ឌី​អេ​ហ្គោ កូ​ស្តា ចំអក​ដាក់​លោក អែន​តូ​នី​ញ៉ូ កុន​តេ ដោយ​ពាក់អាវ​របស់​ក្រុម Atletico

326

​ឌី​អេ​ហ្គោ កូ​ស្តា (Diego Costa) បានធ្វើ​ឲ្យ​អាជីព​របស់​ខ្លួ​នៅ​ឆេ​ល​ស៊ី​មាន​បញ្ហា ដោយ​បង្ហាញ រូបភាព​ក្នុង​ឈុត​របស់​ក្លិប Atletico Madrid និង​ចំអក​ដាក់​លោក អែន​តូ​នី​ញ៉ូ កុន​តេ (Antonio Conte) ផងដែរ​។​។​
​ ​
​ខ្សែប្រយុទ្ធ​សញ្ជាតិ​អេ​ស្ប៉ា​ញ​រូបនេះ​ត្រូវបាន​គេ​មើលឃើញ​ពាក់អាវ​ក្រហម​ឆ្នូត​ស ហើយ​ភ្ជាប់​រូបភាព វីដេអូ​នៅលើ​គណនី Instagram របស់ខ្លួន​។ កូ​ស្តា ទំនងជា​ឆ្លើយតប​នឹង​ការអត្ថាធិប្បាយ​របស់​ខ្សែបម្រើ សេស ហ្វា​ប្រេ​ហ្គាស (Cesc Fabregas) ។​
​ ​
​ហ្វា​ប្រេ​ហ្គាស បាន​សើច​ដាក់​កាយវិការ​ចម្លែករ​បស់ កូ​ស្តា មុនពេល​ខ្សែប្រយុទ្ធ​រូបនេះ​ឆ្លើយតប​ថា “​ឱប​ខ្ញុំ​បន្តិច​មក​”​។​
​ ​
​កូ​ស្តា កំពុងស្ថិត​ក្នុង​ដំណើរ​កម្សាន្ត​នៅ​ទីក្រុង Lagarto ប្រទេស​ប្រេ​ស៊ី​ល ប៉ុន្តែ​ត្រូវបាន​ប្រាប់ថា គ្មាន​អនាគត​ទេ​នៅ​ពហុ​កីឡដ្ឋាន Stamford Bridge ដោយ​គ្រូបង្វឹក​អ៊ីតាលី​លោក កុន​តេ ។​
​ ​
​កីឡាករ​វ័យ​២៨​ឆ្នាំ​រូបនេះ​បាន​ច្រានចោល​កិច្ចព្រមព្រៀង​ផ្ទេរ​មកកាន់​ក្របខណ្ឌ Chinese Super League ហើយ​ទំនងជា​ចង់​វិលត្រឡប់​មកកាន់​ប្រទេស​អេ​ស្ប៉ា​ញ​វិញ​។​
​ ​
​តាម​គេហទំព័រ Mirror.co.uk កាលពី​ថ្ងៃទី​១៧​ខែកក្កដា​ឆ្នាំ​២០១៧​បាន​ឲ្យ​ដឹងថា ក្នុង​រូបភាព​នេះ កូ​ស្តា ពាក់អាវ​របស់​ក្រុម Atletico ដែល​សល់​តាំងពី​លេង​នៅ​រដូវ​កាល​ចុងក្រោយ​ជាមួយ​ក្លឹប​នេះ​។​
​ ​
​ប្រសិនបើ កូ​ស្តា វិលត្រឡប់​ទៅ Atletico មែន កីឡាករ​រូបនេះ​នឹងមិន​អាច​លេង​រហូតដល់​ខែមករា​៕ ​ប្រែ​សម្រួល​:​ពិសិដ្ឋ​

​ចំណងជើង​រូប​: ខ្សែប្រយុទ្ធ ឌី​អេ​ហ្គោ កូ​ស្តា (Diego Costa)