ជិះ​ស្គី​លើ​បង្គោល​សសរ​រឹតខ្សែ​កាប​ស្ពាន​កម្ពស់​រាប់សិប​ម៉ែត្រ​ពីលើ​ផ្លូវថ្នល់​

257
ចែករម្លែក

​អ្នកជិះ​ក្ដារ​ស្គី​ដ៏​អង់អាច​ក្លាហាន​ម្នាក់ បាន​ប្រថុយ​ជីវិត​ជិះ​ស្គី​បង្វិលខ្លួន​ទៅមក​គួរឱ្យ​ព្រឺព្រួច នៅលើ​ជម្រាល​បេតុង​រាង​កោង នៃ​សសរស្ពាន​រឹត​ខ្សែកាប​ស្ថិតក្នុង​កម្ពស់ ៤៦​ម៉ែត្រ​ពីលើ​ផ្លូវ ដែលមាន​ចរាចរណ៍​អ៊ូអរ​។
​ ​
លោក ស៊ែ​ន​ដ្រូ ឌា​ស (Sandro Dias) វ័យ ៤៤ ឆ្នាំ​បាន​សម្ដែង​ភាព​អស្ចារ្យ​ដ៏​គ្រោះ ថ្នាក់​នេះ លើ​ស្ពាន​យោង​ខ្សែកាប Estaiadinha Bridge ក្នុង​ក្រុង​សៅ​ប៉ូ​ឡូ ប្រទេស​ប្រេ​ស៊ី​ល កាលពី ថ្ងៃ​អង្គារ សប្ដាហ៍​មុន​។
​ ​
នៅក្នុង​វីដេអូ​ឃ្លី​ប​ដែល​ថត​ដោយ​ក្រុមហ៊ុន​ភេសជ្ជៈ​ប៉ូវ​កម្លាំង Red Bull បុរស​ក្លាហាន​រូបនេះ បាន​ជិះ​ក្ដារ​ស្គី​ត្រលប់​ទៅ​ត្រលប់​មកជា​ច្រើនដង និង​ថែមទាំង​បញ្ចេញ​ក្បាច់​បះសក់​ខ្លះៗ​ទៀត ផង​នៅលើ​ជម្រាល​បេតុង​ដែលមាន​ទទឹង ៣ ម៉ែត្រ និង​កម្ពស់ ៧ ម៉ែត្រ​។ ទោះជា​យ៉ាងណា សំណាញ់​ពណ៌​ខ្មៅ​ត្រូវបាន​ក្រាល​ពីក្រោម​ដើម្បី​ការពារ​ក្នុងករណី​គាត់​ភ្លាត់ស្នៀត​ធ្លាក់​ចុះទៅ​ក្រោម​៕ ប្រែ​សម្រួលៈ​ខុម​