ធី​ល​ល័​រ​សុន​និយាយថា ត្រាំ “​គ្មាន​វិន័យ​” និង​ចង់​រំលោភច្បាប់​ម្តង​ហើយ​ម្តងទៀត​, ត្រាំ​តប​វិញ​ថា​ធី​ល​ល័​រ​សុន “​ក្បាលរឹង​ដូច​ដុំថ្ម​”

203

​អតីតរដ្ឋមន្ត្រី​ការបរទេស​អាមេរិក​លោក​រិច ធី​ល​ល័​រ​សុន បាន​និយាយថា លោក​ដូ​ណា​ល់ ត្រាំ “​មិនមាន​វិន័យ​ទេ​” ហើយ​ចង់​ល្មើសច្បាប់​ម្តង​ហើយ​ម្តងទៀត ដែលនាំឱ្យ​ប្រធានាធិបតី​អាមេរិក​ធ្វើការ​ឆ្លើយតប​វិញ​កាលពី​ថ្ងៃ​សុក្រ​ទី​៧​ធ្នូ​ថា អតីត​សមាជិក​គណៈរដ្ឋមន្ត្រីរ​បស់​លោក​រូបនេះ​គឺ “​ក្បាលរឹង​ដូច​ដុំថ្ម​ចឹ​ង​”​។​

​លោក​ធី​ល​ល័​រ​សុន ដែល​ត្រូវបាន​បណ្តេញ​ចេញពី​តំណែង​កាលពី​ខែមីនា មិនបាន​ព្យាយាម​បដិសេធ​ទំនាក់ទំនង​យ៉ាប់យ៉ឺន​របស់គាត់​ជាមួយនឹង​លោក​ត្រាំ​នោះទេ ក្នុងអំឡុង​បទសម្ភាសន៍​ដ៏​កម្រ​មួយ​កាលពី​យប់​ថ្ងៃ​ព្រហស្បតិ៍​ទី​៦​ធ្នូ ជា​ផ្នែក​មួយ​នៃ​អាហារ​ពេល​ល្ងាច​សប្បុរសធម៌​នៅ​រដ្ឋ​កំណើត តិច​សាស​របស់គាត់​។​

​លោក​ធី​ល​ល័​រ​សុន​បាន​ប្រាប់​អ្នកកាសែត​ជើងចាស់​លោក បុ​ប ស៊ី​ហ្វ​ហ្វើ នៃ​ទូរទស្សន៍ CBS News ដែល​បាន​ផ្សាយ​បទសម្ភាសន៍​នេះ​ថា “​ខ្ញុំ​គិតថា​ផ្នែក​មួយ​នៃ​រឿងនេះ​គឺ​ការពិត​ជាក់ស្តែង​យើង​ខុសប្លែក​ពីគ្នា​យ៉ាងខ្លាំង​ក្នុង​ស្ទីល​របស់​ពួកយើង​”​។

​លោក​បាន​បន្ថែមថា “​ខ្ញុំ​ត្រូវ​និយាយ​ទៅ​គាត់​ថា លោក​ប្រធានាធិបតី ខ្ញុំ​យល់​ពីអ្វី​ដែល​លោក​ចង់ឱ្យ​ខ្ញុំ​ធ្វើ ប៉ុន្ដែ​លោក​មិនអាច​ធ្វើ​វា​តាម​វិធី​នោះបានទេ វា​រំលោភច្បាប់ វា​រំលោភ​លើ​សន្ធិសញ្ញា​”​។​

​លោក​បាន​និយាយទៀតថា “​គាត់ (​ត្រាំ​) ពិតជា​ខកចិត្ត​ជាខ្លាំង​។ ខ្ញុំ​គិតថា គាត់​ច្បាស់​ជា​ធុញទ្រាន់​នឹង​ខ្ញុំ ដែលជា​មនុស្ស​ដែល​ប្រាប់​គាត់​រាល់ថ្ងៃ​ថា លោក​មិន​អាចធ្វើ​នេះ​មិន​អាចធ្វើ​នោះ ហើយ​សូម​ទៅ​និយាយ​អំពី​អ្វីដែល​យើង​អាចធ្វើ​បាន​វិញ​ល្អ​ជាង​”​។​

​ប៉ុន្មាន​ម៉ោង​ក្រោយមក ត្រាំ​បាន​បញ្ចេញ​កំហឹង​ដោយ​ប្រើពាក្យ​ធ្ងន់ៗ​នៅលើ Twitter ដោយ​និយាយថា ធី​ល​ល័​រ​សុន “​ពុំមាន​សមត្ថភាព​បញ្ញា​ឆ្លាត​វៃ​” ដើម្បី​ក្លាយជា​អ្នកការទូត​កំពូល​រហស់​អា​មេ​រិ​កឡើ​យ​។

​លោក​ត្រាំ​សរសេរ​នៅលើ​យន្តហោះ Air Force One ខណៈដែល​គាត់​វិលត្រឡប់​ពី​សន្និសីទ​នៅ​ទីក្រុង​កាន់​សាស​ស្តីពី​ឧក្រិដ្ឋកម្ម​យ៉ាង​ដូច្នេះ​ថា “​គាត់​ជាម​នុស្ស​ក្បាលរឹង​ដូច​ដុំថ្ម ខ្ញុំ​គួរណា​តែ​បណ្តេញ​គាត់​ឱ្យបាន​ឆាប់​។ គាត់​ជា​មនុស្ស​កម្ជិលអាំងផេះ​”៕ ដោយ៖ កញ្ញាដាលីស

លោក​ធី​ល​ល័​រ​សុន និង លោក​ត្រាំ