តិច​និក៥យ៉ាង បុរសៗ​គួរ​ធ្វើ​ដើម្បី​ទទួលបាន​ការរួម​ដំណេក​ពី​ប្រពន្ធ ឬ មិត្តស្រី ទាំង​ពេញចិត្ត​សងខាង​

1642
ចែករម្លែក
  • 22
    Shares

​ភាពស្និទ្ធស្នាល​ងាយ​នឹង​បាត់​ទៅវិញ​ណាស់ នៅពេលដែល​លោកអ្នក​មាន​ទំនាក់ទំនង​ដាច់​ឆ្ងាយ​ពីគ្នា​រយៈពេល​យូរ​។

​ហើយ​ប្រសិនបើ​ការរួម​ភេទ​លែង​ទទួលបាន​ពី​ប្រពន្ធ ឬ មិត្តស្រី​ហើយ​នោះ វា​ដល់​ពេលដែល​សុភាពបុរស​គួរ​គិតគូរ​អំពី​មធ្យោបាយ​ថ្មី​ដើម្បីឱ្យ​ពួកនាង​មាន​អារម្មណ៍​ចង់​ឡើងលើ​គ្រែ​ជាមួយ​អ្នក​ជាថ្មី​ម្តងទៀត​។

​អ្នកជំនាញ​ផ្លូវភេទ នាង​សាម៉ុន​ថា បាន​ប្រាប់​កាសែត​ដេលី​មែ​ល​អំពី​តិច​និក​ទាំង ៥ ដូចខាងក្រោម ៖

១. បំបាត់​ស្ត្រេ​ស​ចោល​ឱ្យអស់​
​នាង​សាម៉ុន​ថា​និយាយថា ស្ត្រី​ជា​ប្រពន្ធ ឬ មិត្តស្រី​ជួនកាល​មាន​បញ្ហា​ស្ត្រេ​ស​ខ្លាំងណាស់ ដែល​ត្រូវ​លុបបំបាត់ចោល មុននឹង​និយាយ​អំពី​ការ​រួមភេទ​។

​បុរសៗ​អាចជួយ​បំបាត់​ស្ត្រេ​សរ​បស់​ពួកនាង​បាន​តាមរយៈ​ការជួយ​ការងារ​ផ្ទះ ជួយ​ដឹក​កូន​ទៅ​រៀន ឬ ទុក​ឱកាស​ឱ្យ​នាង​បាន​ដើរលេង​ក្រៅ​ជាមួយ​មិត្តភក្តិ​។​ល​។ ឬ​មិន​អ៊ីចឹង បុរសៗ​គួរ​ធ្វើ​ម្ហូប​ជូន​នាង​មួយពេល​។

២. រក្សា​ភាពស្និទ្ធស្នាល​ឱ្យបាន​ជាប់លាប់​
​នាង​សាម៉ុន​ថា និយាយថា “​ស្រីៗ​លង់​ស្នេហ៍​តាមរយៈ​ត្រចៀក ប្រុសៗ​លង់​ស្នេហ៍​តាមរយៈ​ភ្នែក​”​។ មានន័យថា បុរសៗ​គួរប្រើ​សម្តី​សរសើរ​ឬ​សម្តី​ល្អៗ​អំពី​នាង​ឱ្យបាន​ច្រើន​តាម​ដែល​អាចធ្វើ​ទៅបាន ហើយ​ដើម្បីឱ្យ​នាង​បាក់​ស្រឹប​គឺ​សម្លឹង​កែវភ្នែក​នាង​កុំ​ព្រិច​ឱ្យសោះ​។

៣. ធ្វើឱ្យ​នាង​ភ្ញាក់ផ្អើល​
​មានរឿង​ច្រើនណាស់​ដែល​បុរសៗ​អាចធ្វើឱ្យ​ភាគី​ខាង​ស្រី​ភ្ញាក់ផ្អើល ក្នុងនោះ​ការដុត​ទៀន​បំភ្លឺ​ក្បែរ​ជើង​គ្រែ ការ​ម៉ាស្សា​ឱ្យ​ស្រីៗ និង​ការ​ងូតទឹក​អាង​រួមគ្នា ជា​វិធី​ពិសេស​បំផុត​។

៤. ទុកពេល​វេលា​សប្បាយ​ឱ្យ​នាង​ផង​
​ពេល​នាង​ចង់​ចេញ​ក្រៅ​កុំ​សួរនាំ​ច្រើន អនុញ្ញាត​ទៅ​បើ​យើង​ដឹងថា​នាង​មានការ​សំខាន់​។ ទោះបី​នាង​ត្រូវ​ចេញទៅ​ជប់លៀង​ក្រៅ ក៏​អនុញ្ញាត​ទៅ​ចុះ​។

៥. ធ្វើឱ្យ​នាង​មាន​អារម្មណ៍​ថា​ជាម​នុស្ស​ពិសេស​ជាងគេ​
​ដើម្បីឱ្យ​នាង​មាន​អារម្មណ៍​បែបនេះ គឺ​មិន​លំបាក​ទេ គ្រាន់តែ​រំលឹក​រឿង​រំភើបៗ ដូចជា “​តើ​អូន​ដឹង​ទេ បង​ឃើញ​អូន​ភ្លាម ស្រឡាញ់​ភ្លែត​” ឬ មិន​អ៊ីចឹង​រក​នឹក​និយាយ​អ្វីដែល​នាង​ចូលចិត្ត​បំផុត ពេល​ទើប​ជួបគ្នា​ស្នេហ៍​គ្រា​ដំបូង​៕ ដោយ៖ កញ្ញាដាលីស