ជ្រូក​ព្យាបាល​ផ្លូវ​អារម្មណ៍​ដំបូង បង្អស់​បង្ហាញខ្លួន​នៅ​អាកាស យានដ្ឋាន​សាន​ហ្វ្រា​ន​ស៊ី​ស្កូ​

214
ចែករម្លែក

ជ្រូក​ញី​មួយ​ក្បាល​អាយុ ៥ ឆ្នាំ​ដែលមាន​ឈ្មោះថា ជូ​លៀ​ណា (Juliana) បាន​ក្លាយជា​តារា​ល្បី ប្រចាំ​អាកាសយានដ្ឋាន​មួយ​នៅ​សហរដ្ឋ​អាម៉េរិក ព្រោះ​វា​ជា​សត្វ​ព្យាបាល​ផ្លូវ​អារម្មណ៍​ដែល ចាំ​ជួយ​បន្ធូរ​អារម្មណ៍​ស្ត្រេ​ស ឬ​ភាព​តានតឹង​របស់​អ្នកដំណើរ​ទាំងឡាយ​។​
​ ​
ជ្រូក​នេះ និង​អ្នកស្រី តា​ត្យា​ណា ដា​នី​ឡូ​វ៉ា (Tatyana Danilova) ម្ចាស់​របស់​វា​គឺជា​ផ្នែក​មួយ​នៃ កម្មវិធី Wag Brigade នៅ​អាកាសយានដ្ឋាន​អន្តរជាតិ​សាន​ហ្វ្រា​ន​ស៊ី​ស្កូ (San Francisco International Airport) ដែល​រង់ចាំ​ស្វាគមន៍​អ្នកដំណើរ និង​ជួយ​បន្ធូរ​ភាព​តានតឹង​របស់​ពួកគេ ក្នុងការ​ធ្វើដំណើរ​។
​ ​
ពាក់មួក​អ្នកបើក​យន្តហោះ និង​លាបថ្នាំ​ក្រចក​ពណ៌​ក្រហម​ស្រស់​ឆើតឆាយ​គួរឱ្យ​គ្រឺត ជ្រូក​ញី ដ៏​សិច​ស៊ី​នេះ​ប្រចាំការ​នៅ​មាត់ច្រក​ចេញដំណើរ​ដើម្បី​ចាំ​ទទួល​ស្វាគមន៍​អ្នក ដំណើរ​ដែល​តែងតែ​ក្រឡេកមើល​ដោយ​ទឹកមុខ​ញញឹម ឬ​ថតរូប​ស៊ែ​ល​ហ្វី​ជាមួយ​វា​យ៉ាង​សប្បាយចិត្ត​មុនពេល​ឡើង យន្តហោះ​។
​ ​
ម្ចាស់​របស់​វា​បាន​និយាយថា “​អ្នកដំណើរ​តែងតែ​រីករាយ និង​បញ្ចេញ​ស្នាមញញឹម​ពេល​បាន​ជួប​វា មិន​ថា​ពួកគេ​ស្ថិតក្នុង​ដំណើរ​កម្សាន្ត ឬ​បំពេញការងារ​នោះឡើយ​។ គ្រប់គ្នា​រីករាយ​ហើយ​តែងតែ ឈប់​ក្រឡេកមើល​វា​មួយ​ភ្លែត ហើយ​លាន់មាត់​ដូចជា ‘​អូ​! ឃ្យូ​ត​ណាស់​!’ ជាដើម​”៕ ប្រែ​សម្រួលៈ ខុម​