ជំនួប​រដ្ឋមន្ត្រី​ការពារជាតិ​កម្ពុជា​-​ឥណ្ឌា ផ្តោត​សំខាន់​ទៅលើ​កិច្ចសហប្រតិបត្តិការ​លើ​វិស័យ​ការពារជាតិ​

1141
ចែករម្លែក

ដោយ : មុនី​រ័ត្ន​ / ​ភ្នំពេញ ៖ សម្ដេច​ពិជ័យ​សេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រី​ក្រសួងការពារជាតិ​កម្ពុជា បាន​ជួបពិភាក្សា​ជាមួយ​លោកស្រី ម៉ា​ទី ស៊ីថា​រ៉ា​ម៉ាន (Shrimati Nirmala Sitharaman) រដ្ឋមន្ត្រី​ការពារ នៃ​សាធារណរដ្ឋ​ឥណ្ឌា នៅ​ទីស្តីការគណៈរដ្ឋមន្ត្រី​កាលពី​ព្រឹក​ថ្ងៃទី​១១ ខែមិថុនា ឆ្នាំ​២០១៨​។ ជំនួប​ពិភាក្សា​រវាង​រដ្ឋមន្ត្រី​ការពារជាតិ នៃ​ប្រទេស​ទាំងពីរ គឺ​ផ្តោត​សំខាន់​ទៅលើ​កិច្ចសហប្រតិបត្តិការ​ជាមួយគ្នា​លើ​វិស័យ​ការពារជាតិ​។​

សម្ដេចពិជ័យសេនា ទៀ បាញ់ ថ្លែងទៅកាន់អ្នកសារប័ត៌មានបន្ទាប់ពីជួបជាមួយរដ្ឋមន្រ្ដីការពារជាតិឥណ្ឌា (រូបភាព ៖ វង់ សុភាព)

​សម្តេច​ពិជ័យ​សេនា ទៀ បាញ់ រដ្ឋ​ម​មន្ត្រី​ក្រសួង​ការពា​ជាតិ បាន​ថ្លែងប្រាប់​ក្រុមអ្នកកាសែត​បន្ទាប់ពី​ជំនួប​ចប់​ថា សាធារណរដ្ឋ​ឥណ្ឌា​តែងតែ​គាំទ្រ​កម្ពុជា​ជា​បន្តបន្ទាប់ និង​ការរួម​គ្នា​រក្សា​សន្តិភាព​នៅ​បណ្តា​ប្រទេស​មួយចំនួន និង​បាន​ជួយ​បណ្តុះបណ្តាល​គ្រូបង្វឹក​មក​ហ្វឹកហ្វឺន​នៅ​កម្ពុជា និង​បានទទួល​សិក្ខា​ការី​របស់​កម្ពុជា​ទៅ​សិក្សា​នៅ​ឥណ្ឌា​ជា​បន្តបន្ទាប់ ដើម្បី​ឲ្យ​មាន​សមត្ថភាព​ក្នុង​វិស័យ​រក្សា​សន្តិភាព​។ ហើយ​សម្តេច​សំណូម​ដល់​រដ្ឋមន្ត្រី​ក្រសួងការពារជាតិ​ឥណ្ឌា​បំពាក់​បន្ថែម​នូវ​ឧបករណ៍​ទំនើបៗ ដែល​ឥណ្ឌា​មាន ដូចជា​ការដោះស្រាយ​មីន និង​បំពាក់​ឲ្យ​កងកម្លាំង​ដែល​ទៅ​ប​ពេញ​បេ​កក​ម្ម​នៅ​បណ្តា​ប្រទេស​មួយចំនួន ហើយ​ភាគី​ឥណ្ឌា​បាន​ទទួលយក​សំណូមពរ​នេះ និង​សន្យា​ជួយ​ដល់​កងកម្លាំង​កម្ពុជា​ឲ្យ​មាន​សមត្ថភាព​ក្នុង​វិស័យ​ថែរក្សា​សន្តិភាព​។​

​សម្តេច​ពិជ័យ​សេនា ទៀ បាញ់ បាន​បញ្ចា​ក់ថា ដំណើរ​ទស្សនកិច្ច​រប​ស់​រដ្ឋមន្ត្រី​ក្រសួងការពារជាតិ​ឥណ្ឌា​បាន​នាំមក​​នូវ​ផលប្រយោជន៍​ច្រើនណាស់ ហើយ​ឥណ្ឌា​សន្យា​និង​សហការ​និង​ជួយ​កិច្ច​ការដែល​បានធ្វើ​ក្នុង​រយៈ​កាល​កន្លងមក​នេះ​ឲ្យ​កាន់តែ​ខ្លាំងក្លា​ថែមទៀត​។ ហើយ​កន្លងមកនេះ ឥណ្ឌា​បាន​ជួយ​ជា​បន្តបន្ទាប់​ដោយ​ក្នុងនោះ​គ្រឿង​ឧបករណ៍​សម្រាប់​ហ្វឹកហ្វឺន ជួយ​កសាង និង​បាន​ចាត់​បញ្ជូន​យោធា​ចា​រ្យ​ជាច្រើន​មកជួយ​បណ្តុះបណ្តាល​យោធា​កម្ពុជា និង​បាន​ជួយ​ឧបត្ថម​ម្ភ​សុនខ (​ឆ្កែ​) ចំនួន​១៥​ក្បាល​មក​ឲ្យ​កម្ពុជា​សម្រាប់​ហិត​មីន​ ៕B