ទូក ង វែង​ជាងគេ​អុំទូក​សាកល្បង​ត្រៀម​បង្ហាញខ្លួន​ក្នុង​ពិធីបុណ្យ​អុំទូក​

1791
ចែករម្លែក

ដោយ​: មុនី​រ័ត្ន / ភ្នំពេញ​: សហភាព​សហ​ព​ន្ធ័ យុវជន​កម្ពុជា ក៍​ដូចជា​គណៈកម្មាធិការ​ផលិត​ទូក ង វែង​ជាងគេ​លើ​ពិភពលោក បានរៀបចំ​ពិធី​អុំ​ទូកង​សាកល្បង នៅ​រាជធានី​ភ្នំពេញ កាលពី​ព្ត​រឹក​ថ្ងៃទី​២០ ខែវិច្ឆិកា ឆ្នាំ​២០១៨ ក្រោម​អធិបតីភាព​ស សុខា ប្រធាន​គណៈកម្មាធិការ​ផលិត​ទូក ង វែង​ជាងគេ​លើ​ពិភពលោក​។ ការ​អុំ​សាកល្បង​នេះ ដើម្បី​ត្រៀមខ្លួន​អុំ​បង្ហាញជូន​ព្រះមហាក្សត្រ និង​ថ្នាក់ដឹកនាំ រួមទាំង​ប្រជាពលរដ្ឋ​បាន​ទស្សនា នៅ​រសៀល​ថ្ងៃទី​២១ និង​ថ្ងៃទី​២៣ ខែវិច្ឆិកា ឆ្នាំ​២០១៨​។​

​ក្នុងការ​អុំ​សាកល្បង​មាន​ទូក ង វែង​ជាងគេ ដែល​ទើប​ជាប់​កំណត់ត្រា​ពិភពលោក​ថ្មីៗ​នេះ ១​គ្រឿង និង​ទូក​អម សងខាង​ចំនួន​១០​គ្រឿង និង​មានការ​ចូលរួម ពី​សំណាក់​បងប្អូន​ប្រជាពលរដ្ឋ យ៉ាង​សប្បាយរីករាយ នៅ​ទីតាំង​ផែស្ងួត រាជធានី​ភ្នំពេញ តាម​បណ្ដោយ​ដង​ទន្លេសាប ។​

​ការ​អុំទូក​សាកល្បង នៅ​មាត់ទន្លេ​មុខ​ព្រះបរមរាជវាំង ដើម្បី​ត្រៀម​ចូលរួម​ព្រះរាជ​ពិធីបុណ្យ​អុំទូក បណ្តែតប្រទីប សំពះ​ព្រះ និង​អកអំបុក នឹង​មកដល់​នៅ​ថ្ងៃទី​២១ ខែវិច្ឆិកា ស្អែក​នេះ​។ ហើយ​ការប្រកួត​របស់​ក្រុម​កីឡាករ​ទូក ង រាជធានី​ភ្នំពេញ​នេះ​ផងដែរ គឺជា​ការហ្វឹកហាត់​មួយ សម្រាប់​ត្រៀមកម្លាំង ដើម្បី​ប្រកួតប្រជែង​យកជ័យ​ជម្នះ ។ ក្នុងនោះដែរ ទូក «​ង​» ដែង​វែង​ជាងគេ​លើ​ពិភពលោក​មានឈ្មោះ​ថា «​កម្ពោជិក​បុត្តា​ខេមរា​តរី »​ដែល​ទើបតែនឹង​ជាប់​កំណត់ត្រា​ទូក ង វែង​ជាងគេ​លើ​ពិភពលោក​កាលពី​ថ្ងៃទី​១២ ខែវិច្ឆិកា កន្លងទៅ​ថ្មីៗ​នេះ​បន្ទាប់ពី​បញ្ចប់​ព្រះរាជ​ពិធី​អ៊ុ​ទូក​ទៅ ទូក ង វែង​ជាងគេ​នឹង​លើក​យកមក​លើគោក ដើម្បី​ដាក់តាំង​បង្ហាញ់ជូន​សាធារណៈជន​បាន​ទស្សនា​នៅ​ខាងកើត​ទល់មុខ វាល​ព្រះមេរុ​ហ៍ ដោយ​ឥតគិតថ្លៃ ចាប់ពី​ថ្ងៃទី​២៤-៣០ ខែវិច្ឆិកា ឆ្នាំ​២០១៨​។​
​ក្នុង​ពិធី​ផងដែរ លោក ស សុខា ផ្ដល់ជូន​អំណោយ​ជា​សំភារៈ ស្បៀងអាហារ​មួយចំនួន មាន​៖ អង្ករ មី ត្រី អាវ​ប៉ោង ជាដើម ឯកឧត្តម​ក៍បាន​ផ្ដាំផ្ញើរ​ទៅ​ចំណុះ​ទូក​ទាំងអស់​មេត្តា​យកចិត្តទុកដាក់​ប្រឹងប្រែង​ហ្វឹកហាត់​សម និង​សម្រាក់​អោយបាន​គ្រប់គ្រាន់​សន្សំ​កម្លាំង​ដើម្បី​ធ្វើការ​ប្រកួត​ទទួលបាន​ជ​យ័​ជំ​នៈ​ជូន​ខេត្ត​ពេល​ត្រឡប់​ទៅវិញ​។​

​គួររំលឹកថា ពិធីបុណ្យ​អុំទូក​ឆ្នាំ​២០១៨​នេះ មាន​ទូក ង ចូលរួម​ប្រកួត ចំនួន​២៩៨​ទូក ខណៈ​ឆ្នាំ​២០១៧ មាន​ទូកង ត្រឹមតែ​២៧០​ទូក និង​មាន​កីឡាករ​ជិត​២​ម៉ឺន​នាក់​។ សម្រាប់​ប្រទីប​វិញ​មាន​ចំនួន​១៥ លើសពី​ឆ្នាំមុន ។ ជាមួយគ្នានេះ អាជ្ញាធរ ក៏ដូចជា​គណៈ​ម្មា​ធិ​ការ រៀបចំ​បុណ្យជាតិ​មាន​ក្ដី​រំពឹងទុក​ថា នឹងមាន​ប្រជាពលរដ្ឋ​ចូលរួម​ប្រមាណ​៣​លាន​នាក់​៕ ល​