ដ​ង្ហើ​យ​សុំ​បារមី​ព្រះអង្គ​ដង​កើ​ជួយ​! បេក្ខជន​ប្រឡង​សញ្ញាប័ត្រ​បាក់​ឌុប ភ្លូកទឹកភ្លូកដី​បន់ស្រន់​ ​ ​

485

(​ភ្នំពេញ​) ៖ មុនពេល​ប្រឡង​បាក់​ឌុប​មួយថ្ងៃ ពោលគឺ​នៅ​ថ្ងៃទី​២០ ខែសីហា ឆ្នាំ​២០១៧ គេ​សង្កេតឃើញ យុវជន យុវនារី​ដែលជា​បេក្ខជន​​ប្រឡង​សញ្ញាប័ត្រ​បាក់​ឌុប រាប់ពាន់នាក់ បានមក​អុជ​ធូប​បន់ស្រន់​តាម​ជំនឿ​រៀងៗ​ខ្លួន ដើម្បី​សុំ​ដល់​ព្រះអង្គ​ដង​កើ​ដែល​ប្រជាជន​​កម្ពុជា​ជឿជាក់​នូវ​ឫទ្ធី​បារមី​របស់​ព្រះអង្គ ជួយ​ឲ្យ​ពួកគាត់​ប្រឡង​ជាប់​សញ្ញាប័ត្រ​ទុតិយភូមិ សម្រាប់​សម័យ​ប្រឡង​នា​ថ្ងៃទី​២១-២២ ខែសីហា ឆ្នាំ ២០១៧ នេះ​។​
​ ​
​សូមបញ្ជាក់ថា ឆ្នាំនេះ​មាន​បេក្ខជន​ដាក់ពាក្យ​ប្រលង​ចំនួន​១០៣.១១២​នាក់ និង​មាន​មណ្ឌល​ប្រឡង​ចំនួន​១៧៨​មណ្ឌល​ចែកចេញជា​៤.១៥៥​បន្ទប់ នៅ​ទូទាំងប្រទេស​ដោយ​ដំណើរការ​ប្រឡង​មានការ​តឹងរឹង​ជាង​ឆ្នាំមុនៗ ជាមួយនឹង​អ្នកស្ម័គ្រចិត្ត​សង្កេតការណ៍​ជិត​៥.០០០​នាក់​មកពី​គ្រប់​ស្ថាប័នរដ្ឋ អង្គការក្រៅរដ្ឋាភិបាល និង​វិស័យ​ឯកជន​ជាពិសេស​អង្គភាព​ប្រឆាំង​អំពើពុករលួយ​ចូលរួម​តាមដាន​តាម​​គ្រប់​សកម្មភាព​ទាំងអស់​នៃ​ព្រឹត្តិការណ៍​ប្រលង​នេះ​។​

​ទោះជា​បេក្ខជន​ប្រឡង​សញ្ញាប័ត្រ​បាក់​ឌុប ភ្លូកទឹកភ្លូកដី​ទៅ​បន់ស្រន់​សុំអោយ​ប្រឡង​ជាប់ក្តី ការប្រឡង​ឆ្នាំនេះ​ត្រូវ​រំពឹងថា​នឹង​ជាប់​ច្រើន​​ដោយសារ​ឃើញ​មាន​ចលនា​ខិតខំ​រៀន​ពី​ប្អូនៗ​ត្រូវ​ប្រឡង​ដោយសារតែ​ឃើញ​បទពិសោធន៍​ប្រឡង​កន្លងមក​និង​មានការ​បញ្ជាក់​ឬ​ពញ្ញាក់​​ស្មារតី​សិស្ស​ម្តង​ហើយ​ម្តងទៀត​ពី​ក្រសួង​អប់រំ​៕​ដោយ​៖​វិបុល​-​វាសនា​

(រូប៖វេបសាយ)