តារាចម្រៀង​ល្បីៗ​មក​សម្តែង​ក្នុង​កម្មវិធី​តន្ត្រី​សប្បុរសធម៌​របស់​ក្រុមហ៊ុន​អចលនទ្រព្យ​អ​&​អេ​ហ្វ

258
ចែករម្លែក

ដោយៈ​សុផល​ភ្នំពេញៈ​តារាចម្រៀង​និង​ពិធីករ​ពិធី​ការិនី​ល្បីៗ​នៃ​ព្រះរាជាណាចក្រ​កម្ពុជា​ដែល​រួមមាន​លោក​ឆន​សុវណ្ណ​រាជ​,​កញ្ញា​ហិន​ច័ន្ទនី​រ័ត្ន​,​ព្រមទាំង​ក្រុម​រាំ​OMG​នឹងចូលរួម​សម្តែង​នៅក្នុង​កម្មវិធី​តន្ត្រី​សប្បុរសធម៌​របស់​ក្រុមហ៊ុន​អចលនទ្រព្យ​អ​&​អេ​ហ្វ ដែល​ថវិកា​ប្រមូលបាន​នឹង​យក​ជូន​មន្ទីរពេទ្យ​គន្ធបុប្ផា​។​

​កម្មវិធី​តន្ត្រី​សប្បុរសធម៌​របស់​ក្រុមហ៊ុន R&F Properties Cambodia នេះ មាន​ឈ្មោះថា​“ R&F Group, All-Star Charity Concert ”​ដែល​នឹង​ប្រព្រឹត្តិ​ទៅ​នៅ​ថ្ងៃ​សៅរ៍​ទី​១៦ ខែវិច្ឆិកា ឆ្នាំ​២០១៩ ​ក្រុមហ៊ុន R&F Group ដែលមាន​ទីតាំង​ស្ថិតនៅតាម​បណ្តោយ​មហាវិថី​សម្តេច​តេ​ជោ​ហ៊ុន សែន ​ឬ​ផ្លូវ​៦០​ម៉ែត្រ​។​

​តាមរយៈ​តន្ត្រី​សប្បុរសធម៌​នេះ​ក្រុមហ៊ុន​R&FPropertiesCambodia​នឹងធ្វើ​ការបរិច្ចាគ​ថវិកា​ដែល​ប្រមូលបាន​ពី​សប្បុរសជន​ពី​កម្មវិធី​“​តំណក់ទឹក​នៃ​សប្បុរសធម៌​តំណក់ទឹក​នៃ​ក្តី​ស្រលាញ់​សម្រាប់​ភ្នំពេញ​” ( R&F Group “Sharing Water, Sharing Love for Phnom Penh) យកទៅ​ជូន​មូលនិធិ​គន្ធបុប្ផា​កម្ពុជា​។​

​គួរ​រម្លឹក​ផងដែរ​ថា​៖ ​ក្រុមហ៊ុន​អចលនទ្រព្យ​ចិន​ដ៏​ធំ​មួយ​នេះ​បាន​ចូលរួម​ក្នុង ព្រះរាជ​ពិធីបុណ្យ​អុំទូក បណ្តែតប្រទីប អកអំបុក និង​សំពះ​ព្រះ​ខែ​ដែល​បាន​ប្រារព្ធ​ធ្វើឡើង​ចាប់ពី​ថ្ងៃទី​១០​ដល់​ថ្ងៃទី​១២ ខែវិច្ឆិកា​ឆ្នាំ​២០១៩ ។ អ & អេ​ហ្វ បានរៀបចំ​កម្មវិធី​សប្បុរសធម៌​មួយ នៅ​មាត់ទន្លេ​មុខ​ព្រះបរមរាជវាំង ក្នុង​បរិវេណ​កោះ​ពេជ្រ​។​ប្រជាពលរដ្ឋ​នៅ​រាជធានី​ភ្នំពេញ​និង​មកពី​បណ្តា​ខេត្ត​អាច​ចូលរួម​តាមរយៈ​ការលេង​ល្បែង​កម្សាន្ត​សប្បាយៗ​គ្រប់​ប្រភេទ​ដើម្បី​ឈ្នះ​រង្វាន់​ទឹកបរិសុទ្ធ​ កាដូ​និង​រង្វាន់​ជាច្រើន​ទៀត​ជាងនេះទៅទៀត​។

​ក្រុមហ៊ុន​R&FPropertiesCambodia​គឺជា​សាខា​របស់​ក្រុមហ៊ុន​R&FGroup​ដែលជា​ក្រុមហ៊ុន​អភិវឌ្ឍ​អចលនទ្រព្យ​លំដាប់ថ្នាក់​អន្តរជាតិ ដែល​បានធ្វើការ​សាងសង់​គម្រោង​អចលនទ្រព្យ​ជាច្រើន​មានដូចជា ខុន​ដូ​លំនៅដ្ឋាន​និង​អគារ​ការិយាល័យ​សរុប​ជាង​៣០០​គម្រោង​នៅ​ជាង​១២០​ប្រទេស​ទូទាំង​ពិភពលោក​។​ក្នុងនោះ​កំពុងតែ​អភិវឌ្ឍ​ទៅលើ​គម្រោង​ខុន​ដូ​ប្រណិត​ចំនួន​ពីរ​នៅក្នុង​ប្រទេស​កម្ពុជា​គឺ R&F City និង R&FGlory​នៅតាម​បណ្តោយ​មហាវិថី​ព្រះមុនីវង្ស​និង​មហាវិថី​សម្តេច​តេ​ជោ​ហ៊ុនសែន​ឬ​ផ្លូវ​៦០​ម៉ែត្រ​៕S/Ha

​ចំណងជើង​រូបថត​៖​តារាចម្រៀង និង​ពិធីករ ពិធី​ការិនី​ល្បីៗ​នៃ​ព្រះរាជាណាចក្រ​កម្ពុជា នឹងចូលរួម​សម្តែង​នៅក្នុង​កម្មវិធី​តន្ត្រី​សប្បុរសធម៌​របស់​ក្រុមហ៊ុន​អចលនទ្រព្យ​អ​&​អេ​ហ្វ ដែល​ថវិកា​ប្រមូលបាន​នឹង​យក​ជូន​មន្ទីរពេទ្យ​គន្ធបុប្ផា​