ត្រី​ដូ​ល​ហ្វី​ន​ចារកម្ម​របស់​អ៊ុយ​ក្រែ​ន​មាន​សមត្ថភាព​បង្កប់​គ្រាប់បែក និង​វាយប្រហារ​អ្នក​មុជទឹក សុខចិត្ត​ងាប់​ដោយ​អត់ឃ្លាន បន្ទាប់ពី​រុស្ស៊ី​ចាប់​យកទៅ​

1046

​មន្ត្រី​កំពូល​របស់​រដ្ឋាភិបាល​ក្រុង​គៀវ​ម្នា​ក់បាន​អះអាងថា ត្រី​ដូ​ល​ហ្វី​ន​ចារកម្ម​របស់​អ៊ុយ​ក្រែ​ន​បាន​ងាប់​ដោយ​ទឹកចិត្ត​ស្នេហា​ជាតិ បន្ទាប់ពី​ធ្វើ​កូដកម្ម​បង្អត់អាហារ​ខ្លួនឯង ក្រោយពី​រុស្ស៊ី​ចាប់ខ្លួន​វា​។​

​ថនិកសត្វ​សមុទ្រ​ទាំងនេះ​ត្រូវបាន​ហ្វឹកហាត់​ដើម្បី​ធ្វើ​បេសកកម្ម​នៅ​ដែនសមុទ្រ​និង​មាន​សមត្ថភាព​បង្កប់​គ្រាប់បែក​នៅលើ​នាវា និង​វាយប្រហារ​ពួក​អ្នក​មុជទឹក ជាមួយ​កាំភ្លើង​ភ្ជាប់​ទៅនឹង​ក្បាល​របស់​វា​។​

​យោធា​អ៊ុយ​ក្រែ​ន​បាន​បង្កើត​អង្គភាព​សម្ងាត់​ត្រី​ដូ​ល​ហ្វី​ន​នេះ ចាប់តាំងពី​ទសវត្សរ៍​ទី ៧០ ប៉ុន្តែ​ត្រី​ទាំងនេះ​ត្រូវបាន​រុស្ស៊ី​ចាប់ខ្លួន នៅពេល​រុស្ស៊ី​កាត់​យក​ទឹកដី​គ្រី​មេ​ក្នុង​ឆ្នាំ ២០១៤​។​

​លោក បូរី​ស បា​ប៊ី​ន អ្នកតំណាង​រដ្ឋាភិបាល​អ៊ុយ​ក្រែ​ន​នៅ​តំបន់​គ្រី​មេ​បាន​បង្ហាញថា ត្រី​ដូ​ល​ហ្វី​ន​ទាំង​នោះបាន​ងាប់​អស់ហើយ ហើយ​អះអាងថា ពួកវា​ងាប់​ដោយសារ​បដិសេធ​មិន​ធ្វើតាម​បញ្ជា ឬ​ស៊ី​អាហារ ដែល​ផ្តល់​ដោយ “​ពួក​ឈ្លានពាន​រុស្ស៊ី​”៕ ដោយ៖ កញ្ញាដាលីស

ត្រី​ដូ​ល​ហ្វី​ន​ចារកម្ម​របស់​អ៊ុយ​ក្រែ​ន​ងាប់​អស់ហើយ​ដោយសារ​ធ្វើ​កូដកម្ម​បង្អត់អាហារ