តើ​ផ្នែក​ក្រហម ឬ ផ្នែក​ស​នៃ​ស៊ុត​ល្អ​?

862
ចែករម្លែក

ស៊ុត​សម្បូរ​ប្រូតេអ៊ីន​, សមស្រប​សម្រាប់​អាហារ​ពេលព្រឹក ដើម្បី​ផ្គត់ផ្គង់​ថាមពល​សម្រាប់ ថ្ងៃ​ថ្មី នេះ​ក៏​ជា​អាហារ​សម្បូរ​វីតាមីន D ចាំបាច់​សម្រាប់​សរីរាង្គ​ស្រូបយក​កាល់ស្យូម និង រក្សា​ឆ្អឹង​ឲ្យ​រឹងមាំ ។​

​ផ្នែក​ស​នៃ​ស៊ុត​មិន​ផ្ទុក​ជាតិ​ខ្លាញ់ ហើយ​បរិមាណ​កាឡូរី​ទាប​ដោយ​វា​មាន​បរិមាណ ប្រមាណ​ជា ១៧ កាឡូរី ពោលគឺ​ជាង​ពាក់កណ្តាល​ក្នុង​បរិមាណ​ប្រូតេអ៊ីន​ស​រុ​របស់ ស៊ុត​ទាំងមូល ។ ផ្នែក​ស​ក៏​សម្បូរ​សារជាតិ​រ៉ែ ជីវជាតិ​ដូចជា niacin, ប៉ូ​តា​ស្យូ​ម​, riboflavin និង ម៉ាញ៉េ​ស្យូ​ម ។​

​ផ្នែក​ក្រហម​ផ្ទុក​ប្រូតេអ៊ីន​តិចជាង តែ​បែរជា​សម្បូរ​វីតាមីន A, B6, B12 និង D, កាល់ស្យូម​, folate និង Omega-3, ផ្គត់ផ្គង់​កូ​ឡេ​ស្តេ​រ៉ូ​ល​, និង អាស៊ីត​ខ្លាញ់​ចាំបាច់ មួយចំនួន​។ ដូច្នេះ វា​ត្រូវបាន​ចាត់ទុកជា​សម្បូរ​ជីវជាតិ​ជាង​ពោលគឺ ផ្គត់ផ្គង់​ប្រមាណ ៥៥ កាឡូរី ។​

​គួបផ្សំ​ទាំង​ផ្នែក​ស និង​ផ្នែក​ក្រហម គឺ​នាំមក​នូវ​តម្លៃ​ជីវជាតិ​ខ្ពស់បំផុត ។​

​មនុស្ស​ជាច្រើន​បារម្ភ​ថា បរិមាណ​កូ​ឡេ​ស្តេ​រ៉ុល និង​ជាតិ​ខ្លាញ់​នៅ​ផ្នែក​ក្រហម​នៃ​ស៊ុត ពេល​ចូលក្នុង​សរីរាង្គ នឹង​បង្ក​គ្រោះថ្នាក់​ឲ្យ​សុខភាព​, កើន​ហានិភ័យ​កើត​ជំងឺ​សរសៃ ឈាម​បេះដូង ។ រឿងនេះ​គឺជា​ការយល់​ខុស ។ កូ​ឡេ​ស្តេ​រ៉ូ​ល និង​ជាតិ​ខ្លាញ់​មិន​ខ្វះ​ក្នុង សរីរាង្គ​, វា​មាន​ឥទ្ធិពល​បង្កើត​អ័រម៉ូន Steroid ចាំបាច់​សម្រាប់​ការរីកចម្រើន និង​សកម្ម​ភា ព​ធម្មតា​របស់​សរីរាង្គ​មនុស្ស​, ក្នុងនោះ រួមមាន​ទាំង​អ័រម៉ូន​ភេទ​ប្រុស និង​ស្រី ។​ក្រៅពីនេះ កូ​ឡេ​ស្តេ​រ៉ូ​ល​នៅ​ជា​សមាសធាតុ​រចនាសម្ព័ន្ធ​របស់​កោសិកា​, បង្កើត​ប្រមាត់​, បង្កើន​សមត្ថភាព​អង្គ​បដិបក្ខ ។​

​ពួក​ជំនាញការ​នៅ​សមាគម​សរសៃឈាម​បេះដូង​អាមេរិក ទូន្មាន​គ្រប់គ្នា​អាច​បរិភោគ​ស៊ុត​១​ថ្ងៃ​១​គ្រាប់ ។​

​ការធ្វើ​ឲ្យ​ស៊ុត​ឆ្អិន នឹងធ្វើ​ឲ្យ​ថយចុះ​ប្រមាណ ១៧ ទៅ ២០% វីតាមីន និង​ថយ ៦ ទៅ ១៨% នូវ​កម្រិត​ប្រឆាំង​អុកស៊ីតកម្ម ។ ដូច្នេះ គួរប្រើ​ពេលវេលា​ចម្អិន​ខ្លី​បំផុត ដើម្បី​ធានា​ស៊ុត​នៅមាន​ជីវជាតិ​ច្រើន ៕ ប្រែ​សម្រួលៈ រតនៈ​