នគរបាលគ្រប់គោលដៅចេញធ្វើអនាម័យបរិស្ថាន រួមចំណែក បង្ការកូវីត១៩

100
ចែករម្លែក
នគរបាលគ្រប់គោលដៅចេញធ្វើអនាម័យបរិស្ថានរួមចំណែកបង្ការកូវីត១៩ (រូប៖ ប.ជ័យ )

ដោយ ៖ ប.ជ័យ / បន្ទាយមានជ័យ : នគរបាលគ្រប់គោលដៅចេញធ្វើអនាម័យ បរិស្ថានរួមចំណែកបង្ការកូវីត១៩ ក៏ដូចជាបង្កើតសោភ័ណភាពក្នុងឱកាសត្រៀម អំណរ សាទរឆ្នាំថ្មីឆ្នាំជូតខាងមុខនេះ ។

លោកឧត្តមសេនីយទោអាត់ ខែម ស្នងការនគរបាលខេត្តបន្ទាយមានជ័យ ពីថ្ងៃទី២៤ខែមីនា តមក បានដឹកនាំកម្លាំងនគរបាលការិយាល័យចំណុះ ស្នងការដ្ឋានខេត្ត នគរបាលអធិការដ្ឋាន ស្រុក ក្រុង ជាមួយរថយន្តពន្លត់ អគ្គីភ័យចំនួន ១១គ្រឿងបានបើកយុទ្ធនាទាំងយប់ទាំងថ្ងៃធ្វើការបាញ់ទឹក សាប៊ូដើម្បីលាងសម្អាតនៅតាមដងផ្លូវជាតិ ផ្លូវខេត្តក្នុងទីរួមខេត្ត , ទីធ្លាសួនមានជ័យ ,ផ្សារសិរីសោភ័ណ និងរង្វង់មូលជំទាវព្រះម៉ែគ្រប់ល័ក្ខដើម្បី ចូលរួមទប់ស្កាត់ការរីករាលដាលនៃវីរុសកូរ៉ូណាថ្មី ដែលកំពុងតែរាតត្បាតនៅ​លើពិភពលោកនិងនៅប្រទេសកម្ពុជាដែរ ។

លោកឧត្តមសេនីយទោអាត់ ខែមបានឲ្យដឹងថា ៖ នេះជាការអនុវត្តន៍តាម​បទបញ្ជា​របស់នាយឧត្តមសេនីយ៍ នេត្រសាវឿន អគ្គស្នងការនគរបាលជាតិ ក៏ដូចកិច្ចសហការជាមួយរដ្ឋបាលខេត្តដែលបានឲ្យកំលាំងនគរបាលស្នងការនគរបាលខេត្តទាំងអស់ត្រូវបើកយុទ្ធនាការធ្វើអនាម័យ លាងទឹកសាប៊ូ បាញ់ថ្នាំបង្ការ​សម្លាប់វីរុសកូវីដ ១៩នៅគ្រប់គោលដៅក្នុងភូមិសាស្ត្រទទួលខុសត្រូវ ។

ក្នុងនោះដែរ លោកបានឲ្យនគរបាលគ្រប់ស្រុកក្រុង ប៉ុស្តិ៍នគរបាលរដ្ឋបាល នគរបាលការពារព្រំដែនគោកនៅក្នុងខេត្តត្រូវចូលរួមសហការជាមួយអាជ្ញាធរដែនដី មន្ទិរឹសុខាភិបាល មន្ទិរពេទ្យនិងអ្នកពាកព័ន្ធក្រោមការដឹកនាំរបស់​គណៈបញ្ជាការកងឯកភាពខេត្តក្នុងការចាត់វិធានការ បង្ការ និងទប់ស្កាត់ការ​រាតត្បាតនៃជំងឺកូវីដ១៩ COVID19 និងអន្តរាគមន៍ដឹក​ជញ្ជូន សហការសម្រួលការពិគ្រោះ ពិនិត្យថែទាំ ព្យាបាលអ្នកឆ្លងនិងអ្នកជំងឺកូវីដ១៩ ។

និងត្រូវត់វិធាការដើម្បីបង្ការ ការឆ្លងនៃវីវុសកូវីដ១៩ទៅតាមការណែនាំ របស់ក្រសួងសុខាភិបាល នៅតាមអង្គភាពនគរបាលនីមួយៗត្រូវតែ​មានម៉ាសុីនពិនិត្យវាស់កំដៅក្នុងខ្លួនមុនពេលចូលធ្វើការ ទឹកអាល់កុល ឬជែលសម្រាប់លាងសម្អាតដៃ ត្រួតពិនិត្យលើមន្ត្រីកងកម្លាំង មន្ត្រីរាជការ ពលរដ្ឋនិងពលករខ្មែរមកពីបរទេសមានពីប្រទេសថៃ ម៉ាឡេសុីជាដើម៕