ​៣០​ឆ្នាំ នៅ​ភូមិ​ត្រាង ឃុំ​ត្រពាំង​ជោ ស្រុក​ឱ​រ៉ា​ល់ ជិះ​ម៉ូតូ​០១​គ្រឿង​ម៉ាក​HONDA DREAM C១២៥ ពណ៍​ខ្មៅ សេរី​ឆ្នាំ​២០១៨ ពាក់​ស្លាក​លេខ កំពង់ស្ពឺ 1L 8613​។ ជិះ​ម្នាក់ឯង​ពី​លិចទៅ​កើត​លុះដល់​ចំណុច​ខាងលើ​បាន​បុក​គោមួយ​ក្បាល ដែល​រត់​បញ្ច្រាសទិស បណ្ដាល​ឲ្យ​ដួល​បោក​ក្បាល​លើផ្លូវ​ស្លាប់​ភ្លាមៗ នៅនឹងកន្លែង​។​

​ប្រភព​បាន​បន្តថា រីឯ​គោ​រត់​បាត់ ហើយ​មន្ត្រីនគរបាល​ជំនាញ​បានប្រគល់​សព​ជនរងគ្រោះ ឱ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​។ ម៉ូតូ​យកមក​រក្សាទុក នៅ​អធិការដ្ឋាន​នគរបាល​ស្រុក​ឱ​រ៉ា​ល់ ដើម្បី​ស្រាវជ្រាវ​តាម​នីតិវិធី​៕