ធុងសំរាម​ឆ្លាត​ដ៏​ទំនើប​ត្រូវបាន​ដំឡើង​នៅ​ប៉េកាំង​…​ដាក់​សំរាម​ច្រើន​បាន​រង្វាន់​លើកទឹកចិត្ត​ទៀត​!

455

 

​សហគមន៍​ចុង​តុង នៅ​ប៉ែក​ខាងកើត​នៃ​ទីក្រុង​ប៉េកាំង​បាន​ដំឡើង​ធុងសំរាម​ឆ្លាត​ដ៏​ទំនើប​កាលពី​ថ្ងៃ​ព្រហស្បតិ៍​សប្តាហ៍​មុន​ក្នុង​គោលបំណង​លើកកម្ពស់​ការចាត់​ប្រភេទ​កាកសំណល់​។​

​ធុងសំរាម​ត្រូវបាន​បែងចែក​ទៅ​បី​ប្រភេទ គឺ​សម្រាប់​កាកសំណល់​ម្ហូបអាហារ កាកសំណល់​ដែល​អាច​យកមក​កែច្នៃ​ឡើងវិញ និង​វត្ថុ​ផ្សេងៗ​ទៀត​។ ធុងសំរាម​នេះ​គឺ​ពាក់កណ្តាល​ស្វ័យប្រវត្តិ ដោយមាន​អ្នកទទួលខុសត្រូវ​ម្នាក់​រង់ចាំ​ក្នុង​ម៉ោង​ធ្វើការ​។ រាល់​ពេលដែល​មនុស្ស​ចា​ត់​ចែង​សំរាម​ត្រឹមត្រូវ​តាម​ប្រភេទ នោះ​ពួកគេ​អាច​ប្រមូល​ពិន្ទុ​បាន ដោយ​ការ​ស្កែ​ន​លេខ​បា​កូដ​។​

​ប្រជាពលរដ្ឋ​អាច​ទទួលបាន​រង្វាន់​លើកទឹកចិត្ត​នានា បន្ទាប់ពី​ប្រមូលបាន​ពិន្ទុ​មួយចំនួន​។ អាជ្ញាធរ​មូលដ្ឋាន​សង្ឃឹម​ថា​ប្រព័ន្ធ​នេះ​អាច​លើកទឹកចិត្ត​ដល់​ការ​តម្រៀប​ត្រឹមត្រូវ​តាម​ប្រភេទ​សំរាម​និង​គ្រប់គ្រង​កាកសំណល់​បានល្អ​៕ ដោយ៖ កញ្ញាដាលីស

ធុងសំរាម​ឆ្លាត​ត្រូវបាន​ដំឡើង​នៅ​ក្រុង​ប៉េកាំង​កាលពី​ថ្ងៃ​ព្រហស្បតិ៍