ជិះ​ម៉ូតូ​លឿន​ជ្រុល​ទៅបុក​រថយន្ត​បត់​ឆ្លងផ្លូវ​បណ្តាល​ឲ្យ​បុរស ម្នាក់​រងរបួស​ធ្ងន់​

721
ចែករម្លែក

​ដោយ : ចាន់តូ​/ ​ភ្នំពេញ ​៖ បុរសបាន​ម្នាក់​ជិះ​ម៉ូតូ​ស៊ុយ​ហ្ស៊ុយគី​ឡែ​ត មួយគ្រឿង​ក្នុង​ល្បឿន​លឿន​ខ្វះ​ការប្រុងប្រយ័ត្ន​ ក៏​ជ្រុល​ទៅបុក​រថយន្ត​ក្រឡុក​ស៊ី​ម៉​ង​ត៍ដែលកំពុងបត់​ឆ្លងផ្លូវ បណ្ដាលឲ្យរងរបួសធ្ងន់ ។ ហេតុការណ៍នេះ បង្កការភ្ញាក់ផ្អើលកាលពី​វេលា​ម៉ោង​១១​និង​១០​នាទី​យប់ ថ្ងៃទី​១៧ ខែកក្កដា ឆ្នាំ​២០១៨​ត្រង់ចំណុច​ច្រកចូល​ផ្សារ​ទំនើប​អ៊ី​អ៊​នទី​២ ផ្លូវ​ឧក​ញា​ម៉ុង​រឹទ្ធី កែង​និង​ផ្លូវ​១០០៣ ស្ថិតក្នុង​សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ​។​

​តាម​ប្រ​ភ​ព័ត៌មាន​ពី​កន្លែងកើតហេតុ​បាន​ឲ្យ​ដឹងថា​ មុនពេល​កើតហេតុ​គេ​ឃើញ​បុរស​ម្នាក់​បើកបរ​រថយន្ត​មួយគ្រឿង​ម៉ាក FUSO ពណ៌​ស ជា​ប្រភេទ​រថយន្ត​ក្រឡុក​ស៊ី​ម៉​ង់​ត៍ ពាក់​ស្លាក​លេខ ព្រះសីហនុ​5A-0150 ដោយ​ធ្វើដំណើរ​តាម​បណ្តោយ​ផ្លូវ​១០០៣ ក្នុងទិសដៅ​ពី​ត្បូង​ទៅ​ជើង​។ លុះ​មកដល់​ចំណុចកើតហេតុ ខាងលើ រថយន្ត​ខាងលើ​ក៏បាន បើក​បត់​ឆ្វេង​ទៅ​ផ្លូវ​ឧក​ញា​ម៉ុង​រឹទ្ធី​ដោយ​ខ្វះ​ការប្រុងប្រយ័ត្ន​។ ខណៈ​ពេលនោះ​ស្រាប់​តែមាន​ម៉ូតូ​មួយគ្រឿង​ទៀត​ម៉ាក ស៊ុយ​ហ្ស៊ុយ​គី​ឡែ​ត ពណ៌​សលាយ​ខៀវ ពាក់​ស្លាក​លេខ កំ​ពត​1L-2257 ដែល​បើកបរ​ដោយ​បុរស​ម្នាក់ តាម​បណ្តោយ​ផ្លូវ​ឧក​ញា​ម៉ុង​រិទ្ធី ក្នុងទិសដៅ​ពី​លិចទៅ​កើត និង​ក្នុង​ល្បឿន​លឿន​ដោយ​ខ្វះ​ការប្រុងប្រយ័ត្ន​ត្រង់ចំណុច​ផ្លូវខ្វែង ក៏​ជ្រុល​ទៅបុក​រថយន្ត​ខាងលើ​ចំពាក់​កណ្តាល​ ​បណ្តាលឲ្យ​រថយន្ត​កិន​ម៉ូតូ​អូស​ជិត​ដប់​ម៉ែត្រ​រង​ការខូចខាត​យ៉ាងដំណំ រីឯ​អ្នកបើកបរ​ម៉ូតូ​រងរបួស​ធ្ងន់ធ្ងរ​ត្រូវបាន​រថយន្ត​សង្គ្រោះ​​ដឹកយក​ទៅ​សង្គ្រោះ​នៅ​មន្ទីរពេទ្យ​ព្រះកុសុមៈ​។ ភ្លាមនោះ​អ្នកបើកប​រថយន្ត​បាន​លោត​ចុះ​ពីលើ​រថយន្ត​ប​ព្យាយាម រត់គេចខ្លួន ​តែ​ក៏ត្រូវ​ប្រជាពលរដ្ឋ​ដែល​នៅក្បែរនោះ​ចាប់​ឃាត់​ប្រគល់​ឲ្យ​សមត្ថកិច្ច​ជំនាញ​។​

​ក្រោយពេល​កើតហេតុ​ម៉ូតូ​និង​រថយន្ត ​រួមទាំង​អ្នកបើកបរ​ត្រូវបាន​សមត្ថកិច្ច​ជំនាញវាស់វែង​នាំយក​ទៅកាន់​ការិយាល័យ​ចរាចរណ៍​ផ្លូវគោក ​នៃ​ស្នងការដ្ឋាន​នគរបាល​រាជធានី​ភ្នំពេញ ​ដើម្បី​រង់ចាំ​ធ្វើការ​ដោះស្រាយ​ទៅតាម​ផ្លូវច្បាប់​នៅពេល​ក្រោយ ៕​B