តារា​ម៉ូ​ដែល ច​ន សុទី​ម៉ា នាំ​ក​ត្តិ​យស​ជូន​ប្រទេស​និង​គ្រួសារ​បានសម្រេច​នៅ​ប្រទេស​ម៉ាឡេស៊ី

263
ចែករម្លែក

​ភ្នំពេញ​៖ ជា​មោទនភាព​សម្រាប់​កម្ពុជា តារា​ម៉ូ​ដែល​កញ្ញា ច​ន សុទី​ម៉ា ដែល​បាន​ទៅ​ប្រទេស ម៉ាឡេស៊ី​លើក​នេះ​ប្រកួត​បវរកញ្ញា​ទេសចរណ៍​អន្តរជាតិ​ឆ្នាំ​២០១៩ បាន សម្រេច​សមិទ្ធិផល មួយចំនួន ដោយ​កញ្ញា​អាចមាន​សមត្ថភាព​ដណ្តើម​មកុដ Top 5 “ Miss Dream girl of the year 2019” ។

​ព្រឹត្តិការណ៍​នេះ​មាន​បេ​ក្ខ​នារី​ចំនួន​៦០ នាក់​មកពី​ជុំវិញ​ពិភពលោក​ដែល​សុទ្ធតែជា​នារី​ស្រស់ស្អាត និង មានចំណេះដឹង​ជ្រៅជ្រះ រៀងៗ​ខ្លួន​និង​មាន​សមត្ថភាព​ព្រមទាំង​ជំនាញ​ផ្សេងៗ​គ្នា​ខណៈ កម្ពុជា​យើង​មាន​កញ្ញា ច​ន សុទី​ម៉ា តំណាង​ជាតិ​បានសម្រេច​ក្នុងការ​ទទួល​មកុដ​នេះ​ដោយមាន ឈ្មោះថា “ Miss Dream girl of the year 2019” កាលពី​ថ្ងៃទី​១១ ខែវិច្ឆិកា ឆ្នាំ​២០១៩​ក្នុង​ទីក្រុង ប៉េ​យ៉ា​លីង ចា​វ៉ា (Peyaling Jaya) ប្រទេស​ម៉ា​លេ​ស៊ី ។​

​កញ្ញា ច​ន សុទី​ម៉ា បាន​ថ្លែង​សា​រលើ​ហ្វេ​ស​ប៊ុ​ឱ្យដឹងថា សម្រាប់​ការ​ប្រ​កូត​នៅ​លើក​នេះ​នាង​បាន ខំប្រឹង​បញ្ចេញ​សមត្ថភាព​ឱ្យអស់ ដើម្បី​តំណាង​ជាតិ ក្នុង​ប្រកួត​នេះ​រហូតដល់​ទីបញ្ចប់​ទ​ទួលបាន ជាប់​ជ័យលាភី​ក្នុងចំណោម​៥​នាក់​ចុង​ក្រោយពី​កម្មវិធី​នេះ​។ នាង​ថ្លែងអំណរគុណ​ដល់​បងប្អូន ប្រជាពលរដ្ឋ​ខ្មែរ​ទាំងអស់ ដែល​បានផ្តល់​កម្លាំងចិត្ត និង ជួយ​គាំទ្រ​ក្នុងការ​បណ្តើ​ម​ម​គុដ​បវរកញ្ញា ទេសចរណ៍​អន្តរជាតិ​ឆ្នាំ ២០១៩ លើក​នេះ​។ នាង​សូម​ថ្លែងអំណរគុណ និង ស្រលាញ់​ខ្មែរ​។

​សូមបញ្ជាក់ថា កញ្ញា ច​ន សុទី​ម៉ា មួយរយៈ​មុននេះ​នាង​ក៏​ត្រូវបាន​មហាជន​សរសើរ​រឿង​តុបតែង ខ្លួន​ថត ឈុត​បុរាណ និង ប្រពៃណី ក្រោយពី​កញ្ញា​បាន​គ្រង ឈុត​នាងនាគ​ធ្វើឱ្យ​អ្នកគាំទ្រ​ពេញ ចិត្ត​ផងដែរ​។​

​កញ្ញា បាន​ចូល​សិល្បៈ​ទើបតែ ប្រឡូក​បាន​រយៈពេល​មួយឆ្នាំ​ប៉ុណ្ណោះ​ដោយសារតែ កញ្ញា​ត្រូវ ការរៀនសូត្រ​ជាហេតុ នាំ​កញ្ញា​ផ្អាក​មួយរយៈ​អំឡុង​កាលពី​ឆ្នាំ​២០១៨​។​បើ​និយាយ​រឿង​ប្រឡង​វិញ គឺ​នាង​បាន ប្រលង Miss Grand 2017 ជាប់​លេខ​៣ ប៉ុន្តែ​មិនបាន​បន្តការងារ​សិល្បៈ​ឡើយ ។ រហូតដល់​ឆ្នាំ​២០១៩ នាង​ចូល​ប្រឡង​បវរកញ្ញា​ម្តងទៀត​គឺ Miss Universe Cambodia 2019 ក៏​ជាប់​លេខ​បី​ទៀត ទើប​បន្តការងារ​សិល្បៈ​ពេញលេញ​តែម្តង​៕ ដោយ​: បូ​រិ​ន​